१ तिमोथी 4:16 - घले नयाँ करार

¹⁶ रङ्सेजे बारेने मेस्ये रङ्सेदे लोम्‍मेब पोजे बारेने ज्‍य चङ्‍ख क्‍यूर्। अम्‍ब काम चीन्‍नूलो रङ्सेये मेस्ये रङ्सेजे पो ङ्यीनबयूनेये न्यायदे बच्दीय।

१ तिमोथी 4:16 ပူးပေါင်းရင်းမြစ်များ

मर्कूस 13:9

“नमयू रङ्से चेलाबे होस्स्यार क्‍यूर्‌, चेनेयलो थमयूदे नमयूने अड्‌डने चूङ्देबे कूबीय होर्‌दे सभा-कीम्‌यूने कूबदेबे खान्‍दीय। हाकिमयू प्रे मूरुम्यूजे खूम्‍ने मेर्‌स्‍ये पीन्‍क्‍य। नमयूदे थमयूने ङैजे बारेने गवाही पीन पर्‌दीय।

लूका 21:34

“तर नमयू रङ्से बारेने होस्स्यार क्‍यूर्, न आनन्द-टूङ, ची, नादू थूङ प्रे अम्‍ब जीयाजे सूर्‌तदे नमयूजे सेम् प्लीक्कने, मेस्‍ये यूयूप्र त्‍याफेने हम्‍ब दिन नमयूफ्‍याने रने।

मूल स्यूस्स्यायूजे कामजे किताब 26:22

दीनीजे दिनसेमे परमेश्‍वरदे ङैने साक्‍तीमे ख्यङ्। होरेक्‍यूत्‍देबे केन् चीद क्वानेने गवाही पीने-पीने ङ अने मेर्‌न ख्यङ्। अगमवक्तायूदे मेस्‍ये मोशादे क्‍यम्‍कब वचन पक्‍कने पूरा क्‍यूक्‍क्‍य यब पोत्यामे यदे, ङैदे सूजो चैये अन्‌-येक-

मूल स्यूस्स्यायूजे कामजे किताब 6:4

तर ङीनब प्रार्थना मेस्‍ये वचनजे सेवा चेब काम‍ने पूरा सेमे पीन्क्य।”

रोमी 11:14

येर आशा चीक्‍क्‍य अम्‍ब कामदे ङैजे रङ्से जात‍जे मीयूदेये ठेन्स्य, मेस्‍ये थमयू नङ्ने कोइ कोइदेब उद्धार प्रेखूस्‍य।

रोमी 16:17

अत-अची च्योन्‌यू, ङ नमयूने बिन्‍ती चीक्‍क्‍य, नमयूदे लोम्‍कब शिक्षाजे विरुद्धने अन्‍थून चेब मेस्‍ये बाधा रेब मीयूप्रे होस्स्यार क्‍यूर्, मेस्‍ये होर मीयूप्रे आलाक्‍के टूङ्।

रोमी 2:7

धेरेन् क्यूत्देबे मीने ज्‍य चीम्मेब कामने ला-दीनूदेबे सूदे महिमा, इज्जत मेस्‍ये कलङ्बेये अन्सीबब जीया मल्‍क्‍य, परमेश्‍वरदे हम्‍बने कलङ्बेये अन्जेनब जीया पीन्‍क्‍य।

१ कोरिन्थी 1:21

संसारने ख्‍यब मीयूजे बुद्धिदे परमेश्‍वरने चीन्ते अङ्ख्‍व क्‍यूत्‍देबे परमेश्‍वरजे बुद्धि अनुसार ङीनदे स्‍य्‍वेब सूगब खबरजे मूर्ख पोदेने विश्‍वास चेबयूने बच्‍देने परमेश्‍वरदे ठीक ठर्‌दीदे।

१ कोरिन्थी 9:22

विश्‍वासने बोल्यो त्‍वबयूने बोल्यो चे खूस्‍य यदेबे थमयूजे लागि ङैये विश्‍वासने बोल्यो त्‍वयूप्रने क्‍यूत्‍दे। ङैदे चे ख्‍वब साप्‍ता तर्‌तीप्दे त्या-यब त्यादेब ख्रीष्‍टने चीन्‍ते खूस्‍य यदेबे खोत्‍ताजे लागि ङ साप्‍ताने क्‍यूत्‍दे।

१ कोरिन्थी 9:27

तर ङ रङ्सेजे ङ्वने सकस् पीन्‍देबे रङ्सेजे काबुने येक्‍य, नत्रयलो सूजो मीयूने प्रचार चेङ्येदे रङ्सेब इनाम प्रेजे लागि लायक त्‍वब ठर्‌तीय।

एफिसी 4:14

होर्‌दे छट्‍टू मीजे पीरीपीरीजे शिक्षाजे छल्दे कने प्‍लेके होनेने कूबब चीद-चीद पीचयूप्र ङीन अन्‍क्यूल्‍लाचीदे। थमयूदे योनब ठग शिक्षादे सूजो मीयूने अन्‍ज्‍य लम्‍तेले कूबीय।

