२ कोरिन्थी 4:17 - घले नयाँ करार

¹⁷ चेनेयलो ङीदे खात्‍या ङ्यूक्‍लीत्‍या प्रेब सकस्दे ङीने कलङ्बेये अन्‍जेनब पात्‍ता केन् महिमा तयार चीन्‍न ख्यङ्, अम्‍ब सकस्‍यली हम्‍ब महिमा केन् ख्यङ्।

२ कोरिन्थी 4:17 ပူးပေါင်းရင်းမြစ်များ

मत्ती 5:12

हन्‍छ्वाब तङ्, मेस्‍ये बेस्‍से सूग्, चेनेयलो स्वर्गने नमयूजे इनाम केन् क्‍यूक्क्‍य। चेनेयलो येर्‌बेने नमयूयली खूम्‍जे अगमवक्तायूने थमयूदे सतनम् चे ख्‍य।

लूका 6:23

“हम्‍ब दिन‍ने तङ्, मेस्‍ये सूग्‍देबे ङ्य, स्वर्गने नमयूजे इनाम केन् क्‍यूक्‍क्‍य। चेनेयलो नमयूजे मेमेयूदे अगमवक्तायूने यरप्रने चे ख्‍य।

मूल स्यूस्स्यायूजे कामजे किताब 20:23

अन्‍छ्वाब था ख्यङ्, यी सहरजे पीछीने कैद मेस्‍ये सकस् ङै फ्‍याने रीय यब पो पवित्र आत्मादे ङैने गवाही पीन ख्यङ्।

रोमी 2:7

धेरेन् क्यूत्देबे मीने ज्‍य चीम्मेब कामने ला-दीनूदेबे सूदे महिमा, इज्जत मेस्‍ये कलङ्बेये अन्सीबब जीया मल्‍क्‍य, परमेश्‍वरदे हम्‍बने कलङ्बेये अन्जेनब जीया पीन्‍क्‍य।

रोमी 8:18

ङ विचार चीक्क्य, अम्‍ब जीयाने ङीनदे भोक्‍तीनब सकस्यू, नङ्‍ग ङीनदे प्रेब महिमाप्रे करब लायकजे त्‍वो।

रोमी 8:34

होर्‌दे थमयूने सूदे दण्डजे आज्ञा पीन खूइय? चेनेयलो ख्रीष्‍ट थमयूजे सट्‍टने दण्ड भोक्‍तीदेबे सीये ख्यङ्। ङू सीये त्‍या दी, अम्‍ब यली केन् काम सीयेबदे फेरि सोम्‍बो चीम्मीदे। चूजो ङू परमेश्‍वरजे स्येत्‍तेयोर् टूङ्देबे राज्‍य चील्‍लीन ख्यङ्। होर्‌दे ङूदे ङीनजे लागि परमेश्‍वरप्रे बिन्तीये चीन्‍न ख्यङ्।

रोमी 8:37

दी, ङीनने प्रेम चेब ख्रीष्‍टदे ङीनने अम्‍ब साप्‍ता पोयू यली थेप् ट्‌यास्‍ये पीन ख्यङ्।

१ कोरिन्थी 2:9

तर धर्मशास्त्रने येरे लिख्दीये ख्यङ्, “म्‍यादे अन्‍तङब, नदे अन्‍तब, मेस्‍ये मीजे सेम्‍दे अम्‍मनब, येर सेयू परमेश्‍वरदे रङ्सेने प्रेम चेबयूजे लागि तयार चीदेख्यङ्।”

२ कोरिन्थी 3:18

ङीन क्‍वाजे त्‍वा-उप्येब कोला स्‍यूप्‍पीदेबे ऐनादे ङीनजे त्‍वा तम्‍मेप्र प्रभुजे महिमा ङीनजे त्‍वाने तङ्क्‍य, होरदे हम्‍ब महिमा सोरो कूम थेप् थेप् क्‍यूप्‍पदेबे ङीनये प्रभु प्रने क्‍यूप्‍पीय। अम्‍ब परमप्रभुदे पीन्‍देबेत्‍या क्‍यूक्‍क्‍य, प्रभुब आत्‍मा ख्यङ्।

