१ तिमोथी 2:6 - घले नयाँ करार

⁶ येशू ख्रीष्‍टदे मीयू क्‍वानेने पापदे छूर्‌दीमेने लूजे रूप्ने रङ्सेजे प्राण पीन्‍दे, हम्‍ब पोजे प्रमाण ठीक बीलने पीन्‍दे।

१ तिमोथी 2:6 ပူးပေါင်းရင်းမြစ်များ

मत्ती 20:28

केर्‌बे मीजे चये सेवा प्रेस्‍ये यदेबे रदी, तर सेवा चीत्‍देबे कूम पापीयूजे पाप छूर्‌देमेजे लागि रङ्सेजे प्राण पीनने रदे।”

मर्कूस 1:15

येशूदे यदे, “बील पूरा क्‍यूरे ख्यङ्, मेस्‍ये परमेश्‍वरजे राज्‍य ट्‌याने फ्‍योर ख्यङ्। होरेक्‍यूत्‍देबे नमयूदे पश्‍चात्ताप चीत्‍देबे पाप चेब काम क्यापी, मेस्‍ये सूगब खबरने विश्‍वास ची।”

मर्कूस 10:45

चेनेयलो मीजे च सेवा प्रेस्‍स्‍य यदेबे र दी, मेस्‍ये सेवा पीनने र ख्यङ्, होर्‌दे कूम मीयूने चूक्‍दीमेब लू फाने रङ्सेजे प्राण पीनने र ख्यङ्।”

यूहन्‍ना 10:15

केर्‌बे पदे ङैने स्‍ये ख्यङ्, ङैदेये पने स्‍ये ख्यङ्, होर्‌दे ङ ङैजे स्वान्‌यूजे लागि ङैजे रङ्से ङ्वये पीन्‍क्‍य।

यूहन्‍ना 6:51

स्वर्गदे रब जीया पीनब क्‍यङ् ङने ख्यङ्। अम्‍ब क्‍यङ् चब मीदे येतार्‌ने जीया प्रेन्‍नीय। ङैदे पीनब हम्‍ब क्‍यङ्ब ङैजे ङ्व ख्यङ्। संसारजे मीयूदे जीया प्रेस्‍स्‍य यदेबे ङ ङैजे ङ्व पीन्‍क्‍य।”

रोमी 16:26

तर जेम्‍से येतार्‌ने क्यून्‍नब परमेश्‍वरजे आज्ञा अनुसार अगमवक्तायूदे चेलाबे अम्बजे बारेने स्‍योम्मीक ख्यङ्। का-मुलुक नेयूजे यहूदी तेब मीयूदे प्रभुने विश्‍वास चीस्‍स्‍य मेस्‍ये ङूजे आज्ञा मन्‍दीस्य यदेबे अम्ब नङ्सूजे खबर का-मुलुकने प्रचार क्यूर ख्यङ्।

रोमी 5:6

चेनेयलो ङीन चेये बोङ् त्‍व क्यूप्प ख्रीष्‍ट ङीन्‍जे पापजे लागि ठीक बीलने सीइदे।

१ कोरिन्थी 1:6

ख्रीष्‍टजे बारेने ङीदे पीनब गवाही तम्दम् ख्यङ् यदेबे नमयूजे सेम्‍ने पक्क क्यूर ख्यङ्-

२ कोरिन्थी 5:21

चेनेयलो ङीन ख्रीष्‍टप्रे क्‍यूत्‍देबे परमेश्‍वरजे खूम्ने धर्मी ठर्‌ते खूस्‍य यदेबे पापने अन्‍स्‍येब ख्रीष्‍टने परमेश्‍वरदे ङीनजे पापजे बलि क्यूस्से पीन्‍दे।

गलाती 1:4

ङीनजे प-परमेश्‍वर‌जे इच्छा अनुसार येशूदे दीनीजे अम्‍ब अन्‍ज्‍य जूक्‍ने ङीनने जूक्‍तीमेने ङीनजे पाप‍जे लागि रङ्सेने पीन्‍दे।

गलाती 4:4

तर बील फ्‍योरीकमेस्‍ये परमेश्‍वर‌दे रङ्से च येशूने कूल्‍बीदे। मदी त्‍यादे ङूने जन्‍म पीन्‍दे, मोशाजे नियम नङ्ने टूङ्दे।

एफिसी 1:17

ङ प्रार्थना चीन्‍नीय, ङीनजे प्रभु येशू ख्रीष्‍टजे परमेश्‍वर, महिमाजे पदे नमयूने परमेश्‍वरजे बारेने था प्रेब बुद्धि मेस्‍ये तङख्‍वब आत्मा पीन्स्‍य।

एफिसी 1:7

ङूजे सोरो केन् अनुग्रह अनुसार ख्रीष्‍टजे कादे ङीन ख्रीष्‍टने क्‍यूत्‍देबे उद्धार, ङीनजे पापजे क्षमा प्रेक्क्य,

एफिसी 3:5

हम्‍ब खूम पुस्ताजे मीयूने था अम्‍पीन ख्‍य, दीनी अम्‍ब पो ङूजे पवित्र मूल स्यूस्स्या मेस्‍ये अगमवक्तायूने पवित्र आत्मादे तम्‍मे ख्यङ्।

