१ तिमोथी 4:8 - घले नयाँ करार

⁸ चेनेयलो ङीन ङ्वजे तालिम तेदिनजे लागित्‍या फाइदा क्‍यूक्‍क्‍य, तर परमेश्‍वरने मन्‍दीलो कलङ्ने यली फाइदा क्‍यूक्‍क्‍य, चेनेयलो अम्‍बदे जूचोजे जीया मेस्ये ङ्येजे जीया ङ्‍हीजेने फाइदाजे लागि कबुल चे ख्यङ्।

१ तिमोथी 4:8 ပူးပေါင်းရင်းမြစ်များ

मत्ती 12:32

कोइदे ‘मीजे चजे’ विरुद्धने चत्‍या-यदेयलो ङूने क्षमा क्‍यूक्क्‍य, तर पवित्र आत्माजे विरुद्धने सूदेने क्‍यम्‍लीने हम्‍बने अम्‍ब जूग्ने मेस्‍ये सूजो जूग्नेये क्षमा पीन्स्‍येत्‍वो।

मत्ती 19:29

ङैजे लागि सू-सूदे रङ्से कीम्, अत-च्‍योन या च-चीमी या प-म या स-क्‍यू पोङ्ये ख्यङ्, हम्‍बदे सैत्‍या गुणा थेप् प्रेक्‍क्‍य, मेस्‍ये कलङ्बेये अन्सीबब जीयाजे हक प्रेक्क्‍य।

मत्ती 6:33

तर नदे खूम् परमेश्‍वरजे राज्‍य मेस्‍ये ङूजे धार्मिकता मल्, होर्‌दे अम्‍ब साप्‍ता कूरूने परमेश्‍वरदे नमयूजे लागि थप्‍दीमीय।

मर्कूस 10:30

ङूदे सतनम् प्रे-प्रे सैत्‍या थेप् कीम्, अत-च्‍योन्, अची-च्‍योन्, प-म, च-चीमी मेस्‍ये स-क्‍यू अम्‍ब जूग्नेने प्रेक्‍क्‍य, होर्‌दे फेरि रब जूग्ने कलङ्बेये अन्सीबब जीया प्रेक्‍क्‍य।

लूका 5:38

ची सर् खूस्‍स्‍यजे पीजी सर्‌ने चङ पर्‌दीय।

रोमी 8:28

ङीनदे स्‍ये ख्यङ्, परमेश्‍वरने प्रेम चेब मीयू मेस्‍ये ङूजे इच्छा अनुसार क्‍वब मीयूजे लागि साप्‍ता पोनेने ङूदे भलो चीम्‍मीय।

१ कोरिन्थी 3:22

पावल, अपोल्‍लोस, केफास सूने क्‍यूल्‍ली, या संसार, जीया, सीब, दीनीजे बील, या ङ्येदेरब बील साप्‍ताने परमेश्‍वरदे नमयूजे लागि पीने ख्यङ्,

१ कोरिन्थी 8:8

तर परमेश्‍वर‌दे थेप् छेब क्‍यूरने चसेदे चेये चेअङ्‍खू, चसे अन्‍चलीने नोक्‍सान चेये त्‍वो मेस्‍ये चलीने फाइदा चेये त्‍वो।

१ तिमोथी 4:7

परमेश्‍वरने विश्‍वास अन्चेब मेस्ये सीतीजे कथायूने अम्‍मन्‍दीलाची तर परमेश्‍वरने मन्‍दीदेबे जीया चने तालिम पीन्।

१ तिमोथी 6:3

कादेये सूजो मीदे सूजो शिक्षा लोम्‍मीदे यलो ङीनजे प्रभु येशू ख्रीष्‍टजे तम्दम्‍जे वचन मेस्ये ङीनदे चेपर्‌देब परमेश्‍वरने मन्देब खाल्जे शिक्षाप्रे अम्‍मील्‍लीदे यलो,

१ तिमोथी 6:5

मेस्‍ये बुद्धि नोङ्येब मेस्ये सत्यदे आलाक्के क्‍यूरेब मीयूजे अन्‍द्रने कचेला चीक्‍क्‍य, होर्‌दे परमेश्‍वरने मन्‍दे यब फाइदा लङ काम त्‍या ख्यङ् यदेबे थमयूदे मन्क्‍य।

१ तिमोथी 6:6

सून्ताकी क्‍यूत्‍देबे परमेश्‍वरने मन्‍दीलो थेप् फाइदा ख्यङ्।

२ तिमोथी 3:5

थमयू परमेश्‍वर मन्‍दे यदेबे ङूर्‌देत्‍या यीय, तर परमेश्‍वरजे शक्तिने अम्‍मन्‍देब क्‍यूक्क्‍य। यर मीयूप्रे आलाक् क्‍यूरो।

तीतस 3:8

अम्‍ब तम्दम् पो ख्यङ्। नदे अम्‍ब पोयूने बोङ् ची, थमयू सुदे परमेश्‍वरने विश्‍वास चे ख्यङ्, रङ्सेदे ज्‍य काम चेने येतार्‌ने चङ्‍ख क्‍यून्‍नू, चेनेयलो अम्‍ब पो मीयूजे लागि सोरो ज्‍य मेस्‍ये फाइदाजे ख्यङ्।

हिब्रू 13:9

थर्‌-थर्‌जे मेस्‍ये नोङ्ल्‍या पोयू लोम्‍मीदेबे नमयू होम्‍कीने। चेनेयलो च-थूङब पोजे छ्‌यप्दे दी, तर परमेश्‍वरजे अनुग्रहदे सेम् बोल्यो क्‍यूरब सोरो ज्‍य ख्यङ्, होर छ्‌याप्यूदे हम्‍ब मन्‍देबयूने चैये फाइदा अन्‍ची।

१ यूहन्‍ना 2:25

ङूदे ङीनने पीन्‍क्‍य यदेबे कबुल चेब कलङ्बेये अन्सीबब जीया अम्‍ब ख्यङ्।

प्रकाश 3:12

सूदे ट्‌याय, ङ ङूने ङैजे परमेश्‍वरजे मन्दिरजे थम्प्र बन्‍दीय, मेस्‍ये ङू हैयादे कलङ्बेये फीने योङ्बस्‍ये त्‍वो। ङ हम्‍बने ङैजे परमेश्‍वरजे मीन् लिख्दीय, मेस्‍ये ङैजे परमेश्‍वरजे सहरजे मीन्, या यरूशलेम लिख्दीय, हम्‍ब ङैजे परमेश्‍वर ख्‍यब ने-स्वर्गदे मो रीय। रङ्सेजे मीन् सर्‌ये ङ हम्‍बने लिख्दीय।

प्रकाश 3:21

सूदे ट्‌याय, हम्बने ङैजे सिंहासनने ङैप्रे टूङ्से पीन्क्य, केर्‌बे ङ रङ्सेदेये ट्‍या ख्यङ्, मेस्ये ङैजे पप्रे ङूजे सिंहासनने टुङप्रे ख्यङ्।