२ कोरिन्थी 1:21 - घले नयाँ करार

²¹ तर, ङीयूने नमयूप्रे-प्रे ख्रीष्‍ट फ्‍याने बोल्‍यो विश्‍वास चीन्‍न ख्‍वब चीम्‍मीदे, मेस्‍ये ङीनने अभिषेक चीम्मेब परमेश्‍वर ख्यङ्।

२ कोरिन्थी 1:21 ပူးပေါင်းရင်းမြစ်များ

यूहन्‍ना 3:34

परमेश्‍वरदे कूल्‍बेब मीदे परमेश्‍वरजे पोने क्‍यम्‍क्‍य चेनेयलो परमेश्‍वरदे रङ्सेजे आत्मा पुरा रूप्‍दे पीन्‍क्‍य।

मूल स्यूस्स्यायूजे कामजे किताब 10:38

यी परमेश्‍वरदे नासरतजे येशूने चून्‍दीदेबे रङ्से पवित्र आत्मा मेस्‍ये शक्तिदे अभिषेक चीत्दे। का-मुलुक‍ने येशू गीलीदेबे ङूदे ज्‍य काम चीत्‍दे, मेस्‍ये मीयूने तम् क्यूस्स्ये पीन्दे, मेस्‍ये शैतानदे दैल्‍लीनबयूने तम् चीदे चीदे प्रदे, चेनेयलो परमेश्‍वर ङूप्रे ख्य।

रोमी 16:25

ङीन परमेश्‍वरजे महिमा चीदे। ङैजे सूगब खबरदे स्य्वेप्रने परमेश्‍वरदे नमयूने बोल्यो चीम्मे खूइय। हम्‍ब ख्रीष्‍ट येशूजे बारेने क्‍यूरब वचनदे नम यहूदी देब मीयूजे लागि जूग्-जूग्मेस्‍येने नङ्सूने फूयेब परमेश्‍वरजे योजना तम्मे ख्यङ्।

रोमी 8:9

कादेये तम्दम्ने परमेश्‍वरजे आत्‍मा नमयूने ख्यङ्दे यलो, नमयू पापी स्‍वभाव अनुसार प्रब दी, तर पवित्र आत्‍मा अनुसार चील्‍लेब क्यूक्क्य। तर कोइ मीयूप्रे ख्रीष्‍टजे आत्‍मा अन्‍क्‍यूत्‍देयलो हम्‍ब ख्रीष्‍टजेने दी।

१ कोरिन्थी 1:8

ङीनजे प्रभु येशू ख्रीष्‍ट रब बीलने नदे नमयूने दोष त्वब चीम्‍मेने आखिरीसेमेने बोल्‍यो चीत्‍देबे येम्‍मीय।

२ कोरिन्थी 5:5

होरदे परमेश्‍वरदेने अम्‍ब पोजे लागि ङीने तयारी चीम्‍मे ख्यङ्, ङूदे बैनाजे रूप्‍ने पवित्र आत्‍मा ङीने पीङ्क ख्यङ्।

कलस्सी 2:7

नमयूने लोम्येब पो अनुसार‌ येशूने चेलाबे छ-च्‍वोदेबे ङू-फ्याने रङ्सेजे जीया चब क्यूरो। होर्‌दे विश्‍वासने सोरो बोल्यो क्‍यूत्‍देबे कलङ्नेयली ङूने धन्‍यवाद पीन्‍नब क्‍यूरो।

१ थेसलोनिकी 3:13

अम्बदे चीत्देबे ङूजे पवित्र मीयू क्‍वाप्रे ङीनजे प्रभु येशू ख्रीष्‍ट फेरि ल्‍वारब ङूदे ङीनजे परमेश्‍वर पजे खूम्ने नमयूजे सेम् पवित्र होर्‌दे चैये खोट् त्‍वब चेने बोङ् पीन्स्‍य।

