२ कोरिन्थी 13:7 - घले नयाँ करार

⁷ तर नमयूदे चैत्‍याये खराब अन्‍चीस्‍स्‍य यदेबे परमेश्‍वरने ङी प्रार्थना चीक्‍क्‍य। अम्‍ब ङी रङ्सेने ज्‍य तनजे लागि दी, तर मीयूदे ङी काम अन्‍लादेप्र तङ्लीने, नमयूदेब चैसे ज्‍य ख्यङ् हम्‍ब फरो।

२ कोरिन्थी 13:7 ပူးပေါင်းရင်းမြစ်များ

मत्ती 6:13

ङीने अन्ज्य जाँचने पर्‌तीप्रसे अम्‍पीन्‍लाची, तर दुष्‍टजे लादे चूक्‍दीमी। [चेनेयलो राज्‍य, शक्ति मेस्‍ये महिमा येतार्‌ने नैजेने ख्‍यङ्। आमेन।’]

यूहन्‍ना 17:15

थमयूने संसारदे योन्‍देबे कूब यदेबे ङ नने प्रार्थना अन्‍ची, तर दुष्‍टजे शक्तिदे चैये चे अङ्ख्‍व चीत्‍देबे जूक्‍तीमी यब प्रार्थना चीक्‍क्‍य।

रोमी 1:28

येर्‌बे थमयूदे परमेश्‍वरने तम्दम् पोने ठीक अन्‍थेदेबे परमेश्‍वरदे थमयूने चे अन्‍क्‍यूरब काम चेने अन्‍ज्‍य भस्‍त्व चेब सेम् क्‍यून्‍नूस्‍य यदेबे क्‍यापीदे।

रोमी 12:17

कोइदे नने अन्‍ज्‍यजे सट्‍टने अन्ज्य चीक्‍को यदेबे ङूने अन्‍ज्‍य अन्‍चील्‍ला ची। कम्‍ब पो मीयू क्वादेने सेम् परदे ख्यङ्, हम्‍ब पोनेत्‍या सेम् पीन्।

रोमी 13:13

ङीन नोदे म्‍या तङ्ब चेप्र ज्‍य काम चीदे। मोज-मज्‍जा चेब, च्‍यी-नादू थूङब, वेश्य काम चेब, छाडा काम चेब, च्‍य-जीङब, ठेनब काम क्‍यापी।

रोमी 16:10

ख्रीष्‍टजे खूम्ने लायकजे ठर्‌तीकब अपेल्‍लेसने नमस्‍कार येबी। अरिस्‍तोबुलसजे कीम् म्हीतीनेये नमस्‍कार येबी।

१ कोरिन्थी 11:19

नमयूजे अन्‍द्रने परमेश्‍वरजे खूम्‍ने सेम् ज्‍य ख्‍यब मीयू चीन्तेने अन्‍थूनये क्‍यूर पर्‌ते ख्यङ्।

२ कोरिन्थी 10:10

चेनेयलो कोइदे य ख्यङ्, “ङूदे लिख्देब चिट्ठीजे पोयू सोरो भरपर्‌तेब मेस्‍ये मीजे सेम् छ्वेब क्‍यूक्‍क्‍य, तर ङू ङीनप्रे क्‍यूप्‍प ङू बोङ् त्वब क्यूक्‍क्य मेस्‍ये ङूदे क्‍यमब पोये चैकम्‍‍तेब क्‍यूक्‍क्‍य।”

२ कोरिन्थी 10:18

चेनेयलो रङ्सेजे सल्‍क रङ्सेदेने चेब मीजे गेसेन् क्यूस्से त्वो, तर प्रभुदे सल्‍क चेब मीजे गेसेन् क्यूक्‍क्य।

२ कोरिन्थी 13:6

ङ आशा चीक्‍क्‍य, ङीयूब काम अन्लादेब अन्क्यूरे ख्यङ् यब पो नमयूदे था प्रेक्‍क्‍य।

२ कोरिन्थी 13:8

चेनेयलो ङी सत्यजे लागि त्‍यामे फर खूइय, तर सत्यजे विरुद्ध चीत्‍देबे चैये फर अङ्‍खू।

