२ कोरिन्थी 10:3 - घले नयाँ करार

³ तम्दम्ने ङी अम्‍ब संसारने जीया चेन ख्यङ्, होरेक्‍यूल्‍लीने संसारजे मीयूदेप्र ङी च्‍य-जीङ अन्‍ची।

२ कोरिन्थी 10:3 ပူးပေါင်းရင်းမြစ်များ

रोमी 7:5

कन्‍छ्वाब ङीन पापी-स्‍वभावने जीया चेन ख्‍य, हन्‍छ्वाब ङीनने सीबसे पीनब फल लोस्य यदेबे मोशाजे नियमदे तो प्‍लेदेबे ङीनने पाप चीतीङ्‍रब सेम्दे ङीन्जे अङ्गयूने काम चे ख्‍य।

रोमी 8:13

चेनेयलो नमयूजे पापी स्वभावदे मनप्र प्रदेयलो, नमयू सीबीय, तर कादेये पवित्र आत्‍माजे बोङ्दे पापी स्वभावदे चेब कामयूने नाश चीक्‍क्‍ययलो, नमयू सोम्‍बो क्‍यूक्‍क्‍य।

रोमी 8:4

येर्‌बे पापी स्वभाव अनुसार प्रब दी, तर पवित्र आत्‍मा अनुसार प्रब मीयूजे लागि मोशाजे नियमदे चैतेब पो पूरा चे ख्यङ्।

२ कोरिन्थी 1:17

ङैदे अम्‍ब सेम् चीप्‍प तीप्‍लीङ्-छोप्‍लीङ् पो य औ स्‍व? ङैदे रङ्सेजे योजना चीप्प अम्‍ब संसारजे मीदेप्र खात्‍याने “क्‍यूक्‍क्‍य” होर्‌‍दे खात्‍याने “अन्‍क्‍यूर्‌” ये य क्‍यूर औ स्‍व?

२ कोरिन्थी 10:4

चेनेयलो ङीनदे चील्‍लेब लास्‍यायू अम्‍ब संसारजेप्र दी, तर दुष्‍टदे बोल्यो चीत्‍देबे थ्‍यायेब पङ्‍रीयू हूल्बे ख्‍वब परमेश्‍वरजे शक्ति ङीनने ख्यङ्।

गलाती 2:20

ङ ख्रीष्‍टप्रेने क्रूसने खील् ठोक्‍दीदेबे पीले ख्यङ्, जेम्‍सेमेस्‍ये सोम्‍बो क्‍यूरब ङ दी, तर ख्रीष्‍ट ङै नङ्ने सोम्‍बो क्‍यूत्‍देबे टून ख्यङ्। चूजो ङ कम्‍ब जीया ङ्वजे रूप्‍ने सोम्‍बो क्‍यून्‍न ख्यङ् हम्‍ब परमेश्‍वरजे च-फ्‍याने विश्‍वास चीत्‍देबे अम्ब जीया चैय, ङूदे ङैने प्रेम चीत्‍दे, मेस्‍ये ङैजे लागि रङ्सेजे प्राण पीन्‍दे।

१ तिमोथी 1:18

च तिमोथी, ङ नने अम्‍ब आज्ञा पीन्‍न ख्यङ्, यी नैजे बारेने खूम् येयेब अगमवाणी अनुसार विश्‍वास प्रे ज्‍य विवेक येत्‍देबे न प्रभुजे लागि चेलाबे जीङ खूला ची।

२ तिमोथी 4:7

ङैदे चेलाबे लडाइँ जीङ्‍क ख्यङ्, होर्‌दे ग्‍यब काम पूरा चीक्‍क ख्यङ्। ङैदे ङैजे विश्‍वासने चेलाबे जूक्‍तीदे हीते ख्यङ्।

हिब्रू 12:1

येरेक्‍यूत्‍देबे विश्‍वासजे यर साक्षी पीनब कूम मीयूजे हुल‍दे ङीनने घेर्‌तीन ख्यङ् होरेक्‍यूत्‍देबे साप्‍ता थर्‌जे अप्‍ठर्‌ चेब ले-क्‍वीयू मेस्‍ये ङीनने बाधा पीनब पापने छाबीदेबे ङीनजे खूम्‍ने हीतेब परमेश्‍वरजे लागि ग्‍यब काम धेरेन् क्‍यूत्‍देबे पूरा चीते।