१ तिमोथी 5:17 - घले नयाँ करार

¹⁷ मण्डलीने चेलाबे ले ख्‍वब एल्‍डरयू दोब्बर गेसेन् प्रेब लायकजे क्‍यूक्‍क्‍य, खास रूप्‍ने थमयूदे परमेश्‍वरजे वचन स्‍य्‍वेने मेस्‍ये लोम्‍मेने छेम्प्रे चीक्‍क्‍य।

१ तिमोथी 5:17 ပူးပေါင်းရင်းမြစ်များ

मत्ती 24:25

ह्‍वे ची, ङैदे नमयूने मलाङ्मेस्‍येने येन ख्यङ्।

लूका 10:7

कम्ब कीम्ने टूङ्क्य हम्‍ब कीम्जे मीयूदे पीनब सेयू च थूङ चीत्‍देबे हम्‍ब कीम्ने टूङ्। चेनेयलो मेला कीनब मीदे ङूजे मेला प्रे पर्‌देब क्‍यूक्‍क्‍य। कीम्-कीम्ने अङ्क्‍योबलाबे प्र।

लूका 12:42

प्रभुदे यदे, “बुद्धिमान मेस्‍ये भर्‌ पर्‌ते ख्‍वब कीम् लेब त्वो सू ख्यङ्? कीम् मालिकदे हम्‍ब त्वोने रङ्सेजे कीम् म्‍हीतीने तोक्‍तेब दिनसेमे थमयूजे भाने पर्‌देब चसे पीनने खेर्‌तीय?

यूहन्‍ना 4:38

हैयाने ङैदे नमयूने बली तोलने कूल्‍बीदे, होने नमयूदे कामने अम्‍फर ख्यङ्। सूजोयूदे काम फर ख्यङ् मेस्‍ये थमयूदे छेम्‍प्रे चीतेब काम‍जे फल नमयूदे प्रे ख्यङ्।”

मूल स्यूस्स्यायूजे कामजे किताब 11:30

थमयूदे येर्‌बे लङब नोर‌्‌ यरूशलेम मण्डलीजे अगुवायूने पीनजे लागि बारनाबास मेस्‍ये शाऊलजे लाने चङ्पीदे।

मूल स्यूस्स्यायूजे कामजे किताब 20:35

ङैदे साप्‍ता पोने नमयूने नमूना पीन ख्यङ्, नमयूदेये येर्‌बेने बोङ्बे काम फर्‌देबे बोङ् त्‍वब मीयूने तोङ्मे पर्‌दीय। प्रभु येशूजे वचन ह्‍वे ची, केरे ङू रङ्सेदेने य ख्यङ्, “यी कीन यली पीनबदे अझ असी प्रेक्‍क्‍य।”

मूल स्यूस्स्यायूजे कामजे किताब 28:10

थमयूदे ङीने कूम तर्‌तीप्दे ङीने गेसेन् चीत्‍दे। कन्‍छ्वाब ङी क्‍यू-जहाजने टदे, थमयूदे ङीने चैतेब जती सेयू जहाजने चङ्मीदे।

रोमी 12:8

ज्‍य लम्‍ने प्रने मोतो पीन ख्‍वबदे ज्य मोतो पीन्‍स्‍य, हर्‌जो पर्‌दीनब मीने पीन्ब ज्‍या सेम्दे पीन्‍स्‍य। हक चील्‍ले मीदे चेलाबे चील्‍लीस्‍य मेस्‍ये दया चेब मीदे सूग्‍लाबे दया चीस्‍स्‍य।

रोमी 15:27

अम्‍ब भेटी थमयूजे सेम् नङ्देने पीन ख्‍य। तम्दम्ने येयलो मकेडोनियाने मेस्‍ये अखैयाने ख्यब विश्‍वासीयूजे भार यरूशलेमने ख्यब विश्‍वासीयूने ट-ख्यङ्। चेनेयलो यहूदीयूदे प्रेब असी यहूदी तेब मीयूदेये प्रेख्यङ्‍यलो, थमयूदेये प्रेब नोरदे यहूदीयूप्रे असी क्‍वे पर्‌दीय।

रोमी 16:12

प्रभूजे कामने धम चेब त्रूफेना मेस्‍ये त्रोफोसाने नमस्‍कार ख्यङ् येमी। प्रभूजे कामने सोरो धम चेब छ्‍येब परसीसनेये नमस्‍कार ख्यङ् येबी।

१ कोरिन्थी 15:10

तर दीनी ङ कर ख्यङ्, हम्‍ब परमेश्‍वरजे अनुग्रहदेने ख्यङ्, मेस्‍ये ङै फ्‍याने ख्‍यब प्रभुजे अनुग्रह सीत्‍तीने खेर अङ्‍गीली। बरू थमयू क्‍वादेने चेयली थेप् छेम्‍प्रे ङैदे चीत्‍दे। होरेक्‍यूल्‍लीने अम्‍ब ङैदे दी, ङैप्रे ख्‍यब परमेश्‍वरजे अनुग्रहदे ख्यङ्।

१ कोरिन्थी 16:16

येर मीयू मेस्‍ये येरप्र कामने छेम्‍प्रे चेब मीयू क्‍वाजे नङ्ने टूङ्, यदेबे ङ नमयूने बिन्ती चीक्‍क्‍य।

१ कोरिन्थी 3:9

चेनेयलो ङीन परमेश्‍वरजे काम प्रे-प्रे फरब मीयू ख्यङ्, नमयूब परमेश्‍वरजे रङ् ख्यङ्, मेस्‍ये परमेश्‍वरजे कीम् ख्यङ्।

