२ कोरिन्थी 2:14 - घले नयाँ करार

¹⁴ तर परमेश्‍वरने धन्‍यवाद पीन्‍क्‍य, चेनेयलो ङूदे ङीने ख्रीष्‍टप्रे-प्रे येतार्‌ने ट्‌याब लम्‍ने स्‍योल्‍क्‍य, मेस्‍ये ङूजे ज्ञानजे ज्‍य बस्न रब पो का-मुलुक‍ने ड्वाङ्‍गे चेने ङूदे ङीने च्योल्‍क्‍य।

२ कोरिन्थी 2:14 ပူးပေါင်းရင်းမြစ်များ

यूहन्‍ना 16:33

नमयू ङै प्रे क्‍यूप्‍प शान्ति क्यूस्स्य यदेबे नमयूने अम्‍ब पो येरेक्‍यूत्‍देबे य ख्यङ्। संसारने टूङ्ब नमयूने सकस् क्‍यूक्‍क्‍य, तर बोङ् ची, ङैदे संसार ट्‌याक ख्यङ्।”

रोमी 1:8

पात्‍ता खूम्, ङ नमयू ख्‍वोताजे लागि येशू ख्रीष्‍टप्रे क्‍यूत्‍देबे ङैजे परमेश्‍वरने धन्‍यवाद पीन्‍क्‍य, चेनेयलो नमयूदे चेब विश्‍वासजे पो का-मुलुक‍ने तैक ख्यङ्।

रोमी 15:19

अम्‍ब काम ङैदे च्यूनूयू मेस्‍ये हार्‌मन्‍देब कामयूजे मेस्‍ये पवित्र आत्माजे शक्तिदे चेख्यङ्। येर्‌बे यरूशलेमदेमेस्‍ये इल्लुरिकनसेमे ङैदे ख्रीष्‍टजे सूगब खबर बेस्से चेलाबे स्‍योक्‍क ख्यङ्।

रोमी 6:17

खूम नमयू पापजे त्वो-त्वोम क्‍यूर ख्‍य, तर चूजो परमेश्‍वरदे लोम्‍मेब शिक्षाने नमयूदे सेम् नङ्देमेस्‍येने मन्‍दे ख्यङ्। अम्‍बजे लागि परमेश्‍वरने धन्‍यवाद ख्यङ्।

रोमी 8:37

दी, ङीनने प्रेम चेब ख्रीष्‍टदे ङीनने अम्‍ब साप्‍ता पोयू यली थेप् ट्‌यास्‍ये पीन ख्यङ्।

१ कोरिन्थी 12:8

कोइने पवित्र आत्मादे बुद्धिजे पो क्‍यमब, कोइने पवित्र आत्मादे य अनुसार ज्ञानजे पो क्‍यमब,

१ कोरिन्थी 15:37

नदे रङ्ने चैलू थर्‌ब ङ्येदे फेब पोङ् अन्‍थर्‌, तर ह्‍व या सूजो थर्‌जे सेयू चनेक्‍यूल्‍लीने लूत्‍यामे थर्‌क्‍य।

१ कोरिन्थी 15:57

तर परमेश्‍वरने धन्‍यवाद पीने, ङीनजे प्रभु येशू ख्रीष्‍टप्रे क्‍यूत्‍देबे ङूदे ङीनने ट्‌यासे पीन्क्य।

२ कोरिन्थी 1:11

नमयूदेये ङीजे लागि प्रार्थना चीत्‍देबे तोङ्मे पर्‌दीय। येर्‌बे कूम मीदे प्रार्थना चीत्‍देबे ङीदे असी प्रेक्‍क्‍य, मेस्‍ये कूम मीदे ङीजे लागि धन्‍यवाद पीन्‍क्‍य।

२ कोरिन्थी 8:16

ङैजे सेम्ने नमयूजे लागि कर सूर्‌त ख्‍य होरप्र सूर्‌त परमेश्‍वरदे तीतसजे सेम्ने येम्‍मे ख्यङ्, होरेक्‍यूत्‍देबे ङ परमेश्‍वरने धन्‍यवाद पीन्‍क्‍य।

