२ कोरिन्थी 1:20 - घले नयाँ करार

²⁰ चेनेयलो परमेश्‍वरदे चेब कबुलयू क्‍वाने येशू ख्रीष्‍टने पूरा “क्‍यूक्‍क्‍य” यब पो ख्यङ्। येरेक्‍यूत्‍देबे येशू ख्रीष्‍टप्रे क्‍यूत्‍देबे परमेश्‍वरने महिमा पीनजे लागि ङीन “आमेन” यीय।

२ कोरिन्थी 1:20 ပူးပေါင်းရင်းမြစ်များ

मत्ती 6:13

ङीने अन्ज्य जाँचने पर्‌तीप्रसे अम्‍पीन्‍लाची, तर दुष्‍टजे लादे चूक्‍दीमी। [चेनेयलो राज्‍य, शक्ति मेस्‍ये महिमा येतार्‌ने नैजेने ख्‍यङ्। आमेन।’]

लूका 2:14

“पात्‍ताफ्‍याजे स्‍वर्गजे परमेश्‍वरने महिमा, मेस्‍ये पृथ्वीने कम्‍ब मीयूप्रे ङू बेस्‍से सूग ख्यङ्, हम्‍ब मीयूने शान्‍ति!”

यूहन्‍ना 1:17

चेनेयलो परमेश्‍वरदे नियम मोशाने पीन्‍देबे ङीनदे प्रेत्‍दे, तर अनुग्रह मेस्‍ये सत्यब येशू ख्रीष्‍टने क्‍यूत्‍देबे पीन्‍दे।

यूहन्‍ना 14:6

येशूदे ङूने यदे, “लम्, सत्य मेस्ये जीया ङने ख्यङ्। ङैजे लम् क्‍यूत्‍देबे अम्‍प्रदासेमे सूये प ट्‌याने र अन्खू।

यूहन्‍ना 3:5

येशूदे जवाफ पीन्‍दे, “तम्दम्‍ने ङ नने यीय, क्‍यू मेस्‍ये आत्मादे अन्‍जन्मीदीतासेमे सूत्‍याये परमेश्‍वरजे राज्‍यने क्‍योब प्रेस्‍से त्‍वो।

रोमी 11:36

चेनेयलो टक्कने परमेश्‍वरदे बन्‍देब ख्यङ्। हम्‍ब साप्‍ता थोक‍ने ङूजे बोङ्दे, मेस्‍ये ङूजे महिमाजे लागि ख्यङ्। ङूनेने येतार्‌ने महिमा क्‍यूस्स्‍य। आमेन।

रोमी 6:23

चेनेयलो पापजे मेला सीबब ख्यङ्, तर होरेने पीनब परमेश्‍वरजे बरब ङीन्‍जे प्रभू ख्रीष्‍ट येशूने कलङ्बेये अन्सीब्ब जीया ख्यङ्।

१ कोरिन्थी 14:16

कादेये नमयूदे आत्माने परमेश्‍वरजे सार्‌या चीप्‍प नमयूप्रे ख्‍यबयूदे क्‍व-अङ्‍खूदेलो नदे धन्‍यवादजे प्रार्थना चेजेन ङ्येदे केरे “आमेन” य? चेनेयलो नदे च क्‍यम्‍न ख्‍य हम्‍ब मीयूदे अङ्‍को।

२ कोरिन्थी 4:15

अम्‍ब क्‍वाने नमयूजे लागिने क्‍यूर ख्यङ्, चेनेयलो केर्‌बे अनुग्रह सोरो कूम मीयूने फ्‍योबीन ख्यङ्, होरप्रने परमेश्‍वरजे महिमाजे लागि धन्‍यवाद पीनब कामये कूम क्‍यूप्‍पीनूस्‍य।

२ कोरिन्थी 4:6

“मून्‍दूङ् नङ्दे ओथ्याङ् क्‍यूस्‍स्‍य” यदेबे परमेश्‍वरदे य ख्यङ्। हम्ब परमेश्‍वरदे येशू ख्रीष्‍टजे त्‍वाने तङब परमेश्‍वरजे महिमा ङीनदे स्ये खूस्य यदेबे ङीनजे सेम्ने अम्ब ओथ्याङ् चेम्कीतीमे ख्यङ्।

गलाती 3:22

तर येशू ख्रीष्‍टने विश्‍वास चेब मीयूजे विश्‍वासदेने कबुल चेब असी प्रेस्‍स्‍य यदेबे धर्मशास्‍त्रदे साप्‍ता कूरूने पाप‍जे खोने स्‍योप्‍ये ख्यङ्।