२ कोरिन्थी 13:9

चेनेयलो ङीदे चैये चे अङ्ख्‍व क्‍यूप्‍प, मेस्‍ये नमयूदेब चने यली चे ख्वब क्यूप्प, ङीजे सेम् सूग ख्यङ्। नमयूदे ज्‍य कामयू चीक्‍के खूस्‍य यदेबे ङी प्रार्थना चीक्‍क्‍य।

२ कोरिन्थी 6:4

तर साप्‍ता काम‍ने ङी रङ्सेदे परमेश्‍वरजे सेवा चेबयू ख्यङ् यदेबे तन्‍क्‍य-सोरो सैदे ख्‍वब क्‍यूत्‍देबे, सकस् रब, मूस्‍कील क्‍यूप्‍प, आपद्-विपद् पर्‌ती रब,

२ कोरिन्थी 8:21

चेनेयलो ङी प्रभुजे खूम्‍नेत्‍या दी, तर मीयूजे खूम्‍नेये च-ज्‍य तङ्क्‍य हम्‍ब फरब सेम् चीक्‍क्‍य।

फिलिप्पी 4:8

आखिरीने, अत अची च्‍योन्‌यू, चै से तम्दम् ख्यङ्, चै से गेसेन् चे लायकजे ख्यङ्, चै से ठीक ख्यङ्, चै से शुद्ध ख्यङ्, चै से प्रेम चेब लायकजे ख्यङ्, चै से सोरो छेब ख्यङ्, सोरो हार्‌मन्‍देत्‍या ज्‍य से मेस्ये चत्‍यासे सार्‌या चेब लायकजे ख्यङ्लो होर सेयूने सेम् पीनो।

१ थेसलोनिकी 5:23

शान्ति पीनब परमेश्‍वर रङ्सेदेने पूरा रूप्‍दे नमयूने पवित्र चीम्‍मीस्‍य, मेस्‍ये नमयूजे पूरा आत्मा, प्राण मेस्‍ये ङ्व ङीनजे प्रभु येशू फेरि ल्‍वारब खोट् त्‍वब क्‍यूस्‍स्‍य।

१ तिमोथी 2:2

मूरुम्‌यू मेस्ये केन् पदने टूङब मीयूजे लागिये प्रार्थना ची, मेस्‍ये येरक्‍यूस्‍स्‍य यी ङीन सेम् ढूक्‍क मेस्‍ये शान्ति क्‍यूत्‍देबे साप्‍ता तर्‌तीप्देने धर्मी मेस्ये मीदे ज्‍य गेसेन् चेब जीया च खूस्‍य।

२ तिमोथी 2:15

त्‍वा अम्‍पर्‌देब तम्दम्‍जे वचनने चेलाबे चील्‍लीदेबे काम फरब मीप्र क्‍यूत्‍देबे रङ्सेदेने परमेश्‍वरजे मी क्‍यूर लायकजे क्‍यूरने खूदासेमे बोङ् ची।

२ तिमोथी 4:18

प्रभुदे ङैने साप्‍ता खराब थोकयू ट्‍यादे जूक्‍दीमीय, ङूजे स्वर्गजे राज्‍यने स्‍योल्‍गेजे लागि ङैने उद्धार चीम्मीय। ङूजे येतार्‌ने महिमा क्‍यूस्स्‍य। आमेन।

याकूब 1:12

भबी-तबी पर्‌तीरब पात्‍ताङ्‍येसेमे सैदे ख्‍वब मीदे असी प्रेक्‍क्‍य, चेनेयलो येर जाँचयू सैदीकब मीदे जीयाजे मुकुट प्रेक्‍क्‍य, हम्‍ब मुकुट परमेश्‍वरने प्रेम चेब मीयूने पीन्‍क्‍य यदेबे परमेश्‍वरदे चेब कबुल ख्यङ्।

१ पत्रुस 2:12

यहूदी तेब मीयूजे अन्‍द्रने नमयूजे आनि-बानी सोरो ज्‍य क्‍यूस्‍स्‍य। कोइदे नमयूने अन्‍ज्‍य काम फरब मीयू यदेबे नमयूजे विरुद्ध चीत्‍देबे क्‍यम्‍लीने, थमयूदे नमयूजे सोरो ज्‍य कामयू तङ्स्‍य, मेस्‍ये परमेश्‍वर न्याय चेने रब दिनने थमयूदे परमेश्‍वरजे महिमा चीस्‍स्‍य।