कलस्सी 4:17

“प्रभुदे पीनब काम नदे च्‍येलाबे पूरा चे पर्‌दीय” यदेबे अर्खिप्‍पसने येमी।

१ थेसलोनिकी 2:16

यहूदी तेब मीयूजे उद्धार क्‍यूस्‍स्‍य यदेबे थमयूप्रे क्‍यमने ङीने बाधा पीन्दे। येर्‌बे येतार्‌ने थमयू रङ्सेजे पापने थेप्थेप् नप्‍ते अङ्ख्‍ब चीक्‍कीदे, तर आखिरीने परमेश्‍वरजे छी थमयू फ्‍याने पर्‌तीरदे।

१ तिमोथी 1:3

ङ माकेडोनिया प्रब ङैदे कर्‌ चङ प्र न एफिससने टूङ्, मेस्‍ये लूच्‍च पो लोम्‍मेब मीयूने होर कामयू अन्लोम्‍मीला ची यदेबे बोङ्बे आज्ञा पीन्।

१ तिमोथी 4:15

अम्‍ब चे पर्‌देब कामयूने पूरा सेम् पीन्देबे येतार्‌ने चीन्‍नू, मेस्‍ये नैजे उन्‍नती मी क्‍वादेने तङ्स्‍य।

१ तिमोथी 4:6

कादेये नदे अत-अची च्योन्‌यूजे खूम्‍ने येर पो लोम्‍मीदे यलो नदे मन्‍दीनब ज्‍य शिक्षा मेस्ये विश्‍वासजे वचनने बोल्यो क्‍यूत्‍देबे न ख्रीष्‍ट येशूजे लागि ज्‍य सेवा चेब क्‍यूक्‍क्‍य।

२ तिमोथी 2:10

येरेक्‍यूत्‍देबे सेल्कबयूजे लागिने ङ साप्‍ता पोने सैदीय, मेस्‍ये थमयूदेये कलङ्बेये अन्जेनब महिमा प्रेने ख्रीष्‍ट येशूने ख्‍यब मुक्ति प्रेखूस्य।

२ तिमोथी 3:14

तर नदे लोम्‍कब मेस्‍ये चेलाबे विश्‍वास चीक्‍कब अम्‍ब सत्य पोयूने बूल्‍ल्‍यो क्‍यूत्‍देबे विश्‍वास चीन्‍नू। हम्‍ब सूप्रे लोम ख्‍य, नने थाने ख्यङ्,

२ तिमोथी 4:2

परमेश्‍वरजे वचन स्‍य्‍वेने बील-अबील तयार क्‍यून्‍नू। धेरेन्बे शिक्षा पीन्देबे अर्ती पीन्, ङर्‌मी, आँट पीन्।

तीतस 1:9

रङ्सेदे प्रेब तम्दम् शिक्षाने लादीनब मेस्‍ये सूजोनेये अम्‍ब शिक्षा पीन्‍देबे बोङ् पीन ख्‍वब क्यूस्य। अम्‍ब शिक्षा ङीदे लोम्‍मेप्र क्यूरपर्‌तीस्य। होर्‌दे अम्‍बजे बिरोध चेबयूजे गल्‍तीनेये तम्‍मेब क्यूर पर्‌तीस्य।

तीतस 2:15

नदे अम्‍ब पोयू बोङ्बे य, पूरा हकदे लोम-तन ची मेस्‍ये फ्राची। सूदेये नने ह्‍यल अन्‍चीस्‍स्‍य।

तीतस 2:7

नदेने साप्‍ता पोने ज्‍य काम‍जे नमूना पीन्देबे थमयूने तन्, नैजे शिक्षाने इमान्-जेमेन् क्यूरब, मेस्ये होस्स्यार क्यूर्।

फिलेमोन 1:19

ङ पावल, रङ्सेजे लादेने अम्‍ब चिट्ठी लिख्दीन ख्यङ्। हम्‍ब छेर् ङैदेने फामीय। ङैदे नने येन अम्‍पर्‌दीस्‍ये न रङ्सेये ङैजे छेर् प्लेब ख्यङ्।

हिब्रू 12:15

होस्स्यार क्‍यूर, परमेश्‍वरजे अनुग्रह सूमीदेये अम्‍प्रे अन्क्यूस्स्य, मेस्ये सेम्ने अन्‍ज्‍य पोजे छ डोम्‍बदेबे हम्‍ब अन्‍ज्‍य छदे त्‍यात्‍याने अन्‍थून अन्‍चीस्‍स्‍य, मेस्‍ये कूम मीयूने अशुद्ध अन्‍चीस्‍स्‍य।

हिब्रू 13:9

थर्‌-थर्‌जे मेस्‍ये नोङ्ल्‍या पोयू लोम्‍मीदेबे नमयू होम्‍कीने। चेनेयलो च-थूङब पोजे छ्‌यप्दे दी, तर परमेश्‍वरजे अनुग्रहदे सेम् बोल्यो क्‍यूरब सोरो ज्‍य ख्यङ्, होर छ्‌याप्यूदे हम्‍ब मन्‍देबयूने चैये फाइदा अन्‍ची।

याकूब 5:20

नमयूने था क्यूस्स्य, पाप चेब कोइ मीत्‍याने ङू प्रेनब अन्‍ज्‍य लम्‍दे ल्वादेबे सूदे रेक्‍क्य, हम्‍ब पाप चेब मीने सीबस्‍ये अम्पीन्‍लाबे जूक्‍तीमीय, मेस्‍ये ङूजे कूम पापने उप्क्य।