२ कोरिन्थी 10:5 - घले नयाँ करार

⁵ परमेश्‍वरजे ज्ञानजे विरुद्ध लङब च्‍य-फा क्‍यूस्‍से पीनब, मेस्‍ये त्वोत्देबे बाधा पीनब साप्‍ता पोयूने ङी नाश चीक्‍क्‍य, मेस्‍ये साप्‍ता थर्‌जे विचारयूने ख्रीष्‍टजे आज्ञा मन्‍दीस्ये पीनजे लागि काबूने रेक्‍क्य।

२ कोरिन्थी 10:5 ပူးပေါင်းရင်းမြစ်များ

मत्ती 15:19

चेनेयलो सेम्‍देने अन्‍ज्‍य ह्‍वे चेब, मी सेब, मीजे मजप्रे प्रब, वेश्य काम चेब, ख्‍वब, लूच्‍च गवाही पीनब, मेस्‍ये मीजे बतनम् चेब अन्ज्‍य पोयू फीने योङ्‍रीय।

लूका 1:51

ङूदे रङ्से लाजे बोङ् तन जेङ्‍क ख्यङ्। ङूदे सेम् नङ्ने ह्‍वे चीत्‍देबे केन्त्‍वेयूने स्‍वा-स्‍वा चीप्‍पे ख्यङ्।

रोमी 1:21

थमयूदे परमेश्‍वरने स्‍येदेबेये परमेश्‍वरने चे पर्‌देब गेसेन् अन्‍ची, थमयूदे परमेश्‍वरने धन्यावाद अम्पीन्, थमयू रङ्से विचारने काम अन्‍लादेब क्यूत्देबे थमयूजे मूर्ख सेम्ने मून्‍दूङ् क्‍यूत्‍दे।

रोमी 1:5

ङूजे मीन्‍जे लागि यहूदी तेब मीयू क्‍वादेने विश्‍वास चीत्‍देबे आज्ञा मन्‍देब चेजे लागि येशू ख्रीष्‍टने परमेश्‍वरदे ङीने मूल स्यूस्स्याजे काम चेब अनुग्रह पीन ख्यङ्।

रोमी 16:26

तर जेम्‍से येतार्‌ने क्यून्‍नब परमेश्‍वरजे आज्ञा अनुसार अगमवक्तायूदे चेलाबे अम्बजे बारेने स्‍योम्मीक ख्यङ्। का-मुलुक नेयूजे यहूदी तेब मीयूदे प्रभुने विश्‍वास चीस्‍स्‍य मेस्‍ये ङूजे आज्ञा मन्‍दीस्य यदेबे अम्ब नङ्सूजे खबर का-मुलुकने प्रचार क्यूर ख्यङ्।

रोमी 7:23

तर ङैजे अङ्गयूने ख्‍यब सूजो नियमब ङैजे सेम्‍ने ख्‍यब नियमप्रे जीङ्क्‍य। मेस्‍ये ङैजे अङ्गयूने बास चेब पापजे नियमदे ङैने बन्‍धन्‍ने येक्‍क्‍य।

१ कोरिन्थी 1:19

धर्मशास्त्रने लिख्दीये ख्यङ्, “ङ बुद्धिमानयूजे बुद्धि नाश चीक्‍क्‍य, मेस्‍ये छट्‍टूयूजे चलाख चेकम्दे चीप्‍पीय।”

१ कोरिन्थी 3:19

चेनेयलो संसारजे बुद्धि परमेश्‍वरजे खूम्‍ने मूर्ख ख्यङ्। चेनेयलो धर्मशास्त्रने येरे लिख्दीये ख्यङ्, “परमेश्‍वरदे बुद्धि ख्‍यबयूने थमयूदे चेब छट्‍टू कामने ङ्येप्‍क्‍य।”

२ कोरिन्थी 11:20

चेनेयलो कोइ मीदे नमयूने त्वो-त्वोमप्र चील्‍लीने, यूयू पूत्‍देबे ङ्येप्कलीने, नमयूने लूर्‌तीकलीने, नमयू फ्‍याने हैकम् चील्‍लीलीने, नमयूजे ङूर्‌ने ठरीलीने नमयूदे अम्‍ब साप्‍ताने सैदीन टोङ्।

