२ कोरिन्थी 13:9 - घले नयाँ करार

⁹ चेनेयलो ङीदे चैये चे अङ्ख्‍व क्‍यूप्‍प, मेस्‍ये नमयूदेब चने यली चे ख्वब क्यूप्प, ङीजे सेम् सूग ख्यङ्। नमयूदे ज्‍य कामयू चीक्‍के खूस्‍य यदेबे ङी प्रार्थना चीक्‍क्‍य।

२ कोरिन्थी 13:9 ပူးပေါင်းရင်းမြစ်များ

रोमी 15:2

ङीन क्वादेने रङ्से खीम्‍चेजे विश्‍वासने बोल्यो क्यूस्‍स्य यदेबे थमयूजे भलोजे लागि थमयूने सूग्लाबे चीदे।

१ कोरिन्थी 1:10

अत-अची च्योन्‌यू ङीन्जे प्रभु येशू ख्रीष्‍टजे मीन्‍ने ङ नमयूने बिन्‍ती चीक्क्‍य, नमयू क्‍वाने सेम्त्‍या क्‍यूर्‌, मेस्‍ये नमयूजे अन्‍द्रने अन्‍थून अन्क्यूस्स्य। तर नमयूजे सेम्‍प्रे विचारयू त्‍या क्‍यूस्‍स्‍य।

१ कोरिन्थी 2:3

ङ नमयूप्रे टूङ्ब चैनेये बोङ् त्‍वब ख्‍य, मेस्‍ये सोरो फदेबे स्‍य फ्रीक्‍नब ख्‍य।

१ कोरिन्थी 4:10

अ, ख्रीष्‍टजे लागि ङी मूर्ख क्‍यूत्‍दे, तर नमयूब ख्रीष्‍टने बुद्धि ख्‍यब क्‍यूर ख्यङ्। ङी बोङ् त्‍व ख्यङ्, तर नमयू बोल्यो ख्यङ्। मीदे नमयूने गेसेन् चेख्यङ्, तर ङीनेब गेसेन् अन्‍ची।

२ कोरिन्थी 11:30

कादेये ङैदे ल-तप पर्‌तीलीने, ङैजे बोङ् त्‍व तङब पोयूने ल तप्‍क्‍य।

२ कोरिन्थी 13:11

अत-अची च्योन्‌यू, जेम्‍से अम्‍ब पोयू यदेबे लिख्‍देने बन्‍द चीक्‍क्‍य। सिद्ध क्यूरने बोङ् चीदो, ङैजे पो ङ्यीनो, त्‍या त्‍याप्रे थून्‍देबे टूङो, शान्तिने टूङो, मेस्‍ये प्रेम, शान्ति पीनब परमेश्‍वर नमयूप्रे क्‍यूक्‍क्‍य।

२ कोरिन्थी 13:4

चेनेयलो ङूने बोङ् त्‍व क्‍यूप्‍प मीयूदे खील् ठोक्दीदे क्रूस‍ने पील्‍पीदे, तर परमेश्‍वरजे बोङ्दे ङू सोम्‍बो क्‍यूर ख्यङ्। येरप्रने ङी ङूप्रे क्‍यूप्‍प, ङूप्रने बोङ् त्‍व क्‍यूक्‍क्‍य, तर नमयूप्रे काम फर्‌ने ङी परमेश्‍वरजे बोङ् प्रेत्‍देबे ङूप्रेने जीया चैय।

२ कोरिन्थी 4:12

येर्‌बे ङीने येतार्‌ने कालजे ङूर्‌ने सबब काम क्यूर ख्यङ्, तर अम्‍बदे चीत्‍देबे नमयूदे जीया प्रे ख्यङ्।

२ कोरिन्थी 7:1

येरेक्‍यूत्‍देबे ङैजे छेब ख्योन्‌यू, ङीनदे अम्‍ब कबुलयू प्रेत्‍देबे ङीनजे ङ्व प्रे आत्‍माने अन्‍ज्‍य चेब साप्‍ता थर्‌जे सेयू चैये अन्‍चील्‍लाबे रङ्सेने शूद्ध चीदे, मेस्‍ये परमेश्‍वरजे डर येत्देबे पूरा रुप्दे पवित्र क्‍यूप्‍पे।

