१ तिमोथी 1:9 - घले नयाँ करार

⁹ ङीनदे अम्‍बये स्‍ये ख्यङ् यी मोशाजे नियम ज्‍य मीयूजे लागि दी, तर अम्‍ब नियम अम्‍मन्‍देयू मेस्ये आज्ञा अन्‍ङ्‍यीनयूजे लागि, परमेश्‍वर अम्मन्‍दे, पापीयू, पवित्र त्‍वब, धर्म अम्‍मन्देयू मेस्ये प-मने सेबयूजे लागि, मी सेबयूजे लागि,

१ तिमोथी 1:9 ပူးပေါင်းရင်းမြစ်များ

मत्ती 10:21

“मीयूदे रङ्से अत-च्‍योन्‍ने सेने सूम्‍दीपीय, पदे रङ्से च चीमीने, प-मयूजे विरुद्धने च चीमीयू लङ्‍रीय मेस्‍ये थमयूने सेस्‍स्ये पीन्क्‍य।

रोमी 1:30

मेस्‍ये मीजे न प्‍वे, परमेश्‍वरने ह्‍यल चेब, जीद्‍दी चेब, सोरो केन् त्‍वेब, केन् क्‍यूरब, अन्‍ज्‍य पो बन्‍तीदेबे क्‍यमे क्‍यमे प्रब, प-मजे आज्ञा अम्‍मन्‍देब,

रोमी 4:13

अब्राहामदे मोशाजे नियम मन्‍दीदेबे दी, तर परमेश्‍वरने विश्‍वास चीत्‍देबे धर्मी ठर्‌दीकबदे ङूने मेस्‍ये ङूजे छगूम्-पूर्‌गूम्ने संसारजे हक प्रेब कबुल चेख्यङ्।

रोमी 5:20

मोशाजे नियम रमेस्‍ये झन् थेप् अपराध बढ्दीदे, तर केने पाप बढ्दीदे होने अनुग्रह झन् थेप्ने रदे,

रोमी 6:14

पापदे नमयू फ्‍याने राज्‍य चीस्‍स्‍ये त्‍वो, चेनेयलो नमयू मोशाजे नियम नङ्ने त्‍वो, तर अनुग्रहजे नङ्ने ख्यङ्।

गलाती 3:19

होरेयलो मोशाजे नियम चेने चैदे? कम्‍ब छगूम्-पूर्‌गूम्प्रे कबुल चे ख्‍य, ङू अन्-रदासेमे मीयूजे पाप‍ चेब बानीने नेने-येनने मोशाजे नियम थप्‍दीदे। होर्‌दे पो मील्‍लेब त्‍यादे स्वर्गदूतयूट्‍यादे मोशाजे नियम‍जे छ्‌यप् रेत्‍दे।

गलाती 5:18

तर नमयू पवित्र आत्मादे च्‍योल अनुसार चीक्‍क्‍य यलो नमयू मोशाजे नियम हक नङ्ने क्यूस्से त्‍वो।

गलाती 5:21

ठेन, नो-मून् ची-नादूदे स्‍योनब, मोज-मज्जा चेब मेस्‍ये येरप्रने सूजो कामयूजे बारेने ङैदे मालाङ् खूम् येयेप्र नमयूने दीनीये बोङ्बे आर्‌तीय। सू-सूदे येर कामयू चीक्‍क्‍य, होरमीयूदे परमेश्‍वरजे राज्‍यने क्‍योबब हक अम्‍प्रे।

गलाती 5:23

चीद क्यूरब, रङ्सेदे रङ्सेने कबूने येन ख्‍वब ख्यङ्। येर पोयूजे विरुद्ध चेब कम्‍ब नियमये त्‍वो।

२ थेसलोनिकी 2:8

होर्‌दे ङ्‍येदे मुख्य दुष्‍ट मी योङ्‍रीय, तर प्रभु येशू रब रङ्सेजे ङूर्‌जे सदे हम्बने सेक्‍क्य मेस्ये ङू रब ङूजे महिमाजे ओथ्याङ्दे हम्‍बने नाश चीक्क्य।

१ तिमोथी 4:7

परमेश्‍वरने विश्‍वास अन्चेब मेस्ये सीतीजे कथायूने अम्‍मन्‍दीलाची तर परमेश्‍वरने मन्‍दीदेबे जीया चने तालिम पीन्।

१ तिमोथी 6:20

तिमोथी, नैजे जिम्माने चैसे पीने ख्‍य, हम्‍ब चेलाबे चीम्। परमेश्‍वर अम्मन्देब कन्‍थनयू मेस्ये बिरोध चेब पोयू ब लूच्‍च ज्ञान ख्यङ्। येर पो‍यू क्‍वाने क्‍यापी।

२ तिमोथी 2:16

परमेश्‍वर अम्‍मन्‍देब मूर्ख पोयू क्यापी, चेनेयलो अम्‍बदे मीयूने परमेश्‍वरट्‍यादे झन् थेप् चीन्तङ् चीक्‍कीय।

२ तिमोथी 3:2

चेनेयलो मीयू रङ्सेने-त्‍या माया चे, नोर‌्‌जे लोभ चे, केन् त्‍वे, ढीपी चे, मीजे न प्वे, प मजे आज्ञा अम्‍मन्‍दे, बैगुनी मेस्‍ये पवित्र त्‍वब,

