१ तिमोथी 4:6 - घले नयाँ करार

⁶ कादेये नदे अत-अची च्योन्‌यूजे खूम्‍ने येर पो लोम्‍मीदे यलो नदे मन्‍दीनब ज्‍य शिक्षा मेस्ये विश्‍वासजे वचनने बोल्यो क्‍यूत्‍देबे न ख्रीष्‍ट येशूजे लागि ज्‍य सेवा चेब क्‍यूक्‍क्‍य।

१ तिमोथी 4:6 ပူးပေါင်းရင်းမြစ်များ

मत्ती 13:52

होर्‌दे येशूदे थमयूने यदे, “येरेक्‍यूत्‍देबे स्वर्गराज्‍यजे शिक्षा प्रेब पन्‍डेयू क्वाने कीम् त्याजे मालिकप्र ख्यङ्। ङूदे रङ्से बेङेदे कूम लूजे सर् मेस्ये ङीङ् सामानयू फीने योन्‍क्‍य।”

लूका 1:3

ङैदे गेसेन् ‍पीन पर्‌देब थियोफिलस, ङैदे सुरुमेस्‍येने साप्‍ता पोयू होस्स्यार चीत्देबे मेले ख्यङ्, मेस्‍ये नैजे लागि चेलाबे छीप्-छीप् मील्‍लीदेबे लिख्देब ङैने सोरो ज्‍य थेको,

मूल स्यूस्स्यायूजे कामजे किताब 1:15

हम्‍ब दिनने च्योन्‌यूजे अन्‍द्रने पत्रुस मेर्‌दे (अम्‍ब मीयू चील्‍ब धेन्‍ने: छ-बीस ला प्र ख्‍य), मेस्‍ये यदे,

मूल स्यूस्स्यायूजे कामजे किताब 20:31

होरेक्‍यूत्‍देबे अम्‍ब ह्‍वे च्‍यीत्‍देबे होस्स्यार क्‍यूर, वर्ष सोम्सेमे नो-मून म्‍यामू तेलेतेले मी त्‍यात्‍याने ङैदे बोङ्बे आर्‌तीदे।

मूल स्यूस्स्यायूजे कामजे किताब 20:35

ङैदे साप्‍ता पोने नमयूने नमूना पीन ख्यङ्, नमयूदेये येर्‌बेने बोङ्बे काम फर्‌देबे बोङ् त्‍वब मीयूने तोङ्मे पर्‌दीय। प्रभु येशूजे वचन ह्‍वे ची, केरे ङू रङ्सेदेने य ख्यङ्, “यी कीन यली पीनबदे अझ असी प्रेक्‍क्‍य।”

रोमी 15:15

तर परमेश्‍वरदे ङैने अनुग्रह चेब क्यूत्‍देबे कोला पोयूजे बारे नमयूने फेरि ह्‍वे चीम्‍मेने ङैदे कूम आँट चीत्‍देबे लिख्दे ख्यङ्,

१ कोरिन्थी 4:17

येरेक्‍यूत्‍देबे नमयू ट्‌याने तिमोथीने कूल्‍बे ख्यङ्। ङू प्रभुने विश्‍वास चेब होर्‌दे ङैजे छ्‍येब मेस्‍ये भर्‌पर्‌देब च ख्यङ्। ङैदे ने-क्‍वानेने मेस्‍ये मण्डलीयू क्‍वानेने लोम-तन चीम्‍मे अनुसार ख्रीष्‍टने विश्‍वास चीत्‍देबे ङैदे प्रेब सर् जीया केर्‌बे जेन ख्यङ् यब पो ङूदे नमयूने स्‍योम्‍मीय।

