१ तिमोथी 3:8 - घले नयाँ करार

⁸ हेरप्रने डिकनयूये गेसेन् प्रेब लायकजे मी क्‍यूर पर्‌दीय, तम्दम् पो क्‍यमब, ची-नादू थूङ्देबे स्य्वोनब दी मेस्‍ये नोर‌्‌जे लोभ चेब दी,

१ तिमोथी 3:8 ပူးပေါင်းရင်းမြစ်များ

रोमी 3:13

“थमयूजे ङूर्‌ अङ्उप्‍केब तूर्‌सप्र ख्यङ्, थमयूदे रङ्सेजे लीदे लूच्‍च क्‍यम ख्यङ्।” “थमयूजे बोली र्‌वेजे तूक्‍प्र ख्यङ्।”

फिलिप्पी 1:1

येशू ख्रीष्‍टजे त्वोयू पावल मेस्‍ये तिमोथीदे, ख्रीष्‍टने विश्‍वास चेब फिलिप्पीजे बिशपयू मेस्‍ये डिकनयू होर्‌दे परमेश्‍वरजे पवित्र मीयू क्‍वानेने अम्‍ब चिट्ठी लिख्दीन ख्यङ्।

१ तिमोथी 3:12

डिकनजे मज तीत्‍यात्‍या क्‍यूस्‍स्‍य। रङ्सेजे च-चीमीयू मेस्ये कीम्-नम् चेलाबे चील्‍ले ख्‍वब क्‍यूस्‍स्‍य।

१ तिमोथी 3:2

होरेक्‍यूत्‍देबे बिशपने सूदेये दोष लैदे अन्‍ख्‍वब, मज तीत्‍या ख्‍यब पती, रङ्सेदे रङ्सेने काबूने येनब, बुद्धिदे काम चे ख्वब, कीम्ने रब ङ्योवयूने गेसेन् चीस्‍स्‍ये रब, सोरो चेलाबे लोम्‍मीसे रब क्‍यूर पर्‌दीय,

१ तिमोथी 3:3

च्‍यी-नादूदे स्य्वब मेस्ये छी लङब मी दी, तर ङू चीद क्‍यूत्‍देबे च्‍य-फा अन्‍चे, नोर‌्‌जे लोभ अन्‍चेब क्यूर पर्‌तीय।

१ तिमोथी 5:23

मालाङ् खूम्‍प्र न क्‍यूत्‍या अन्‍थूङ्लाची, तर नैजे ख्‍वाजेजे लागि मेस्ये घीरी-घीरी नवदे तेते अङ्‍गुरजे ची थूङ्लीम् ची।

तीतस 1:7

परमेश्‍वरजे सेवा चेपर्‌दे क्यूरबदे बिशपब दोष त्‍वब क्‍यूर पर्‌दीय। ङू जिद्दी या छ्‌योट्‍टो छी चेब, या ची-नादूदे स्य्वब, या च्‍य-जीङ मेस्‍ये धनजे लोभ चेब क्यूर अङ्क्यूर्,

तीतस 2:3

येर्‌बेने यूमयूजे बनी व्यवहार ज्‍य क्यूर पर्‌दीय, सूजोजे न अम्प्वेब, कूम ची-नादू अन्‍थूङब क्यूर पर्‌दीय यदेबे आज्ञा पीन्। कम्‍ब ज्‍य ख्यङ्, ङूने हम्‍बने लोम्‍मीस्‍य।

याकूब 3:10

अम्‍ब ङूर्‌ नङ्देने असी मेस्‍ये लेये योङ्‍रीय। ङैजे अत-अजी च्योन्‌यू येरब ज्‍य अन्‍क्‍यूर्‌।

१ पत्रुस 5:2

परमेश्‍वरदे नमयूजे जिम्माने पीनेब बगलने प्रङ्बप्र क्यूत्देबे चेलाबे ले। कोइजे कर्‌दे दी, तर नैजे रङ्से इच्छादे फरब क्‍यूस्‍स्‍य, नोर्‌जे लोभने दी तर सेवा चेब सेम् टेल्‍देबे अम्‍ब काम ची।