२ थेसलोनिकी 2:17

नमयूजे सेम्ने सान्त्वना पीन्स्य मेस्ये साप्‍ता ज्‍य काम होर्‌दे वचनने नमयूजे सेम् बोल्‍यो चीम्‍मीस्‍य।

२ थेसलोनिकी 2:8

होर्‌दे ङ्‍येदे मुख्य दुष्‍ट मी योङ्‍रीय, तर प्रभु येशू रब रङ्सेजे ङूर्‌जे सदे हम्बने सेक्‍क्य मेस्ये ङू रब ङूजे महिमाजे ओथ्याङ्दे हम्‍बने नाश चीक्क्य।

२ थेसलोनिकी 3:3

तर प्रभु ब विश्‍वास चे-ख्वब ख्यङ्। ङूदे नमयूने बोल्‍यो क्यूस्से पीन्क्‍य मेस्‍ये दुष्‍टदे चैये चे अङ्ख्‍व चीत्‍देबे रक्षा चीम्‍मीय।

हिब्रू 13:9

थर्‌-थर्‌जे मेस्‍ये नोङ्ल्‍या पोयू लोम्‍मीदेबे नमयू होम्‍कीने। चेनेयलो च-थूङब पोजे छ्‌यप्दे दी, तर परमेश्‍वरजे अनुग्रहदे सेम् बोल्यो क्‍यूरब सोरो ज्‍य ख्यङ्, होर छ्‌याप्यूदे हम्‍ब मन्‍देबयूने चैये फाइदा अन्‍ची।

१ पत्रुस 5:10

साप्‍ता अनुग्रह चेब परमेश्‍वरदे कलङ्बेये अन्‍जेनब रङ्से महिमाजे लागि ख्रीष्‍टप्रे क्‍यूत्‍देबे नमयूने क्‍व ख्यङ्। नमयूदे तेदिनत्‍या सकस् भोक्‍तेमेस्‍ये ङूदेने फेरि नमयूने ज्‍य सर्‌, बोल्यो मेस्‍ये शक्तिशाली चीम्‍मीय।

१ यूहन्‍ना 2:20

तर पवित्र परमेश्‍वरदे नमयूने पवित्र आत्मा पीन्क ख्यङ्, मेस्‍ये नमयू क्‍वादेने सत्य च ख्यङ् यदेबे स्‍येय।

१ यूहन्‍ना 2:27

ख्रीष्‍टदे नमयूने पीनब पवित्र आत्मा नमयूप्रे क्‍यून्‍नीय, मेस्‍ये सूदेये नमयूने लोम-तन चे अम्‍पर्‌ती। पवित्र आत्मादे नमयूने साप्‍ता पोजे बारेने लोम-तन चीक्‍क्‍य। ङूदे लोम्मेब पो सत्‍य ख्यङ्, लूच्‍च अन्‍क्‍यूर्‌। अम्‍ब पवित्र आत्मादे लोम-तन चेप्रने नमयू ख्रीष्‍टप्रे क्‍यून्‍नू।

प्रकाश 1:6

मेस्ये ङीनने राज्‍यत्‍या पीन ख्यङ्, ङीनने ङूजे परमेश्‍वर मेस्ये पजे सेवा चेब पूस्‍र्‌यायू चीम्‍मे ख्यङ्, ङूने महिमा मेस्‍ये शक्ति येतार्‌ने क्‍यून्‍नूस्‍य। आमेन।

प्रकाश 3:18

येरेक्‍यूत्‍देबे फ्‍योबो क्‍यूरजे लागि मीदे खार्‌देब मर्‌, च्‍याङ्ली ख्‍यब रङ्सेजे ङ्व उपजे लागि कोला कर्‌, मेस्‍ये नैजे कन म्‍यादे तङजे लागि म्‍याने प्‍वेब मलम, येर सेयू क्‍वाने ङैप्रे कीन्ख यदेबे ङ नने मोतो पीन्‍क्‍य।