२ कोरिन्थी 3:3 - घले नयाँ करार

³ नमयू ख्रीष्‍टदे लिख्दीयेब चिट्ठी ख्यङ्, यदेबे नमयूदे तन ख्यङ्, हम्‍ब चिट्ठी सबब काम ङीदे चीत्‍दे। हम्‍ब चिट्ठी मसीदे दी, तर सोम्‍बो ख्‍यब परमेश्‍वरजे आत्मादे लिख्दीयेब ख्यङ्- लूङ्जे प्ल्याङ्ने दी, तर सेम्‍जे पाटीने लिख्दीये ख्यङ्।

२ कोरिन्थी 3:3 ပူးပေါင်းရင်းမြစ်များ

मत्ती 16:16

सिमोन पत्रुसदे जवाफ पीन्‍दे, “न सोम्‍बो परमेश्‍वरजे च ख्रीष्‍ट ख्यङ्।”

१ कोरिन्थी 3:5

अपोल्‍लोस सू ख्यङ्? पावल सू ख्यङ्? येशू ख्रीष्‍ट फ्‍याने विश्‍वास चीस्‍से पीनने नमयूजे लागि ङी ङ्ही परमेश्‍वरजे काम फरब मीयूत्‍यामे ख्यङ्। प्रभुदे खेर्‌दीयेब काम ङी फर्‌क्‍य।

२ कोरिन्थी 3:6

ङूदे ङीनने सर्‌ कबुलजे काम फरबयू क्‍यूरब गज्ज्य पीन्‍दे, लिख्दीयेब अक्षर‌ने दी, तर पवित्र आत्‍माने। चेनेयलो लिख्दीयेब अक्षरदे सेक्‍क्‍य, तर पवित्र आत्‍मादे जीया पीन्‍क्‍य।

२ कोरिन्थी 3:7

तर सीबस्ये पीनब मोशाजे नियमजे अक्षरयू लूङ्जे प्‍ल्‍याङ्ने खोप्‍तीये ख्‍य। हम्‍ब मोशाजे नियम येर महिमा क्‍यूत्‍देबे रदे, यी हम्‍ब महिमाजे सेर्‌ जेन्टमेल्‍नूली, हम्‍ब सेर्‌दे चीत्‍देबे इस्राएलजे मीयूदे मोशाजे त्‍वा ले अङ्ख्‍व क्‍यूत्‍दे।

२ कोरिन्थी 6:16

मूर्तियूप्रे परमेश्‍वरजे मन्दिरजे चे मतलब? चेनेयलो ङीन ब सोम्‍बो ख्‍यब परमेश्‍वरजे मन्दिर ख्यङ्। परमेश्‍वरदे येरे य ख्यङ्:- “ङ थमयूप्रे टूङ्‍क्य, मेस्‍ये थमयूजे अन्द्रने ती-छो प्रीय, होरदे ङ थमयूजे परमेश्‍वर क्‍यूक्‍क्‍य, मेस्‍ये थमयू ङैजे मीयू क्‍यूक्‍क्‍य।”

१ थेसलोनिकी 1:9

नमयूट्‌याने ङी रब कर किसिमदे स्वागत चीत्दे, होर्‌दे नमयू तम्दम् सोम्‍बो परमेश्‍वरजे सेवा चेने मूर्तियूजे सेवा चेब काम‍दे ल्‍वारदे यब पो मीयूदेने स्‍योक्‍क्‍य।

हिब्रू 10:16

“हम्‍ब दिनयूङ्‍येदे थमयूप्रे चेब ङैजे करार अम्‍ब ख्यङ्, यदेबे परमप्रभु य-ख्यङ्, ङैजे नियम थमयूजे त्याङ्ने येम्‍मीय, मेस्‍ये हम्‍ब नियम थमयूजे सेम्‍नेये ङ लिख्दीमीय।”

