१ तिमोथी 6:14 - घले नयाँ करार

¹⁴ ङ नने आज्ञा पीन्क्य, प्रभु येशू ख्रीष्‍ट अन्‍रदासेमे अम्‍ब आज्ञा चेलाबे मन्‍दी मेस्‍ये सूदेये गल् लैदे अम्‍प्रेब क्‍यूस्‍स्‍य।

१ तिमोथी 6:14 ပူးပေါင်းရင်းမြစ်များ

१ कोरिन्थी 1:8

ङीनजे प्रभु येशू ख्रीष्‍ट रब बीलने नदे नमयूने दोष त्वब चीम्‍मेने आखिरीसेमेने बोल्‍यो चीत्‍देबे येम्‍मीय।

एफिसी 5:27

मेस्‍ये रङ्सेजे चेने अम्‍ब मण्डली दोष त्‍वब, दाग त्‍वब, चाउरी अम्‍पर्‌देब चैत्‍याये खोट् त्‍वब, पवित्र क्यूरने येर्‌बे चीत्‍दे।

फिलिप्पी 1:10

येरेक्‍यूल्‍लोत्‍यामे नमयूदे पात्‍ता ज्‍य च ख्यङ् हम्‍ब स्‍ये खूइय, मेस्‍ये ख्रीष्‍ट रब दिन‍ने शुद्ध मेस्‍ये दोष त्‍वब क्‍यूर खूस्‍य।

फिलिप्पी 1:6

नमयूजे अन्‍द्रने ज्‍य काम सुरू चेब परमेश्‍वर‍देने येशू ख्रीष्‍ट रब दिन‍ने हम्‍ब पूरा चीक्‍क्‍य यदेबे ङैने पक्‍क ख्यङ्।

फिलिप्पी 2:15

येरेक्‍यूत्‍देबे पापी मेस्‍ये खराब पुस्ताजे अन्‍द्रने नमयूब दोष त्‍वब सोझो क्‍यूत्‍देबे परमेश्‍वरजे मीप्र चैये खोट् त्‍वब छगूम्-पूर्‌गूम् क्‍यूरो, मेस्‍ये अम्‍ब पुस्‍ताजे मीयू खूम्‍ने नमयू कर्‌चेन्‌यूप्र ओथ्याङ् पीनब क्‍यूक्‍क्‍य।

कलस्सी 1:22

तर परमेश्‍वरजे खूम्‍ने नमयू पवित्र, खोट् त्‍वब मेस्‍ये दोष त्‍वब चेने ख्रीष्‍टजे स्‍यजे ङ्व बलि क्‍यूत्‍देबे परमेश्‍वरदे नमयूने जेम्‍से मिलापने रेक्‍क ख्यङ्-

कलस्सी 4:17

“प्रभुदे पीनब काम नदे च्‍येलाबे पूरा चे पर्‌दीय” यदेबे अर्खिप्‍पसने येमी।

१ थेसलोनिकी 3:13

अम्बदे चीत्देबे ङूजे पवित्र मीयू क्‍वाप्रे ङीनजे प्रभु येशू ख्रीष्‍ट फेरि ल्‍वारब ङूदे ङीनजे परमेश्‍वर पजे खूम्ने नमयूजे सेम् पवित्र होर्‌दे चैये खोट् त्‍वब चेने बोङ् पीन्स्‍य।

१ थेसलोनिकी 5:23

शान्ति पीनब परमेश्‍वर रङ्सेदेने पूरा रूप्‍दे नमयूने पवित्र चीम्‍मीस्‍य, मेस्‍ये नमयूजे पूरा आत्मा, प्राण मेस्‍ये ङ्व ङीनजे प्रभु येशू फेरि ल्‍वारब खोट् त्‍वब क्‍यूस्‍स्‍य।

२ थेसलोनिकी 2:1

अत-अची च्योन्‌यू, ङीनजे प्रभु येशू ख्रीष्‍ट फेरि ल्‍वारबजे बारेने मेस्‍ये ङूने त्‍वजे लागि ङीन क्‍वाने नेत्‍याने रूप् क्‍यूरबजे बारेने ङी नमयूने बिन्‍ती चीक्‍क्‍य,

२ थेसलोनिकी 2:8

होर्‌दे ङ्‍येदे मुख्य दुष्‍ट मी योङ्‍रीय, तर प्रभु येशू रब रङ्सेजे ङूर्‌जे सदे हम्बने सेक्‍क्य मेस्ये ङू रब ङूजे महिमाजे ओथ्याङ्दे हम्‍बने नाश चीक्क्य।

१ तिमोथी 6:20

तिमोथी, नैजे जिम्माने चैसे पीने ख्‍य, हम्‍ब चेलाबे चीम्। परमेश्‍वर अम्मन्देब कन्‍थनयू मेस्ये बिरोध चेब पोयू ब लूच्‍च ज्ञान ख्यङ्। येर पो‍यू क्‍वाने क्‍यापी।

