२ कोरिन्थी 4:2 - घले नयाँ करार

² त्‍वा पर्‌तेब काम मेस्‍ये छ्‌यूप्‍देबे चेब अन्‍ज्‍य कामयू क्‍वाने ङीदे क्यापीक ख्यङ्। ङी तीप्‍लीङ्-छोप्‍लीङ् चेब काम अन्‍ची, परमेश्‍वरजे वचनने अदल-बदल अन्‍ची। तर परमेश्‍वरजे खूम्ने तम्दम् पो क्‍यम्‍क्‍य, मेस्ये भरपर्‌ते खल्‍जे मीयू क्वादेने अम्ब पो स्येय।

२ कोरिन्थी 4:2 ပူးပေါင်းရင်းမြစ်များ

रोमी 1:16

ङ अम्‍ब सूगब खबर स्‍य्‍वेने अन्‍त्‍वा। विश्‍वास चेबयू नङ्ने पात्‍ता खूम् यहूदी होर्‌दे यहूदी तेब मीयूजे लागिये अम्‍ब मुक्ति पीनब परमेश्‍वरजे शक्ति ख्यङ्।

रोमी 6:21

हन्‍छ्वाब नमयूदे चेब कामदे चै फाइदा क्‍यूत्‍दे? हम्‍ब कामयूदे चीत्‍देबे नमयू चूजो त्‍वा ख्यङ्, होरदे हम्‍ब कामयूजे फलब सीब पर्‌दे ख्यङ्।

१ कोरिन्थी 4:5

येरेक्‍यूत्‍देबे तोक्‍दीयेब बीलयली खूम् सूनेये दोष अन्‍लैदीलाची, प्रभु अन्‍रदासेमे रेन्‍नू। ङूदे मून्‍दूङ्ने अन्‍तङ्लाबे नङ्सू क्‍यून्‍नब सेयू ओथ्याङ्ने तङ्लाबे चीम्‍मीय, मेस्‍ये मीजे सेम्जे पोयू तङ्लाबे चीम्‍मीय। हन्‍छ्वाब मी क्‍वादेने प्रेपर्‌देब स्यावास परमेश्‍वरदे पीन्‍क्‍य।

२ कोरिन्थी 1:12

अम्‍ब पोने ङी त्‍वोक्‍क्‍य, होर्‌‍दे ङीजे विवेकदेये हम्‍बजे गवाही पीन्‍क्‍य, चेनेयलो संसारने क्‍यूप्‍प ङीदे थेप्‍प्र नमयूप्रे पवित्र रूप्‍‍दे मेस्‍ये परमेश्‍वरजे सत्य तन्‍देबे प्र-ख्यङ्, अम्‍ब संसारजे बुद्धि अनुसार दी, तर परमेश्‍वरजे अनुग्रह अनुसार चे ख्यङ्।

२ कोरिन्थी 11:3

तर र्‌वेदे केरे लूच्‍च चीत्‍देबे हव्वाने छेल्‍लीपीदे, होरप्रने नमयूजे चैये छल् त्‍वब सेम् मेस्‍ये चोखो क्‍यूत्‍देबे ख्रीष्‍टने पूस्‍तेब ज्‍य सेम्‍नेये तीप्‍लीङ् छोप्‍लीङ् चीप्‍पीई च यदेबे ङ सोरो फैन ख्यङ्।

२ कोरिन्थी 11:6

ङ सोरो ज्‍य क्‍यम्‍से रब मी दी, तर ङैप्रे ज्ञान ख्यङ्। अम्‍ब पो ङीदे नमयूने साप्‍ता तर्‌तीप्‍दे चेला तम्‍मीक ख्यङ्।

२ कोरिन्थी 2:17

चेनेयलो परमेश्‍वरजे वचनजे छोङ् चेब कूम मीयूप्र ङी दी, तर परमेश्‍वरदे कूल्‍बेब चैये छल् त्‍वब मीप्र परमेश्‍वरजे खूम्‍ने ख्रीष्‍टप्रे क्‍यूत्‍देबे ङी क्‍यम्‍क्‍य।

२ कोरिन्थी 5:11

येरेक्‍यूत्‍देबे प्रभुप्रे फ पर्‌दे ख्यङ् यब पो स्‍येदेबे ङीदे मीयूने प्रभुतेले ल्‍वाख यीय। तर ङीन कर ख्यङ् यब पो परमेश्‍वरदे स्‍येख्यङ्, मेस्‍ये अम्‍ब पो नमयूजे विवेकदेये चेलाबेने स्‍ये ख्यङ् यदेबे ङ आशा चीक्‍क्‍य।

२ कोरिन्थी 6:8

ङीदे गेसेन् प्रेप्‍प मेस्‍ये गेसेन् अम्‍प्रे क्‍यूप्‍प, न पूप्‍प मेस्‍ये न-मीन् चील्‍लीब। ङीने ठग्‍देबयूप्र मन्‍क्‍य, तर ङी तम्दम् ख्यङ्।

२ कोरिन्थी 7:14

चेनेयलो नमयूजे पो स्‍योत्‍देबे तीतसजे खूम्‍ने ङ केन् त्‍वोक्‍कलीने, हम्‍ब पोने नमयूदे चीत्‍देबे ङ त्‍वा अम्‍पर्‌ती। तर ङीयूदे नमयूने यब साप्‍ता पो केर्‌बे तम्दम् ख्‍य, होर्‌बेने तीतसजे खूम्‍ने ङीदे केन् त्‍वेब पोये तम्दम् ठर्‌तीक ख्यङ्।

एफिसी 4:14

होर्‌दे छट्‍टू मीजे पीरीपीरीजे शिक्षाजे छल्दे कने प्‍लेके होनेने कूबब चीद-चीद पीचयूप्र ङीन अन्‍क्यूल्‍लाचीदे। थमयूदे योनब ठग शिक्षादे सूजो मीयूने अन्‍ज्‍य लम्‍तेले कूबीय।

एफिसी 5:12

चेनेयलो थमयूदे नङ्सूने आलाक्के चेब कामयूजे बारेने यनेये त्‍वाब पो ख्यङ्।