फिलिप्पी 1:19

चेनेयलो नमयूजे प्रार्थना मेस्ये येशू ख्रीष्‍टजे आत्मादे तोङ्मीब ङैदे छुटकारा प्रेक्‍क्‍य यब पो ङैने था ख्यङ्।

२ थेसलोनिकी 1:4

येरप्रने नमयूजे सतनम् मेस्‍ये छरङ् सैदे ख्‍वब बोङ् मेस्‍ये विश्‍वासजे बारेने ङी परमेश्‍वर ख्रीष्‍टजे मण्डलीयू नङ्ने केन् क्‍यूत्‍देबे क्‍यम खूइय।

२ थेसलोनिकी 1:6

परमेश्‍वर न्याय चेब ख्यङ्, नमयूने छरङ् पीनबयूने ङूदे छरङ् पीन्क्‍य,

२ तिमोथी 2:10

येरेक्‍यूत्‍देबे सेल्कबयूजे लागिने ङ साप्‍ता पोने सैदीय, मेस्‍ये थमयूदेये कलङ्बेये अन्जेनब महिमा प्रेने ख्रीष्‍ट येशूने ख्‍यब मुक्ति प्रेखूस्य।

याकूब 1:12

भबी-तबी पर्‌तीरब पात्‍ताङ्‍येसेमे सैदे ख्‍वब मीदे असी प्रेक्‍क्‍य, चेनेयलो येर जाँचयू सैदीकब मीदे जीयाजे मुकुट प्रेक्‍क्‍य, हम्‍ब मुकुट परमेश्‍वरने प्रेम चेब मीयूने पीन्‍क्‍य यदेबे परमेश्‍वरदे चेब कबुल ख्यङ्।

१ पत्रुस 4:7

अम्‍ब संसार‌ जेन्टबसेमे फ्‍योर ख्यङ्। होरेक्‍यूत्‍देबे नमयू रङ्से शुद्ध सेम् मेस्ये होस्स्यार क्यूत्देबे प्रार्थना चे खूइय।

१ पत्रुस 5:10

साप्‍ता अनुग्रह चेब परमेश्‍वरदे कलङ्बेये अन्‍जेनब रङ्से महिमाजे लागि ख्रीष्‍टप्रे क्‍यूत्‍देबे नमयूने क्‍व ख्यङ्। नमयूदे तेदिनत्‍या सकस् भोक्‍तेमेस्‍ये ङूदेने फेरि नमयूने ज्‍य सर्‌, बोल्यो मेस्‍ये शक्तिशाली चीम्‍मीय।

१ यूहन्‍ना 3:2

ङैजे छेब ख्योन्‌यू, चूजो ङीन परमेश्‍वरजे छगूम्-पूर्‌गूम् क्‍यूर ख्यङ्, मेस्‍ये ङ्येदे ङीनने च क्‍यूक्‍क्‍य यदेबे ङीनने चूजोसेमेने अन्‍तम्‍मे ख्यङ्। कन्‍छ्वाब ङू तङ्‍रीय हन्‍छ्वाब ङीनये ङूप्रने क्‍यूक्‍क्‍य चेनेयलो ङू करप्र ख्‍य ङीनदे ङूने होरप्रने तङ्क्‍य यदेबे स्‍ये ख्यङ्।

यहूदा 1:24

नमयू पापने फस्तीस्‍ये अम्‍पीन्‍लाबे बच्‍दीमे ख्वबने, मेस्‍ये नमयूने आनन्द पीन्‍देबे ङूजे महिमाजे खूम्‍ने चैये पाप त्‍वब शुद्ध चीम्‍मे ख्वबने,