२ तिमोथी 4:1

परमेश्‍वरजे खूम्‍ने होर्‌दे सोम्‍बोयूजे मेस्ये सीयेबयूजे न्याय चेने रब ख्रीष्‍ट येशूजे खूम्‍ने, मेस्‍ये ङू रीय होर्‌दे राज्‍य चीट्‍टीय यब पोने ध्‍यान् पीन्‍देबे ङ नने बोङ्बे आज्ञा चीक्‍क्‍य,

तीतस 2:13

यरप्रने पात्‍ता केन् परमेश्‍वर मेस्‍ये ङीनने मुक्ति पीनब येशू ख्रीष्‍ट महिमाने रब दिनजे ङीन आशा चीन्‍न ख्यङ्।

हिब्रू 9:14

ख्रीष्‍टजे कादे नमयूजे चैये काम अन्‍लादेब विवेकने अझ थेप् कूम शुद्ध चीम्‍मीय, मेस्‍ये नमयूदे सोम्‍बो परमेश्‍वरजे सेवा चे खूस्‍य। चेनेयलो येतार्‌ने क्यून्‍नब परमेश्‍वरजे आत्माप्रे क्यूत्देबे ख्रीष्‍टदे रङ्सेने चैये खोट् त्‍वब बलिजे रूप्‍ने परमेश्‍वरने चेर्‌तीपीदे।

हिब्रू 9:28

होरप्रने ख्रीष्‍ट कूम मीजे पाप प्‍लेकेजे लागि त्याफे बलि क्‍यूत्‍दे। ङू फेरि दोस्रो पोलोने रीय। हन्छ्वाबब पाप प्‍लेने दी, तर ङूजे लम् लेन्‍नब मीयूजे उद्धार चेने ‍रीय।

१ पत्रुस 1:19

तर चैये खोट् त्‍वब मेस्‍ये शुद्ध ख्‍यब थुमाजेप्र लू-फाने अङ्ख्‍वब येशू ख्रीष्‍टजे कादे नमयूने छुटकारा पीन ख्यङ्।

१ पत्रुस 1:7

नमयूजे विश्‍वासब मीदे खेर्‌तीकब नाश क्‍यूप्‍पब मर्‌यली सोरो कूम लूजे ख्यङ्। मर्‌ने खेर्‌तेप्रने नमयूजे विश्‍वासये सकस्यूदे जाँच चीप्प ज्य प्रमाण क्यूस्स्य, मेस्‍ये येशू ख्रीष्‍ट रब नमयूदे सार्‌या, महिमा मेस्‍ये गेसेन् प्रे खूस्स्य।

२ पत्रुस 2:21

चेनेयलो परमेश्‍वरदे पीनेब आज्ञा स्‍येदेबेये थमयूदे अम्‍मन्‍दे चीक्‍क्‍य यलो, धार्मिकताजे लम् कलङ्बेये अन्‍स्‍येब क्‍यून्‍नूदेयलो थमयू थेप् ज्‍य क्‍यूर ख्यङ्दे।

२ पत्रुस 3:14

येरेक्‍यूत्‍देबे ङैजे छेब ख्योन्‌यू, नमयू अम्‍ब पोजे लम् लेन्‍नबयू क्‍यूत्‍देबे परमेश्‍वरजे खूम्‍ने नमयू दाग या खोट् त्‍वबयू, होर्‌दे शान्तिने टूङबयू क्‍यूरने बोङ् ची।

२ पत्रुस 3:2

पवित्र अगमवक्तायूदे क्यमब अगमवाणीजे पो मेस्‍ये नमयूजे मूल स्यूस्स्यायूदे लोम्‍मेब ङीनजे प्रभु मेस्‍ये मुक्तिदाताजे आज्ञाने नमयूदे ह्‍वे चे पर्‌दीय।

१ यूहन्‍ना 3:2

ङैजे छेब ख्योन्‌यू, चूजो ङीन परमेश्‍वरजे छगूम्-पूर्‌गूम् क्‍यूर ख्यङ्, मेस्‍ये ङ्येदे ङीनने च क्‍यूक्‍क्‍य यदेबे ङीनने चूजोसेमेने अन्‍तम्‍मे ख्यङ्। कन्‍छ्वाब ङू तङ्‍रीय हन्‍छ्वाब ङीनये ङूप्रने क्‍यूक्‍क्‍य चेनेयलो ङू करप्र ख्‍य ङीनदे ङूने होरप्रने तङ्क्‍य यदेबे स्‍ये ख्यङ्।

यहूदा 1:24

नमयू पापने फस्तीस्‍ये अम्‍पीन्‍लाबे बच्‍दीमे ख्वबने, मेस्‍ये नमयूने आनन्द पीन्‍देबे ङूजे महिमाजे खूम्‍ने चैये पाप त्‍वब शुद्ध चीम्‍मे ख्वबने,

प्रकाश 1:7

ले, ङू मूक्‍पप्रने रेन ख्यङ्, मेस्‍ये क्‍वाजे म्‍यादे ङूने तङ्क्‍य। सू-सूदे ङूने स्‍यूल्‍दे हम्‍बयूदेये ङूने तङ्क्‍य, मेस्‍ये ङू रब पृथ्‍वीजे मीयू क्‍वाने ङूजे लागि शोक् चीक्‍क्‍य। येरेने क्‍यूस्‍स्‍य। आमेन।