२ कोरिन्थी 6:1

ङी परमेश्‍वरप्रे-प्रेने काम फरब मीयू ख्यङ्, येरेक्‍यूत्‍देबे परमेश्‍वरजे अनुग्रह खेर प्रस्ये अम्‍पीन्‍लाची यदेबे नमयूने बिन्‍ती चीक्‍क्‍य,

गलाती 6:6

परमेश्‍वरजे वचन लोम प्रेब मीयू क्‍वादेने रङ्सेजे ज्‍य सेयू वचन लोम्‍मेब मीयूप्रे क्‍वे पर्‌दीय।

फिलिप्पी 2:16

जीया पीनब परमेश्‍वरजे वचनने बोङ्बे चूङ्नू, येरे चील्‍लो ङैदे सीत्‍तीने अन्-ग्येक, मेस्‍ये ङैदे चेब छेम्‍प्रे खेर अङ्‍गीली यदेबे ख्रीष्‍ट रब दिन‍ने ङ केन् त्‍वे खूइय।

फिलिप्पी 2:29

सेम् सोरो सूग्‍देबे प्रभुजे मीन्‍ने ङूने ग्रहण ची, मेस्‍ये सूजो यर मीयूनेये गेसेन् ची।

फिलिप्पी 4:3

ङैप्रे-प्रे काम फरब विश्‍वासी ख्‍योन्, ननेये ङ बिन्‍ती चीक्‍क्‍य, अम्‍ब मदीयूने तोङ्मी, चेनेयलो अम्‍ब मदीयूदे सूगब खबर स्‍य्‍वेब कामने ङैप्रे, क्‍लेमेसप्रे मेस्‍ये जीयाजे किताबने मीन् ख्‍यब सूजो ङै प्रे-प्रे काम फरब ख्योन्‌यूप्रेये सोरो छेम्‍प्रे चीक्‍क ख्यङ्।

१ तिमोथी 3:5

या कोइ मीदे रङ्सेजे कीम् म्हीतीने तहने लैदे अन्‍खूलो, ङूदे परमेश्‍वरजे मण्डलीने केर्‌बे ले खूइय?

१ तिमोथी 4:10

अम्‍ब उदेश्यदे ङी धम चीत्‍देबे काम फर ख्यङ्। चेनेयलो ङीनजे आशा सोम्‍बो परमेश्‍वर फ्‍याने ये-ख्यङ्, ङू मीयू क्‍वाजे लागि मेस्‍ये खास रूप्‍ने ङू फ्‍याने विश्‍वास चेयूजे मुक्ति पीनब ख्यङ्।

१ तिमोथी 4:14

नैप्रे ख्‍यब बरजे ह्‍यल अन्‍चील्‍लाची। हम्‍ब बर एल्‍डरयूदे नैफ्‍याने ला येप्प अगमवाणी क्यम्देबे नदे प्रे ख्‍य।

१ तिमोथी 4:16

रङ्सेजे बारेने मेस्ये रङ्सेदे लोम्‍मेब पोजे बारेने ज्‍य चङ्‍ख क्‍यूर्। अम्‍ब काम चीन्‍नूलो रङ्सेये मेस्ये रङ्सेजे पो ङ्यीनबयूनेये न्यायदे बच्दीय।

१ तिमोथी 4:6

कादेये नदे अत-अची च्योन्‌यूजे खूम्‍ने येर पो लोम्‍मीदे यलो नदे मन्‍दीनब ज्‍य शिक्षा मेस्ये विश्‍वासजे वचनने बोल्यो क्‍यूत्‍देबे न ख्रीष्‍ट येशूजे लागि ज्‍य सेवा चेब क्‍यूक्‍क्‍य।

१ तिमोथी 5:19

मी ङ्ही या सोम्‍जे साक्षी तोदा सेमे मण्डलीजे एल्‍डरजे विरुद्धने लैदेब दोष कलङ्बेये अन्‍ङ्यीन्‍लाची।

१ तिमोथी 5:3

प्‍ल्‍यङ् सीयेब मदीयूजे सूत्‍याये त्‍वोलो थमयूने ज्‍य गेसेन् ची।

२ तिमोथी 2:6

छर्‌ङ चीत्‍देबे खेती फरब मीदेने बलीजे पात्‍ता खूम्‍जे भा प्रेपर्‌दीय।

२ तिमोथी 4:2

परमेश्‍वरजे वचन स्‍य्‍वेने बील-अबील तयार क्‍यून्‍नू। धेरेन्बे शिक्षा पीन्देबे अर्ती पीन्, ङर्‌मी, आँट पीन्।

हिब्रू 13:17

नमयूजे अगुवायूजे आज्ञा मन्‍दी मेस्‍ये थमयूजे हक नङ्ने टूङ्। चेनेयलो थमयूदे चेब कामजे हिसाब परमेश्‍वरने पीन पर्‌तीय यब पो स्‍येदेबे थमयूदे नमयूजे प्राणजे ख्याल चीक्‍क्‍य। अम्‍ब काम थमयूदे सेम् सूग्‍देबे चीस्‍स्‍य। छरङ् थेदेबे दी, नत्रलो हम्‍ब कामदे नमयूने चैये फाइदाये क्यूस्स्ये त्‍वो।

हिब्रू 13:24

नमयूजे अगुवायू मेस्‍ये परमेश्‍वरजे पवित्र मीयू क्‍वानेने नमस्कार ख्यङ् य। इटालियादे रबयूदे नमयूने नमस्कार येबे ख्यङ्।

हिब्रू 13:7

नमयूदे रङ्से अगुवायूने ह्‍वे ची। थमयूदे केरे जीया चदे मेस्‍ये केरे सीइदे हम्‍ब ह्‍वे ची, होर्‌दे थमयूदे चेप्र विश्‍वास नमयूदेये ची।