१ तिमोथी 4:7 - घले नयाँ करार

⁷ परमेश्‍वरने विश्‍वास अन्चेब मेस्ये सीतीजे कथायूने अम्‍मन्‍दीलाची तर परमेश्‍वरने मन्‍दीदेबे जीया चने तालिम पीन्।

१ तिमोथी 4:7 ပူးပေါင်းရင်းမြစ်များ

मूल स्यूस्स्यायूजे कामजे किताब 24:16

होरेक्‍यूत्‍देबे परमेश्‍वरप्रे मेस्ये मीयूप्रे ङ येतार्‌ने शुद्ध विवेक येने बोङ् चीक्‍क्‍य।

१ तिमोथी 1:4

नदे थमयूने दन्त्य कथायू मेस्ये कलङ्बेये जेन-अन्‍ख्‍वब वंशयू तेलेजे पोयूने अल्मल् क्यूस्स्ये अम्पीन्लाची। अम्ब पोयूदे अर्थ त्वब च्य-फाने थेप् चीक्‍क्य मेस्ये परमेश्‍वरने विश्‍वास चीत्देबे जीया चने साक्‍तीस्ये त्वो।

१ तिमोथी 1:9

ङीनदे अम्‍बये स्‍ये ख्यङ् यी मोशाजे नियम ज्‍य मीयूजे लागि दी, तर अम्‍ब नियम अम्‍मन्‍देयू मेस्ये आज्ञा अन्‍ङ्‍यीनयूजे लागि, परमेश्‍वर अम्मन्‍दे, पापीयू, पवित्र त्‍वब, धर्म अम्‍मन्देयू मेस्ये प-मने सेबयूजे लागि, मी सेबयूजे लागि,

१ तिमोथी 2:10

तर सोरो ज्‍य काम चीत्‍देबे ज्य तङब क्यूरो, हम्‍ब परमेश्‍वरने मन्‍देब मदीयूने पोय।

१ तिमोथी 3:16

ङी मन्‍दीय, ङीनजे विश्‍वासजे नङ्सू क्‍व अन्‍ख्‍वब पो सोरो फत्‍या केन् ख्यङ्: ङू रङ्सेने ङ्वजे रुप्‍ने तङ्‍रदे, पवित्र आत्मादे धर्मी ठर्‌दीदे, स्वर्गदूतयूदे ङूने तङ्दे, देश देशने ङूजे प्रचार क्‍यूत्‍दे, संसार भरीने मीयूदे ङूने विश्‍वास चीत्‍दे, होर्‌दे ङू महिमाने तो स्वर्गने लङ्‍कीदे।

१ तिमोथी 4:8

चेनेयलो ङीन ङ्वजे तालिम तेदिनजे लागित्‍या फाइदा क्‍यूक्‍क्‍य, तर परमेश्‍वरने मन्‍दीलो कलङ्ने यली फाइदा क्‍यूक्‍क्‍य, चेनेयलो अम्‍बदे जूचोजे जीया मेस्ये ङ्येजे जीया ङ्‍हीजेने फाइदाजे लागि कबुल चे ख्यङ्।

१ तिमोथी 6:11

तर परमेश्‍वरने मन्‍देब मी, नदे येर कामयू क्‍वाने क्यापी, मेस्‍ये धर्मी, परमेश्‍वरने मन्देब, विश्‍वास, प्रेम, अङ्-आ‍तीलाबे रेन ख्‍वब सेम् मेस्‍ये चीद क्‍यूरब सेम्जे उदेश्य कीन्।

१ तिमोथी 6:20

तिमोथी, नैजे जिम्माने चैसे पीने ख्‍य, हम्‍ब चेलाबे चीम्। परमेश्‍वर अम्मन्देब कन्‍थनयू मेस्ये बिरोध चेब पोयू ब लूच्‍च ज्ञान ख्यङ्। येर पो‍यू क्‍वाने क्‍यापी।

१ तिमोथी 6:3

कादेये सूजो मीदे सूजो शिक्षा लोम्‍मीदे यलो ङीनजे प्रभु येशू ख्रीष्‍टजे तम्दम्‍जे वचन मेस्ये ङीनदे चेपर्‌देब परमेश्‍वरने मन्देब खाल्जे शिक्षाप्रे अम्‍मील्‍लीदे यलो,

१ तिमोथी 6:5

मेस्‍ये बुद्धि नोङ्येब मेस्ये सत्यदे आलाक्के क्‍यूरेब मीयूजे अन्‍द्रने कचेला चीक्‍क्‍य, होर्‌दे परमेश्‍वरने मन्‍दे यब फाइदा लङ काम त्‍या ख्यङ् यदेबे थमयूदे मन्क्‍य।

२ तिमोथी 2:16

परमेश्‍वर अम्‍मन्‍देब मूर्ख पोयू क्यापी, चेनेयलो अम्‍बदे मीयूने परमेश्‍वरट्‍यादे झन् थेप् चीन्तङ् चीक्‍कीय।

२ तिमोथी 2:23

तर स्‍येने अन्‍स्‍येब मूर्ख पोयूजे स्‍वाल्-जवाफ अन्‍चील्‍लाची। नने थाने ख्यङ्, हम्‍बदे स्वाल्-जवाफ चीक्‍क्‍य।

२ तिमोथी 3:12

ख्रीष्‍ट येशूने क्यूत्देबे परमेश्‍वरने सेम् पर्‌तेब जीया चब सेम् चेयू क्‍वादेने सतनम् प्रेने प्रेक्‍क्‍य।

२ तिमोथी 3:5

थमयू परमेश्‍वर मन्‍दे यदेबे ङूर्‌देत्‍या यीय, तर परमेश्‍वरजे शक्तिने अम्‍मन्‍देब क्‍यूक्क्‍य। यर मीयूप्रे आलाक् क्‍यूरो।

२ तिमोथी 4:4

थमयूदे सत्य पोयू अङ्‍-ङ्यीन्‍लाबे पार्‌त्‍या योर् प्रीय मेस्‍ये दन्त्य कथायूत्‍या ङ्‍यीनने सेम् पर्‌तीय।

तीतस 1:14

तम्दम् पोने अङ्-ङ्‍यीनब मीयूजे आज्ञा मेस्ये सीत्‍तीने बन्‍दीयेब यहूदीजे दन्त्याकथा अन्-ङ्‍यीन्‍लाची।

तीतस 2:12

अम्‍ब अनुग्रहदे ङीनने अन्ज्‍य जीया मेस्‍ये संसारजे लाल्‍ची क्याबीसे पीन्क्‍य, अम्‍ब अनुग्रहजे कारणदे ङीन रङ्सेने कबूने येत्‍देबे अम्‍ब संसारने तम्दम् मेस्‍ये धर्मी क्यूत्देबे जीया च खूइय।

तीतस 3:9

तर मुर्ख स्वाल्-जवाफ, रेङ रेङ मेमेजे कथा, फुट् मेस्‍ये मोशाजे नियमजे बारेने च्‍य फाप्रे आलाक्के क्‍यूर्, चेनेयलो अम्‍ब क्‍वाने फाइदा त्‍वो, काम अन्‍लादेब पो क्यूक्क्य।

हिब्रू 5:14

क्‍योङ चसेब ता-मीयूजे लागि ख्यङ्। येर मीयूजे दीमागदे येतार्‌ने ज्‍यप्रे अन्‍ज्‍य छूर्‌ते ख्‍वब तालिम प्रेक्‍कब क्‍यूक्‍क्‍य।