एफिसी 5:2

नमयू त्‍यादे त्‍याने प्रेम ची, केर्‌बे ख्रीष्‍टदेये ङीनयूने प्रेम चीत्‍दे, मेस्‍ये परमेश्‍वरने सेम् पर्‌तेब लेम बस्‍न रब भेटी मेस्ये बलिजे रुप्ने ङीनजे लागि रङ्सेजे जीया बलि पीन्‍दे।

२ थेसलोनिकी 1:10

हम्‍ब दिनने प्रभु येशू पवित्र मीयूजे तर्फदे महिमा प्रेने मेस्‍ये ङूने विश्‍वास चेबयू क्‍वानेने हार्‌मन्‍दीलाबे चेने रीय, चेनेयलो ङीदे पीनब गवाहीने नमयूदे विश्‍वास चीत्‍दे।

१ तिमोथी 6:15

असी पीनब पात्‍ता केन् परमेश्‍वर, मूरूम्‌यूजे पात्‍ता केन् मूरूम्, प्रभुयूजे पात्‍ता केन् प्रभुदे फेरि ठीकबील रमेस्ये येशू ख्रीष्‍टने कूल्‍बीय।

२ तिमोथी 1:8

होरेक्‍यूत्‍देबे ङीन प्रभुजे गवाही पीनने, ङ कैदने टूङब पो स्‍य्‍वेने कलङ्बेये अन्‍त्‍वालाची, तर परमेश्‍वरजे बोङ्दे सूगब खबर स्‍य्‍वेने प्रब छरङ् प्रेल्‍लीने हम्‍ब काम चीन्‍नू।

तीतस 1:3

ठीक बीलने ङूदे रङ्सेजे वचन स्‍य्‍वेस्ये पीन्‍दे। ङीनने मुक्ति पीनब परमेश्‍वरजे आज्ञा अनुसार ङूदे ङैने अम्‍ब वचन पीन्‍दे।

तीतस 2:14

येशू ख्रीष्‍टदे ङीनने साप्‍ता किसिमजे पापदे छुर्‌तेजे लागि रङ्से प्राणये पीन्‍दे। ङूदे ङीनने पवित्र चेने रङ्से मी बन्‍दीदे, मेस्‍ये ज्‍य काम चेने जोसीलो क्यूरने येरे चीत्दे।

हिब्रू 9:12

र-बोका मेस्‍ये बार्‌ पीचजे का टेल्‍देबे दी, तर ङू रङ्सेजे का टेल्‍देबे कलङ्बेये नाश अन्‍क्‍यूरब मुक्ति पीन्‍देबे त्‍याफेने येतार्‌जे लागि पात्‍ता केन् पवित्र ने नङ्ने ङू क्‍योइदे।

१ पत्रुस 2:24

पापजे लागि ङीन सीबदेबे धार्मिकताजे लागि जीया चखूस्‍य यदेबे ख्रीष्‍टदे ङीनजे पाप रङ्से ङ्वने प्‍लेत्‍देबे क्रूसने पील्‍दे। ङूदे प्रेब कष्‍‍‍टजे मयूदे नमयू तम् क्‍यूत्‍दे।

१ पत्रुस 3:18

चेनेयलो ख्रीष्‍टदे ङीनजे पापयू प्‍लेत्‍देबे येतार्‌जे लागि त्‍याफेने सीइदे। ङूदे कलङ्बेये पाप अन्‍चे ख्‍य, तर नमयूने परमेश्‍वर ट्‍याने कूबने पाप चेयूजे लागि सीइदे। ङू ङ्वने सीइदे, तर आत्‍माजे शक्तिने ङू फेरि सोम्‍बो क्यूत्दे।

१ यूहन्‍ना 4:10

ङीनदे परमेश्‍वरने प्रेम अन्‍ची तर परमेश्‍वरदे ङीनने प्रेम चीत्‍दे, मेस्‍ये ङीनजे पाप मेर्‌देजे लागि बलि क्‍यूरने रङ्सेजे च कूल्‍पीदे, प्रेम यब अम्‍ब ख्यङ्।

प्रकाश 1:5

मेस्ये विश्‍वास चे ख्‍वब साक्षी येशू ख्रीष्‍ट, सीयेबयू नङ्ने पात्‍ता खूम् सोम्‍बो क्‍यूरब, मेस्‍ये पृथ्‍वीजे मूरुम्यू फ्‍याने हुकुम चेबट्‍यादे नमयूने अनुग्रह मेस्ये शान्ति। ङूदे ङीनने प्रेम चे ख्यङ् मेस्‍ये ङीन्‍जे पापने रङ्से कादे छूर्‌तीमे ख्यङ्,

प्रकाश 5:9

थमयूदे येरे यदेबे प्रू सर् त्‍या पूत्‍दे: “अम्‍ब खूस्‍यजे मूठ लाने टेल्देबे लगजे छाप‌यू पूक ख्‍वब लायक‍जे न ख्यङ्, चेनेयलो न सेक्‍क ख्‍य, मेस्‍ये खलकयू, क्यमब केयू, देशयू मेस्‍ये जात-जातयूजे अन्द्रदे मीयूने परमेश्‍वरजे लागि नैजे रङ्से कादे छुटकारा चीम्‍मीदे,