२ कोरिन्थी 9:15

बयानने चे अङ्‍ख्वब परमेश्‍वरजे बरजे लागि परमेश्‍वरने धन्‍यवाद क्यूस्स्य।

एफिसी 5:2

नमयू त्‍यादे त्‍याने प्रेम ची, केर्‌बे ख्रीष्‍टदेये ङीनयूने प्रेम चीत्‍दे, मेस्‍ये परमेश्‍वरने सेम् पर्‌तेब लेम बस्‍न रब भेटी मेस्ये बलिजे रुप्ने ङीनजे लागि रङ्सेजे जीया बलि पीन्‍दे।

एफिसी 5:20

ङीन प्रभु येशू ख्रीष्‍टजे मीन्‍ने परमेश्‍वर पने साप्‍ता पोजे लागि येतार्‌ने धन्‍यवाद पीन्‍नू।

फिलिप्पी 4:18

ङैदे प्रेपर्‌ते यली थेप्ने प्रेक्‍क ख्यङ्। नमयूदे एपाफ्रोडिटसजे लाने चङ्बेब हम्‍ब दान परमेश्‍वरने सेम् पर्‌तेब, लेम् बस्न रब मेस्‍ये सूग्‍लाबे चेब बलिप्र ङैदे प्रेत्‍देबे बेस्‍से सूग ख्यङ्।

कलस्सी 1:23

तम्दम्ने नमयू रङ्से विश्‍वासने अन्‍क्यापीलाबे बोल्यो क्‍यून्‍नू, मेस्ये नमयूदे सूगब खबर ङ्‍यीन्‍देबे प्रेब आशा अन्‍क्यापीलाची। अम्‍ब सूगब खबर का-मुलुक संसारजे मीयूने स्‍योक्‍क ख्यङ्। ङ, पावल अम्‍ब सूगब खबर स्‍य्‍वेब त्वो क्‍यूर ख्यङ्।

कलस्सी 1:6

अम्‍ब सूगब खबर नमयूट्‌याने फ्‍योर ख्यङ्, मेस्‍ये तम्दम्ने अम्‍बदे संसारजे का-मुलुकने असी पीन्‍देबे थेप् क्‍यूप्‍पीन ख्यङ्। परमेश्‍वरदे चेब अनुग्रहजे तम्दम् पो तदेबे क्‍वब दिनदेछोमेस्‍ये नमयूजे अन्‍द्रनेये सूगब खबरदे होरप्रने काम चीन्‍न ख्यङ्।

कलस्सी 2:15

ङूदे हुकुम चील्‍लेबयू मेस्‍ये शक्तियूने लास्या त्वब चीप्‍पीदे। हम्‍बयू फ्‍याने ट्‌यादे, मेस्‍ये क्‍वादेने तङ्लाबे हम्‍बयूने तमासा चीप्पीदे।

१ थेसलोनिकी 1:8

चेनेयलो नमयूदे परमेश्‍वरजे वचन माकेडोनिया मेस्‍ये अखैयाने त्‍यामे स्‍योक्‍क दी, तर परमेश्‍वर फ्‍याने नमयूदे चेब विश्‍वास का-मुलुक नेयूने ड्वाङ्‍गे क्‍यूरे ख्यङ्, मेस्‍ये ङीदे सूजो चैये य पर्‌देब जरूरी अन्‍थे।

१ थेसलोनिकी 3:9

ङी नमयूजे कारणदे ङीन परमेश्‍वरजे खूम्ने सोरो आनन्द मन्‍दीय। अम्‍बजे लागि परमेश्‍वरने ङीदे कोलाने धन्‍यवाद पीन्‍लीने अम्‍पूक्‍तेने क्‍यूक्क्‍य।

१ तिमोथी 2:8

येरेक्‍यूत्‍देबे पतीयूदे का-मुलुकनेने पवित्र ला लङ्देबे छी अन्‍चील्‍लाबे मेस्‍ये स्वाल्-जवाफ अन्‍चील्‍लाबे प्रार्थना चीस्‍स्‍य यब ङ सेम् चीक्‍क्‍य।

२ तिमोथी 2:2

नदे कूम साक्षीयूजे खूम्‍ने ङैदे यब चे पो तख्यङ्, हम्‍ब तब पोयू नदे सूजो मीयूनेये लोम्‍मे ख्‍वब भर्‌चे ख्वब मीयूने सूम्‍दीपी।

प्रकाश 7:12

“आमेन! ङीन्जे परमेश्‍वरजे सार्‌या, महिमा, बुद्धि, धन्‍यवाद, गेसेन्, शक्ति मेस्‍ये बोङ् येतार्‌ने क्‍यून्‍नूस्‍य। आमेन!”