१ तिमोथी 2:5 - घले नयाँ करार

⁵ चेनेयलो परमेश्‍वर तीत्‍यात्‍या ख्यङ्, परमेश्‍वर प्रे मीयूजे अन्‍द्रने मीलाप चेने पो मील्‍लेब मीये तीत्‍यात्‍याने ख्यङ्-हम्‍ब मी, ख्रीष्‍ट येशू ख्यङ्।

१ तिमोथी 2:5 ပူးပေါင်းရင်းမြစ်များ

मत्ती 1:1

अब्राहाम मेस्‍ये दाऊदजे छगूम्-पूर्‌गूम् येशू ख्रीष्‍टजे वंशजे मीन्‌यू येरे छीप्-छीप् ख्‍यङ्:

मत्ती 1:23

“ले, कन्‍या मदी त्‍या पीच रीय, मेस्‍ये ङूदे च त्‍या प्रेक्‍क्‍य, ङूजे मीन् इम्‍मानुएल येक्‍क्‍य”, अम्‍बजे अर्थ, “परमेश्‍वर ङीनयूप्रे ख्‍यङ्।”

लूका 14:22

“होर्‌दे त्वोदे यदे, ‘नदे पीनब आज्ञा अनुसार काम क्‍यूर ख्यङ्, तर अझ ने खाली ख्यङ्।’

यूहन्‍ना 1:14

वचन ङ्व क्‍यूत्‍देबे रदे, मेस्‍ये अनुग्रह मेस्‍ये तम्दम्‍दे फ्यादेबे ङीनजे अन्द्रने बास टूङ्दे। ङीनदे ङूजे महिमा तङ्दे, हम्‍ब महिमा प ट्‌यादे रब तीत्‍या चजेप्र ख्‍य।

यूहन्‍ना 17:3

जेम्‍से कलङ्बेये अन्सीबब जीया अम्‍ब ख्यङ्, यी थमयूदे न, तीत्‍यात्‍या सत्य परमेश्‍वरने स्‍येस्‍य, मेस्‍ये नदे कूल्‍बेब येशू ख्रीष्‍टने स्‍येस्‍य।

मूल स्यूस्स्यायूजे कामजे किताब 4:12

“सूजो सूदेये मुक्तिपीन अन्‍खू, चेनेयलो ङीनदे मुक्तिप्रेने स्वर्ग नङ्ने मीयूने सूजो चे मीन्‌ये अम्‍पीनी।”

रोमी 1:3

हम्‍ब सूगब खबरब परमेश्‍वरजे च ङीन प्रभू येशू ख्रीष्‍टजे बारेने ख्‍य। ङू दाऊद मूरूम्जे वंशजे मी क्‍यूत्‍देबे जन्मीदीदे।

रोमी 10:12

चेनेयलो यहूदी मेस्‍ये यहूदी तेब मीने चेत्‍याये फरक त्‍वो। क्‍वाजेने परमेश्‍वर तीत्‍यात्‍या ख्यङ्, मेस्‍ये ङूने गोमब क्‍वाने ङूदे बेस्‍से असी पीन्क्‍य।

१ कोरिन्थी 8:4

येरेक्‍यूत्‍देबे मूर्तियूने चेर्‌दीयेब चसे चक्‍यूरइ चअन्‍क्‍यूर यब पो ङीनदे स्‍ये ख्यङ्, मुर्ति चैये दी, मेस्‍ये परमेश्‍वर तीत्‍यात्‍यामे ख्यङ् सूजो त्‍वो।

१ कोरिन्थी 8:6

तर ङीनजे लागिब तीत्‍यात्‍या प परमेश्‍वर ख्यङ्, ङूदेने साप्‍ता थोक सृष्‍टि चीत्‍दे, मेस्‍ये ङीनदे अम्‍ब जीया परमेश्‍वरजे लागि चीय। ङीन्जे लागि तीत्‍यात्‍या प्रभुब येशू ख्रीष्‍ट ख्यङ्, ख्रीष्‍टने क्यूत्देबे साप्‍ता थोक सृष्टि क्यूत्दे, मेस्‍ये ङूने क्यूत्देबे ङीनदे अम्‍ब जीया चीय।