२ कोरिन्थी 9:13

नमयूदे ख्रीष्‍टजे सूगब खबरने मन्‍दीदे मेस्‍ये सेम् यङ्से क्‍यूत्‍देबे यरूशलेमजे पवित्र मीयूने मेस्‍ये सूजो नेजे विश्‍वासीयूने दान पीन्देबे नमयूदे आज्ञा मन्‍दे ख्यङ् यब पोजे प्रमाण पीन्‍दे, अम्‍बदे परमेश्‍वरजे महिमा क्‍यूक्‍क्‍य।

फिलिप्पी 4:7

मेस्‍ये ङीनजे ज्ञानदे क्‍वने अङ्ख्‍वब परमेश्‍वरजे शान्‍ति ख्यङ्, हम्‍ब शान्‍तिदे नमयूजे ह्‍वे चे ख्‍वब शक्ति मेस्‍ये सेम्ने येशू ख्रीष्‍टने जूक्‍तीदे येम्‍मीय।

२ थेसलोनिकी 2:4

ङूदे ईश्‍वर‌ यब क्वानेने या मीदे पूज्‍दीनब सेयूजे विरोध चीक्‍क्‍य, मेस्‍ये हम्‍ब यली रङ्सेने केन् मन्क्‍य, अन्‍छ्वासेमे यी परमेश्‍वरजे मन्दिर नङने टूङ्देबे रङ्सेने परमेश्‍वर यदेबे यीय।

२ थेसलोनिकी 2:8

होर्‌दे ङ्‍येदे मुख्य दुष्‍ट मी योङ्‍रीय, तर प्रभु येशू रब रङ्सेजे ङूर्‌जे सदे हम्बने सेक्‍क्य मेस्ये ङू रब ङूजे महिमाजे ओथ्याङ्दे हम्‍बने नाश चीक्क्य।

हिब्रू 4:12

चेनेयलो परमेश्‍वरजे वचन सोम्‍बो मेस्‍ये काम फर ख्‍वब ख्यङ्, मेस्‍ये पट्टी-ङ्हीदेने छ्‍यर धर ख्‍यब तरवार यली थेप् छ्‌यर ख्यङ्। अम्‍बदे प्राण मेस्‍ये आत्‍माने हम्‍बजे जोर्‌न्‍या जोर्‌न्‍या होर्‌दे नोङ्‍र्‌याजे नङ्ने ख्‍यब स्यीम्ने भा-भा चीत्‍देबे ती-छो भोङ् चेब, सेम्जे पो मेस्‍ये इच्छाने जाँचते खूइय।

हिब्रू 5:9

मेस्‍ये परमेश्‍वरदे ङूने सिद्ध चीम्‍मे ङ्‍येदे ङूजे आज्ञा मन्‍देब मीयू क्‍वाजे लागि येतार्‌ने क्यून्‍नब मुक्तिजे मूल ङू क्‍यूत्‍दे।

१ पत्रुस 1:2

येशू ख्रीष्‍टजे आज्ञा मन्‍देब मेस्‍ये ङूजे कादे शुद्ध क्‍यूरजे लागि पवित्र आत्‍मादे शुद्ध क्‍यूत्‍देबे परमेश्‍वर पदे रङ्सेजे इच्‍छा अनुसार रङ्से मी चेने सेलब मीयूने: अनुग्रह मेस्‍ये शान्ति बेस्से क्‍यूप्‍पीनूस्‍य।

१ पत्रुस 1:22

जेम्से नमयूदे परमेश्‍वरजे सत्य पो मन्‍दे ख्यङ् मेस्‍ये रङ्सेने शुद्ध चीत्‍देबे रङ्से अत-अची-च्योन्‌यूने चोखो माया ची, मेस्‍ये सेम्-नङ्देमेस्‍येने त्‍यादे-त्‍याने बेस्‍से कूम माया ची।