२ कोरिन्थी 11:23

थमयू ख्रीष्‍टजे सेवा चेब मी औ? ङ हम्‍ब यली सोरो ज्‍य सेवा चेब मी ख्यङ्- सेम् नोङ्ये मीप्र ङ क्‍यम्‍न ख्यङ्। ङैदे कूम छेम्‍प्रे चीत्‍दे। कूमफे झ्यालखानने पर्‌तीदे। कूमफे कोर्रादे ठरीकदे। कूमफे कालजे ङूर्‌ने फ्योइदे।

२ कोरिन्थी 3:6

ङूदे ङीनने सर्‌ कबुलजे काम फरबयू क्‍यूरब गज्ज्य पीन्‍दे, लिख्दीयेब अक्षर‌ने दी, तर पवित्र आत्‍माने। चेनेयलो लिख्दीयेब अक्षरदे सेक्‍क्‍य, तर पवित्र आत्‍मादे जीया पीन्‍क्‍य।

२ कोरिन्थी 6:4

तर साप्‍ता काम‍ने ङी रङ्सेदे परमेश्‍वरजे सेवा चेबयू ख्यङ् यदेबे तन्‍क्‍य-सोरो सैदे ख्‍वब क्‍यूत्‍देबे, सकस् रब, मूस्‍कील क्‍यूप्‍प, आपद्-विपद् पर्‌ती रब,

एफिसी 6:21

ङ कर ख्यङ् मेस्‍ये च चीन्‍न ख्यङ्, हम्‍ब नमयूनेये था क्‍यूस्‍स्‍य यदेबे छेब च्‍योन् मेस्‍ये प्रभुने विश्‍वासीलो सेवा चेब मी तूखीकसदे साप्‍ता पोने नमयूने स्‍योक्‍क्‍य।

फिलिप्पी 2:20

नमयूने केरे तोङ्मे यदेबे तिमोथीप्र ज्‍य सेम् टेल्‍देबे सूर्‌त चेब मी ङैप्रे सूजो सूये त्‍वो।

फिलिप्पी 2:22

तिमोथी कर खालजे मी ख्यङ् यदेबे नमयूदे स्‍येने ख्यङ्, केर्‌बे पने रङ्से चदे तोङ्मीय होरप्रने तिमोथी ङैप्रे क्‍यूत्‍देबे सूगब खबर स्‍य्‍वेब कामने तोङ्मे ख्यङ्।

फिलिप्पी 3:16

ङीनदे च प्रेक्‍क ख्यङ्, हम्‍बनेत्‍या बोल्यो क्यूत्देबे टूङ पर्‌तीय।

कलस्सी 2:19

येरमीयू ख्रीष्‍ट या टप्रे अन्‍थूनूलाबे आलाक् क्‍यूत्देबे टूङ ख्यङ्। ख्रीष्‍टजे पोस् प्रेत्‍देबे जोर्‌न्‍या मेस्ये छयू ङ्वत्‍या चेने थूनीय, मेस्‍ये हम्‍ब ङ्व टक्कने परमेश्‍वरजे इच्छा अनुसार‌ ठोङ्बीय।

कलस्सी 3:16

ख्रीष्‍टजे वचनदे नमयूजे सेम् बेस्‍से फ्‍यानीस्‍य। पूरा बुद्धि चील्‍लीदेबे त्‍यादे त्‍याने लोम तन ची मेस्‍ये आर्ती, होर्‌दे रङ्से सेम्देमेस्‍येने परमेश्‍वरने धन्यवाद पीन्‍देबे जै-जै चेब आत्माजे प्रू पूई।

कलस्सी 4:7

ङीनजे छेब च्‍योन्, प्रभुने भर्‌पर्‌तेब मेस्‍ये ङीप्रे-प्रेने सेवाजे काम फरब त्वो तुखिकसदे ङैजे खबरयू क्‍वाने नमयूने स्‍योक्‍क्‍य।