गलाती 3:20

पो मील्‍लेब मीजे लागि दल ङ्‍हीजे मी चैतीय, तर परमेश्‍वर‌ तीत्‍यात्‍या ख्यङ्।

एफिसी 4:6

ङीन खोत्‍ताजेने प परमेश्‍वर तीत्‍याने ख्यङ्। ङू क्‍वाजेने प्रभु ख्यङ्। साप्‍ता काम चेब ङूने ख्यङ् मेस्‍ये ङू क्‍वाप्रेने क्यूक्क्य।

१ तिमोथी 6:13

साप्‍ता थोक‍ने जीया पीनब परमेश्‍वर मेस्ये पन्तियस पिलातसजे खूम्‍ने तम्दम्‍जे ज्‍य गवाही पीनब ख्रीष्‍ट येशूजे खूम्‍ने,

हिब्रू 12:24

परमेश्‍वर मेस्ये मीयूजे अन्‍द्रने सर् करारजे पो मील्‍लेब येशू मेस्‍ये ङूजे छीट्का काजे खूम्‍ने नमयू र ख्यङ्। अम्‍ब कादे हाबिलजे कादे यली थेप् ज्‍य पो क्‍यम ख्यङ्।

हिब्रू 7:25

होरेक्‍यूत्‍देबे येशूने विश्‍वास चीत्‍देबे परमेश्‍वर ट्‌याने रबयू क्‍वानेने येतार्‌जे लागि ङूदे उद्धार चीम्मे खूइय। चेनेयलो थमयूजे लागि परमेश्‍वरप्रे प्रार्थना चीम्मेने ङू येतार्‌ने सोम्बो क्यून्‍नीय।

हिब्रू 8:6

तर येशूने पीनेब पूस्‍र्‌याजे काम थमयूदे चेब यली सोरो थेप् केन् ख्यङ्, होरप्रने परमेश्‍वरप्रे मीयूजे अन्‍द्रने येशूदे चजो-पजो चेब सर्‌ करार मालाङ्जे ङीङ् करार यली सोरो थेप् केन् ख्यङ्, चेनेयलो अम्‍ब करारने थेप् ज्‍य पोयू चीम्‍मीय यब कबुल चीदेख्यङ्।

हिब्रू 9:15

येरेक्‍यूत्‍देबे परमेश्‍वरदे सेलबयूने कलङ्बेये नाश अन्‍क्‍यूप्‍पब हक पीनने, पदे चेब कबुल प्रेस्‍स्‍य यदेबे अम्‍ब सर्‌ करारजे लागि चजो-पजो चेब ख्रीष्‍ट क्‍यूर ख्यङ्। चेनेयलो खूम्‍जे करारजे बीलने मीयूदे चीक्‍कब पापदे जेम्से मुक्ति प्रेक्क्य चेनेयलो अम्ब कामजे लागि ख्रीष्‍ट सीयेजन्‍क ख्यङ्।

१ यूहन्‍ना 2:1

ङैजे छेब पीचयू, नमयूदे पाप अन्‍चील्‍लाची यदेबे ङ अम्‍ब चिट्ठी लिख्दीन ख्यङ्। तर कोइ मीदे पाप चीत्‍दे यलीने ङीनजे पक्षने प परमेश्‍वरप्रे क्‍यम्मेब ङू त्‍या धर्मी ख्यङ् हम्‍बब येशू ख्रीष्‍ट ख्यङ्।

प्रकाश 1:13

मेस्‍ये सामदानयूजे अन्‍द्रने मीजे च प्र तोप्सेमेने उपब कोला ह्‍वेब मेस्‍ये ङूजे गूने मर्‌जे फीत्‍ता थाप्‍ल्‍यात्‍या होतेबने ङैदे तङ्क्‍दे।