२ कोरिन्थी 10:2 - घले नयाँ करार

² ङीयू संसारजे तर्‌तीप्दे काम चीक्‍क्य यदेबे शङ्का चेबयू नमयूजे अन्द्रने ख्यङ्। ङ नमयू ट्‍याने रब होरयूने फ्राचे अम्‍पर्‌तीस्‍य यदेबे ङ नमयूने बिन्‍ती चीक्‍क्‍य।

२ कोरिन्थी 10:2 ပူးပေါင်းရင်းမြစ်များ

रोमी 8:1

येरेक्‍यूत्‍देबे जेम्से ख्रीष्‍ट येशूने ख्‍यब मीयूने दण्ड पीनब आज्ञा त्‍वो।

रोमी 8:4

येर्‌बे पापी स्वभाव अनुसार प्रब दी, तर पवित्र आत्‍मा अनुसार प्रब मीयूजे लागि मोशाजे नियमदे चैतेब पो पूरा चे ख्यङ्।

रोमी 8:5

चेनेयलो पापी स्वभाव अनुसार प्रब मीयूदे ङ्वने चैतेब सेयूने सेम् चीक्‍क्‍य, तर पवित्र आत्‍मा अनुसार प्रब मीयूदे पवित्र आत्‍माजे पोने सेम् चीक्‍क्‍य।

२ कोरिन्थी 1:17

ङैदे अम्‍ब सेम् चीप्‍प तीप्‍लीङ्-छोप्‍लीङ् पो य औ स्‍व? ङैदे रङ्सेजे योजना चीप्प अम्‍ब संसारजे मीदेप्र खात्‍याने “क्‍यूक्‍क्‍य” होर्‌‍दे खात्‍याने “अन्‍क्‍यूर्‌” ये य क्‍यूर औ स्‍व?

२ कोरिन्थी 11:21

येर पोयू यने ङ सोरो त्‍वा ख्यङ्, चेनेयलो येर पोयू ङीदे सैदीन अङ्‍खू। तर कोइमीदे चत्‍या पोने केन् त्‍वोक्‍क्‍य यलो, ङैये हम्‍ब पोयूने केन् त्‍वोक्‍क्‍य, मूर्ख मीदे क्‍यमप्रने ङ क्‍यम्‍न ख्यङ्।

२ कोरिन्थी 13:10

येरेक्यूत्देबे नमयू ख्‍यनेदे ङ चीन्‍तङ् क्‍यूल्‍लीने अम्‍ब पोयू लिख्दीन ख्यङ्, ङ होने रब सूनेये अन्-ङेयम्‍लाबे प्रभुदे ङैने पीनब हक चील्‍ले अम्‍पर्‌तीस्‍य। अम्‍ब हक प्रभुदे नोङ्बेजे लागि दी, तर ज्‍य चेजे लागि पीन ख्यङ्।

२ कोरिन्थी 13:2

ङ ङ्‍हीफे पोलोने रदेबे नमयूप्रे क्‍यूप्‍प ङैदे बोङ्बे आर्‌तीयेप्रने, चूजो ङ नमयूप्रे अन्‍क्‍यूल्‍ली नमयूने बोङ्बे आर्‌तीय। ङ फेरि रब मालाङ् पाप चेबयू मेस्‍ये सूजो सूनेये होरेने फार्‌-अन्‍क्‍या।