हिब्रू 8:10

हम्‍ब दिनङ्‍येदे ङ इस्राएलजे मीयूप्रे अम्‍ब करार चीक्‍क्‍य यदेब परमप्रभू य ख्यङ्, ङैजे नियम थमयूजे सेम्ने येम्‍मीय, मेस्‍ये हम्‍ब नियम थमयूजे सेम्‍नेये लिख्दीमीय। ङ थमयूजे परमेश्‍वर क्‍यूक्‍क्‍य, होर्‌दे थमयू ङैजे मीयू क्‍यूक्‍क्‍य।

हिब्रू 9:14

ख्रीष्‍टजे कादे नमयूजे चैये काम अन्‍लादेब विवेकने अझ थेप् कूम शुद्ध चीम्‍मीय, मेस्‍ये नमयूदे सोम्‍बो परमेश्‍वरजे सेवा चे खूस्‍य। चेनेयलो येतार्‌ने क्यून्‍नब परमेश्‍वरजे आत्माप्रे क्यूत्देबे ख्रीष्‍टदे रङ्सेने चैये खोट् त्‍वब बलिजे रूप्‍ने परमेश्‍वरने चेर्‌तीपीदे।

प्रकाश 2:1

एफिससजे मण्डलीजे दूतने अम्‍ब पो लिख्दी: रङ्सेजे स्‍येत लाने कर्‌चेन् ङ्यी टेब मेस्‍ये मर्‌दे बन्‍दीयेब साम्दान ङ्यीजे अन्‍द्रने प्रबदे अम्‍ब पोयू य-ख्यङ्।

प्रकाश 2:12

होर्‌दे पर्गाममजे मण्डलीजे दूतने अम्‍ब लिख्दी: पट्टी-ङ्हीने छ्‍यर धर ख्‍यब तरवार टेलबदे अम्‍ब पो य ख्यङ्,

प्रकाश 2:18

होर्‌दे थिआटीराजे मण्डलीजे दूतने अम्‍ब पो लिख्दी: अम्‍ब पो परमेश्‍वरजे चदे य ख्यङ्, ङूजे म्‍या मीजे उम्‍दप्र, ङूजे तोप् टेल्‍कीदीदेबे हीतेब चीरीप्र ख्यङ्।

प्रकाश 2:8

होर्‌दे स्मुर्नाजे मण्डलीजे दूतने अम्‍ब पो लिख्दी: अम्‍ब पो पात्‍ता खूम् मेस्‍ये पात्‍ता ङ्येदे ख्यबदे य ख्यङ्, ङू सीये ख्‍य, मेस्‍ये फेरि सोम्‍बो क्‍यूत्‍दे।

प्रकाश 3:1

सार्डिसजे मण्डलीजे दूतने अम्‍ब पो लिख्दी: परमेश्‍वरजे आत्‍मा ङ्यी मेस्‍ये कर्‌चेन् ङ्यी ख्‍यबदे अम्‍ब पो य ख्यङ्। नैजे काम ङैने था ख्यङ्। न सोम्‍बो क्‍यून्‍नब मीन्त्‍यामे ख्यङ्, तर न सीये ख्यङ्।

प्रकाश 3:14

होर्‌दे लाउडिकियाजे मण्डलीजे दूतने अम्‍ब पो लिख्दी: आमेन, भरपर्‌तेब, मेस्‍ये तम्दम् गवाही मेस्‍ये परमेश्‍वरदे सृष्‍टि चेब सेयू फ्‍याने हक चील्‍लेबदे अम्‍ब पो य ख्यङ्।

प्रकाश 3:22

सूजे त ख्‍वब न ख्यङ्, पवित्र आत्मादे मण्डलीयूने यब पो ङूदे चेलाबे ङ्‍यीन्स्य।

प्रकाश 3:7

होर्‌दे फिलाडेल्‍फियाजे मण्‍डलीजे दूतने अम्‍ब पो लिख्दी: यी पोयू पवित्र मेस्ये सत्य ख्‍यबदे य ख्यङ्, ङूजे लाने दाऊदजे चापी ख्यङ्। ङूदे च पूक्‍क्‍य, सूदेये था खूस्‍ये त्‍वो, मेस्‍ये ङूदे च थाय, सूदेये पूक खूस्‍ये त्‍वो।