१ तिमोथी 3:1 - घले नयाँ करार

¹ अम्‍ब यब पो विश्‍वास चे लायकजे ख्यङ्, कोइ मीदे बिशपजे काम चेब सेम् चीक्‍क्‍य यलो, ङूदे ज्‍य काम चेब सेम् चीक्‍क्‍य।

१ तिमोथी 3:1 ပူးပေါင်းရင်းမြစ်များ

लूका 15:10

ङ नमयूने यीय, येर्‌बेने पश्‍चात्ताप चेब पापी त्‍याजे लागि परमेश्‍वरजे स्वर्गदूतयूजे खूम्‍ने सोरो आनन्द क्‍यूक्‍क्‍य।”

मूल स्यूस्स्यायूजे कामजे किताब 1:20

पत्रुसदे यदे, “चेनेयलो भजनजे किताबने येर्‌बे लिख्दीये ख्यङ्, ‘ङू टूङब कीम् थैन्‍देन् क्‍यूप्पस्‍य, मेस्‍ये हैयाने टूङब सूत्‍याये अन्क्यूस्स्य, मेस्‍ये ङूजे काम मेस्‍ये पद सूजो मीदे लेन्‍कीस्‍य।’

मूल स्यूस्स्यायूजे कामजे किताब 20:28

नमयूजे लागि मेस्‍ये रङ्से बगलजे लागि होस्स्यार क्‍यूत्देबे टूङ्। पवित्र आत्मादे नमयूने बगलजे जिम्मा प्‍लेब मी बन्‍देब कारण ङूदे रङ्सेजे कादे कीनब परमेश्‍वरजे मण्डलीजे स्याहार नमयूदे चीदो।

रोमी 11:13

जेम्से नम यहूदी देब मीयूने येन ख्यङ्। यहूदी देब मीयूजे लागि खर्‌दीयेब मूल स्यूस्स्या क्‍यूत्‍देबे ङ अम्‍ब कामजे सार्‌या चीक्‍क्‍य,

एफिसी 4:12

थमयूजे जिम्माब परमेश्‍वरजे पवित्र मीयूने ख्रीष्‍टजे काम चेख्‍वाब चेने मेस्‍ये ङूजे ङ्व मण्डलीजे उन्‍नती चेजे लागि ख्यङ्।

फिलिप्पी 1:1

येशू ख्रीष्‍टजे त्वोयू पावल मेस्‍ये तिमोथीदे, ख्रीष्‍टने विश्‍वास चेब फिलिप्पीजे बिशपयू मेस्‍ये डिकनयू होर्‌दे परमेश्‍वरजे पवित्र मीयू क्‍वानेने अम्‍ब चिट्ठी लिख्दीन ख्यङ्।

१ थेसलोनिकी 5:14

अत अची च्योन्‌यू, काम चेने छरबयूने बोङ्बे अर्ती मेस्‍ये सेम् चीद चेयूने आँट पीन्। बोङ् त्‍वयूने तोङ्मी। क्‍वाप्रेने स्यूलूक्कै क्‍यूरब स्वभाव तन्।

१ तिमोथी 1:15

अम्‍ब वचन केर्‌बेनेयली मन्‍देब खल्‍जे ख्यङ्, यी येशू ख्रीष्‍ट पापीयूने उद्धार चेजे लागि संसारने रदे, मेस्‍ये पापीयू नङ्ने ङ मूख्‍य पापी ख्यङ्।

१ तिमोथी 4:9

अम्‍ब येकब पो पक्‍क पूरा रूप्देने मन्‍दे पर्‌देब खालजे तम्दम् पो ख्यङ्।

२ तिमोथी 2:11

अम्‍ब पो पक्‍क ख्यङ्, कादेये ङीन ङूप्रे सीये ख्यङ् यलो, ङूप्रेने ङीनये सोम्‍बो क्‍यूक्क्‍य,

तीतस 1:7

परमेश्‍वरजे सेवा चेपर्‌दे क्यूरबदे बिशपब दोष त्‍वब क्‍यूर पर्‌दीय। ङू जिद्दी या छ्‌योट्‍टो छी चेब, या ची-नादूदे स्य्वब, या च्‍य-जीङ मेस्‍ये धनजे लोभ चेब क्यूर अङ्क्यूर्,

तीतस 3:8

अम्‍ब तम्दम् पो ख्यङ्। नदे अम्‍ब पोयूने बोङ् ची, थमयू सुदे परमेश्‍वरने विश्‍वास चे ख्यङ्, रङ्सेदे ज्‍य काम चेने येतार्‌ने चङ्‍ख क्‍यून्‍नू, चेनेयलो अम्‍ब पो मीयूजे लागि सोरो ज्‍य मेस्‍ये फाइदाजे ख्यङ्।

हिब्रू 12:15

होस्स्यार क्‍यूर, परमेश्‍वरजे अनुग्रह सूमीदेये अम्‍प्रे अन्क्यूस्स्य, मेस्ये सेम्ने अन्‍ज्‍य पोजे छ डोम्‍बदेबे हम्‍ब अन्‍ज्‍य छदे त्‍यात्‍याने अन्‍थून अन्‍चीस्‍स्‍य, मेस्‍ये कूम मीयूने अशुद्ध अन्‍चीस्‍स्‍य।

१ पत्रुस 2:25

चेनेयलो नमयू लम् येल्‍गब स्वान्‍यूप्र ख्‍य, तर जेम्‍से नमयू रङ्से आत्‍माजे सोम्‍प्रङ्ब मेस्‍ये सुरक्षा पीनब ट्‌याने ल्‍वार ख्यङ्।

१ पत्रुस 4:15

तर नमयू नङ्ने सूदेये मी सेब, ख्‍वब, अन्‍ज्‍य चेब, या मीदे चीन्‍नब कामने ला च्‍वाब मीप्र क्‍यूत्‍देबे दु:ख अम्‍भोक्‍दीलाची।

१ पत्रुस 5:2

परमेश्‍वरदे नमयूजे जिम्माने पीनेब बगलने प्रङ्बप्र क्यूत्देबे चेलाबे ले। कोइजे कर्‌दे दी, तर नैजे रङ्से इच्छादे फरब क्‍यूस्‍स्‍य, नोर्‌जे लोभने दी तर सेवा चेब सेम् टेल्‍देबे अम्‍ब काम ची।