तीतस 1:10

चेनेयलो कूम मीयू सूजो मीजे नङ्ने अन्‍टोङ्, सीती-सीतीजे पोयू चे, छल्‍लेबयू ख्यङ्। थेप्‍प्र खतना चेबयू ब येरने क्‍यूक्‍क्‍य।

तीतस 1:16

थमयूदे परमेश्‍वरने स्‍ये ख्यङ् यदेबे स्‍वाङ् त्‍या चीक्‍क्य, तर थमयूजे रङ्से कामदे‍ब परमेश्‍वरने अम्‍मन्देब तङ्क्य। थमयू अन्ज्‍य घिन मेस्ये आज्ञा अम्‍मन्‍दे क्यूक्क्य, मेस्‍ये कम्बनेये ज्‍य काम चेब लायकजे त्वो।

तीतस 1:6

एल्डरयू मदी तीत्‍यात्‍या ङ्येन् चेब मेस्‍ये मीयूदे दोष लैदे अङ्ख्‍वब, ङूजे च-चीमीयू विश्‍वास चेब क्यूस्स्य, मेस्‍ये ज्‍य आनि-बानी मेस्‍ये ज्‍य आज्ञा मन्‍देब क्‍यूस्‍स्‍य।

तीतस 3:3

चेनेयलो त्‍याफे ङीनये मुर्ख, यब अन्-ङ्‍यीन्, सीत्‍तीने ट्वाब, थर्-थर्‌जे अन्ज्‍य वेश्य काम मेस्ये मोज-मजाने फस्तीकब ख्य। नमयू दुष्‍ट मेस्ये ठेनब कामने दिन चब, मीदे घिन चीक्‍कब मेस्ये त्‍यादे त्‍याने घिन चेबयू ख्‍य।

हिब्रू 11:31

विश्‍वास चीत्‍देबे राहाब वेश्यदे च्‍यूव चीट्‍टब मीयूने चेलाबे स्वागत चेब क्यूत्देबे परमेश्‍वरजे आज्ञा अम्‍मन्‍देब मीयू सीइलीने ङू अन्‍सीइ।

हिब्रू 12:16

सूमीये छाडा स्वभावजे अन्क्यूल्‍लाची मेस्ये एसावप्र धर्मी त्वब अन्क्यूल्‍लाची। ङूदे जन्मीदीबने प्रेब जेठ चजे हकने छा-त्‍या चसेजे लागि सोङ्बीदे।

१ पत्रुस 2:7

येरेक्‍यूत्‍देबे नमयू सू-सूदे विश्‍वास चे ख्यङ् हम्‍बयूजे लागि ङू कूम लूजे ख्यङ्, तर ङूने विश्‍वास अन्‍चेयूजे लागि ब, “कीम् थ्‍याब मीयूदे कम्‍ब लूङ्ने छाबीदे, हम्‍ब लूङ् ब जाने प्‍वे सूर्‌ लूङ् क्‍यूत्‍दे।”

१ पत्रुस 3:20

हम्‍ब आत्‍मायूब तोङ्बोजूग्‍ने परमेश्‍वरजे आज्ञा अम्‍मन्‍देबयू ख्य। नोआदे क्‍यू जहाज बन्‍देब बीलने परमेश्‍वर हम्ब आत्मायूप्रे धेरेन् क्‍यूत्‍देबे रेन्‍न ख्‍य। हम्‍ब क्यू जहाजने मी-येत्-त्‍यामे परमेश्‍वरदे क्‍यूदे बच्‍दीमीदे।

१ पत्रुस 4:18

होर्‌दे, “धर्मी मीजे उद्धार क्‍यूरने मूस्यूल् क्‍यूक्‍क्‍य-यलो धर्म त्‍वब, पापी मीजे गतीब झन् करम क्‍यूक्‍क्‍य?”

यहूदा 1:15

ङूदे येरे मीयू क्वानेने न्याय चीक्‍क्‍य, मेस्‍ये थमयूदे चेब अन्‍ज्‍य कामयूजे लागि मेस्‍ये परमेश्‍वरने अम्‍पूस्‍तेब पापी मीयूदे ङूजे विरुद्धने सोरो क्‍वा क्‍यमब पोयूजे लागि दण्ड पीन्क्‍य।”

प्रकाश 21:8

तर फैजङ्यू, विश्‍वास अन्‍चेबयू, ङ्येत्‍या क्‍यूरबयू, मी सेबयू, वेश्य काम चेबयू, ङा-थूक् चेबयू, मूर्ति पूजा चेबयू, मेस्‍ये लूच्‍च क्‍यमबयू क्‍वाने प्ल्याङ्नब मी प्रे गन्‍धकजे भोप्‍प्रोने छाबीय। अम्‍ब दोस्रो मृत्‍यू ख्यङ्।

प्रकाश 22:15

होर्‌दे सहरजे फीनेब क्‍योयू, ङा-थूक् चेयू, वेश्य काम चेयू, मी सेब काम चेयू, मूर्ति पूजा चेयू, मेस्‍ये लूच्‍च चेब सेम् पर्‌तेयू मेस्‍ये हम्‍ब अनुसार‌ काम फरबयू क्‍यूक्‍क्‍य।