१ थेसलोनिकी 3:2

मेस्‍ये नमयूजे विश्‍वास बूल्ल्‍यो चेने होर्‌दे अर्ती-बुद्धि पीनने, ङीदे तिमोथीने नमयूट्‌याने कूल्‍बीदे। ङू ङीनजे च्‍योन् होर्‌दे परमेश्वरने ख्रीष्‍टजे सूगब खबरजे सेवा चेब मी ख्यङ्।

१ तिमोथी 1:10

वेश्य काम चेयू, छाडा काम चेबयूजे लागि, मीदे मीने सोङबयूजे लागि, लूच्‍च क्‍यमप्रे लूच्‍च गवाही पीनब तम्दम् शिक्षाजे विरोधने काम चेयूजे लागि ख्यङ्।

१ तिमोथी 4:16

रङ्सेजे बारेने मेस्ये रङ्सेदे लोम्‍मेब पोजे बारेने ज्‍य चङ्‍ख क्‍यूर्। अम्‍ब काम चीन्‍नूलो रङ्सेये मेस्ये रङ्सेजे पो ङ्यीनबयूनेये न्यायदे बच्दीय।

१ तिमोथी 6:3

कादेये सूजो मीदे सूजो शिक्षा लोम्‍मीदे यलो ङीनजे प्रभु येशू ख्रीष्‍टजे तम्दम्‍जे वचन मेस्ये ङीनदे चेपर्‌देब परमेश्‍वरने मन्देब खाल्जे शिक्षाप्रे अम्‍मील्‍लीदे यलो,

२ तिमोथी 1:6

होरेक्‍यूत्‍देबे ङ नने ह्‍वे चीम्‍मीय, ङैदे नैफ्‍याने ला हीप्प नदे प्रेब परमेश्‍वरजे बर अम्‍मल्‍कालाबे काम चीन्‍नू।

२ तिमोथी 3:10

तर नदे ङैजे शिक्षा, आनि-बानी, ङैजे जीयाजे उदेश्य, ङैजे विश्‍वास, टेम ख्‍वब, ङैजे प्रेम, अन्-आतीलाबे रेन ख्‍वब नने था ख्यङ्,

२ तिमोथी 4:3

मीयूदे जेम्से तम्दम् शिक्षा सैदे अन्‍ख्‍वब बीलये रीय। थमयू रङ्सेने सेम् पर्‌देब पोयूत्‍या ङ्‍यीन्तीङ्‍रीय मेस्ये थमयू रङ्सेदे सेम् पर्‌देब पो लोम्‍मेबयू कूम फूङ् पूक्‍क्‍य।

तीतस 2:1

तर नदेब तम्दम् शिक्षाने ख्‍यब पो लोम्‍मी।

१ पत्रुस 2:2

चूजोकेला प्रेब पीचयूप्र शुद्ध आत्माजे ङ्‍यलमजे तीर्‌सन ची, मेस्‍ये हम्‍ब तीर्‌सन चीत्‍देबे नमयू रङ्सेदे प्रेब मुक्तिने ठोङ्बीन खूइय।

२ यूहन्‍ना 1:9

ख्रीष्‍टदे लोम्‍मेब शिक्षाने अम्‍मन्‍दीलाबे सूजो शिक्षा मन्‍देब मीयूप्रे परमेश्‍वर क्यूस्स्ये त्‍वो, तर ख्रीष्‍टदे लोम्‍मेब शिक्षा मन्‍दीनब मीप्रे प परमेश्‍वर मेस्‍ये ङूजे च थम फीनीने क्‍यूक्‍क्‍य।

यहूदा 1:5

अम्‍ब साप्‍ता पो नमयूदे त्‍याफे स्‍ये ख्यङ्लीने, चूजो ङैदे फेरि त्‍याफे नमयूने ह्‍वेरलाबे चीम्‍मीतीङ् रख्यङ्, मीश्र देशदे योन्‍देबे रेब मीयू नङ्ने विश्‍वास अन्‍चेबयूने ङ्येदे परमप्रभूदे नाश चीत्‍दे।