कलस्सी 1:28

ख्रीष्‍टने मीयू क्‍वाने पाको चीत्‍देबे परमेश्‍वरजे खूम्‍ने तम्‍मेखूस्‍य यदेबे मीयू क्‍वानेने बोङ्बे आर्‌तीदेबे, मेस्‍ये पूरा बुद्धिने लोम्‍मीलीम् चीत्‍देबे ख्रीष्‍टजे पोयू ङी बोङ्बे स्‍योक्‍क्‍य।

कलस्सी 4:12

नमयू अन्‍द्रजे मीत्‍या येशू ख्रीष्‍टजे सेवा चेब इपाफ्रासदेये नमस्‍कार येबे ख्यङ्। नमयू परमेश्‍वरने बोल्यो क्‍यूर खूस्‍स्‍य मेस्‍ये परमेश्‍वरजे साप्‍ता इच्छायू पूरा रूप्‍दे मन्‍देब क्‍यूर खूस्‍स्‍य यदेबे ङूदे प्रार्थनाने नमयू येतार्‌ने ह्‌वे चीन्‍न ख्यङ्।

१ थेसलोनिकी 3:10

नमयूप्रे आम्ने-साम्ने तूदेबे नमयूजे विश्‍वासने च अम्‍पूक्‍ते क्‍यून्‍न ख्‍य हम्‍ब पूरा चेब विचारदे ङी नो-मून् बेस्‍से बोङ् चीत्‍देबे प्रार्थना चीन्‍न ख्यङ्।

२ तिमोथी 3:17

येर्‌बे परमेश्‍वरजे मीयू क्‍वादेने साप्‍‍ता ज्‍य कामयू चेलाबे चे ख्‍वब सिद्ध क्‍यूस्स्‍य।

हिब्रू 12:23

स्‍वर्गने मीन् लिख्दीकब, खूम् जन्मीदीकब परमेश्‍वरजे च-चमीयूजे सभाने नमयू रेक ख्यङ्। नमयू क्‍वाजे न्याय चेब परमेश्‍वरजे खूम्‍ने, सिद्ध चीक्‍कब धर्मी मीयूजे आत्‍माजे अन्‍द्रने,

हिब्रू 13:21

नमयूजे सेम्ने सोरो ज्‍य गुणयू येम्‍मीस्‍य, मेस्‍ये नमयूदे ङूजे इच्‍छा पूरा चे खूस्‍स्‍य। परमेश्‍वरने च सेम् पर्‌ते ख्यङ्, येशू ख्रीष्‍टजे मीन्‍ने परमेश्‍वरदे नमयूने हम्‍ब चीम्‍मीस्‍य। जूग् जूग् सेमेने येशूजे महिमा क्‍यून्‍नूस्‍य। आमेन।

हिब्रू 6:1

येरेक्‍यूत्‍देबे ख्रीष्‍टजे बारेने खूम्‍ने ते-ते लोम्‍कब शिक्षायूने पोङ्‍ङ्‍यीदेबे तम्दम् पो मेस्‍ये लूच्‍च पोयू छूर्‌दे ख्‍वब पाको मीप्र क्‍यूरे। कालजे ङूरने सब ब कामयू अम्‍फर्‌‍‍लाबे पश्चात्ताप चेब मेस्‍ये परमेश्‍वरने विश्‍वास चेब खूम्‍जे पोयूनेत्‍यामे फेरि लादीन दी।

१ पत्रुस 5:10

साप्‍ता अनुग्रह चेब परमेश्‍वरदे कलङ्बेये अन्‍जेनब रङ्से महिमाजे लागि ख्रीष्‍टप्रे क्‍यूत्‍देबे नमयूने क्‍व ख्यङ्। नमयूदे तेदिनत्‍या सकस् भोक्‍तेमेस्‍ये ङूदेने फेरि नमयूने ज्‍य सर्‌, बोल्यो मेस्‍ये शक्तिशाली चीम्‍मीय।