एफिसी 1:6

येर्‌बी केन् अनुग्रहजे लागि परमेश्‍वरने ङीन धन्यवाद पीने। रङ्सेजे छेब चप्रे क्यूत्देबे ङूदे ङीनने अम्ब दान होरेने पीन्दे।

एफिसी 2:7

अम्‍बब नङ्‍गजे जूग्‍यूने ङूजे अनुग्रह मेस्ये दयाजे बेस्‍से कूम सम्पत्ति ख्रीष्‍ट येशूने क्यूत्देबे ङीनने तम्‍मेने ख्यङ्।

कलस्सी 1:27

अम्‍ब सूदेये स्‍ये अङ्ख्‍वब महिमाजे सम्‍पत्ति यहूदी तेब मीयूजे लागि सोरो केन् ख्यङ् यब पो क्‍व ख्‍व चीम्‍मेने परमेश्‍वरदे रङ्सेजे पवित्र मीयूने सेल्‍दे। अम्‍ब स्‍ये अङ्ख्‍वब पोजे अर्थब ख्रीष्‍ट नमयूप्रे क्‍यूरब पो ख्यङ्, हम्‍ब परमेश्‍वरजे महिमाने सामेल् क्‍यूरप्रेब आशा ख्यङ्।

२ थेसलोनिकी 1:10

हम्‍ब दिनने प्रभु येशू पवित्र मीयूजे तर्फदे महिमा प्रेने मेस्‍ये ङूने विश्‍वास चेबयू क्‍वानेने हार्‌मन्‍दीलाबे चेने रीय, चेनेयलो ङीदे पीनब गवाहीने नमयूदे विश्‍वास चीत्‍दे।

हिब्रू 11:13

थमयू क्‍वाने परमेश्‍वरदे चेब कबुल अम्‍प्रेप्‍पने विश्‍वास चीत्‍देबेने सीइ, तर चीन्‍तङ्देने हम्‍ब कबुल तङ्दे होर्‌दे स्वागत चीत्दे। अम्‍ब पृथ्वीने सूजो देशजे मीप्र क्‍यूत्‍देबे ङीन तेदिन‍जे लागि त्‍यामे बास टूङ्‍र ख्यङ् मन्‍दे।

हिब्रू 13:8

येशू ख्रीष्‍ट मूरू, दीनी मेस्‍ये कलङ्नेयली त्याप्रने क्‍यून्‍नीय।

हिब्रू 7:6

तर लेवीजे वंशने अम्‍पर्‌तेब अम्‍ब मल्‍कीसेदेकदे भा च्‍यूने भात्‍या अब्राहामजे लादे कीन्‍दे, मेस्‍ये परमेश्‍वरजे कबुल प्रेब मीयूने ङूदे असी पीन्‍दे।

१ पत्रुस 1:12

अम्बयूदे रङ्सेजे लागि दी, तर नमयूजे लागि क्यम ख्य यब पो थमयूने परमेश्‍वरदे तम्‍मीक ख्‍य। नमयूने सूगब खबर स्‍य्‍वेब मीयूजे सेम्ने स्वर्गदे कूल्‍बेब पवित्र आत्‍मा क्‍यूत्‍देबे अम्ब पो चूजो नमयूने चेलाबे येये ख्यङ्। स्वर्ग दूतयूये अम्‍ब पो लेने सोरो सेम् चीन्‍न ख्यङ्।

१ यूहन्‍ना 5:11

परमेश्‍वरदे ङीनने कलङ्बेये अन्सीबब जीया पीन्‍दे, मेस्‍ये अम्‍ब जीयाजे मूल ङूजे चने ख्यङ् यब पोजे प्रमाण अम्बने ख्यङ्।

प्रकाश 3:14

होर्‌दे लाउडिकियाजे मण्डलीजे दूतने अम्‍ब पो लिख्दी: आमेन, भरपर्‌तेब, मेस्‍ये तम्दम् गवाही मेस्‍ये परमेश्‍वरदे सृष्‍टि चेब सेयू फ्‍याने हक चील्‍लेबदे अम्‍ब पो य ख्यङ्।

प्रकाश 7:12

“आमेन! ङीन्जे परमेश्‍वरजे सार्‌या, महिमा, बुद्धि, धन्‍यवाद, गेसेन्, शक्ति मेस्‍ये बोङ् येतार्‌ने क्‍यून्‍नूस्‍य। आमेन!”