१ तिमोथी 1:5 - घले नयाँ करार

⁵ अम्‍ब आज्ञाजे मूल पो प्रेम ख्यङ्, हम्‍ब शुद्ध सेम्, ज्‍य विवेक मेस्ये तम्दम् विश्‍वासदे योङ्‍रीय।

१ तिमोथी 1:5 ပူးပေါင်းရင်းမြစ်များ

मत्ती 12:35

सोरो ज्‍य मीदे रङ्सेजे सेम्नङ्जे सोरो ज्‍य पोयूने योन्क्‍य, तर अन्ज्‍य मीदे रङ्से सेम्-नङ्ने ख्‍यब अन्‍ज्‍य पोयूने योन्क्‍य।

मत्ती 5:8

शुद्ध सेम् ख्‍यब मीयूदे असी प्रेक्‍क्‍य, चेनेयलो थमयूदे परमेश्‍वरने तङ्क्‍य।

मूल स्यूस्स्यायूजे कामजे किताब 15:9

परमेश्वरदे थमयू प्रे ङीनजे अन्‍द्रने क्वानेने सागपूजा अन्‍ची, तर थमयूजे सेम्जे विश्‍वास चेब क्यूत्देबे शुद्ध चीम्मीदे।

मूल स्यूस्स्यायूजे कामजे किताब 23:1

पावलदे पात्‍ता केन् सभातेले ताक-ताक लेजे ले चीत्‍देबे यदे, “च्योन्‌यू, दीनीसेमे परमेश्‍वरजे खूम्ने ङैदे शुद्ध विवेकदे जीया च ख्यङ्।”

मूल स्यूस्स्यायूजे कामजे किताब 24:16

होरेक्‍यूत्‍देबे परमेश्‍वरप्रे मेस्ये मीयूप्रे ङ येतार्‌ने शुद्ध विवेक येने बोङ् चीक्‍क्‍य।

रोमी 10:4

चेनेयलो विश्‍वास चेब मीयू धर्मी ठर्‌दीस्‍य यदेबे ख्रीष्‍टदे मोशाजे नियम जेम्‍पीदे।

रोमी 12:9

नमयूदे ज्‍य सेम्‍दे प्रेम ची। कम्‍ब पो अन्‍ज्‍य ख्यङ्, हम्‍ब पो क्यापी। कम्‍ब पो ज्‍य ख्यङ्, हम्‍बने लादीनू।

रोमी 14:15

कादेये नदे च चीय हम्‍ब चब सेदे नैजे अत-अची- च्‍योनजे सेम् नला चीक्‍क्‍य यलो, नदे ङूने माया चेब अन्‍क्‍यूर। हम्‍ब चसेदे ङूजे नाश अन्क्‍यूर्‌लाचीस्‍स्‍य, चेनेयलो ङूजे लागिये येशू ख्रीष्‍ट सीये ख्यङ्।

रोमी 9:1

ङ ख्रीष्‍टजे क्‍यूत्‍देबे तम्दम् पो क्‍यम्‍न ख्यङ्, ङ लूच्‍च पो अन्‍क्‍यम्। पवित्र आत्‍माजे नङ्ने ख्‍यब ङैजे विवेकदेये ङ लूच्‍च पो अन्‍क्‍यम् यब गवाही पीन्‍क्‍य।

१ कोरिन्थी 13:1

कादेये मीयूदे क्‍यमब मेस्‍ये स्‍वर्गदूतदे क्‍यमब केने ङ क्‍यम्‍लीने, ङैजे सेम्ने प्रेम त्‍वोदे यली, ङैदे क्‍यमब पो सीत्‍तीने तेरब छील्‍लीङ् मेस्‍ये झ्‍याइ झ्‍याइ चेब छ्‌योलोम्प्रत्‍या क्‍यूक्‍क्‍य।

२ कोरिन्थी 1:12

अम्‍ब पोने ङी त्‍वोक्‍क्‍य, होर्‌‍दे ङीजे विवेकदेये हम्‍बजे गवाही पीन्‍क्‍य, चेनेयलो संसारने क्‍यूप्‍प ङीदे थेप्‍प्र नमयूप्रे पवित्र रूप्‍‍दे मेस्‍ये परमेश्‍वरजे सत्य तन्‍देबे प्र-ख्यङ्, अम्‍ब संसारजे बुद्धि अनुसार दी, तर परमेश्‍वरजे अनुग्रह अनुसार चे ख्यङ्।

गलाती 5:22

तर पवित्र आत्मादे पीनब फल अम्‍ब ख्यङ्- प्रेम, आनन्द, शान्‍ति, सैदीदेबे टूनख्‍वब, ङ्येमब सेम्, भलो चेब, भर् पर्‌ते ख्‍वब,

गलाती 5:6

खतना चीक्‍कब मीप्रे अन्चीक्‍कब मीजे ख्रीष्‍ट येशूप्रे चै नताये अन्‍क्‍यूर्। तर पोत्‍याजेत्‍या अर्थ ख्यङ् हम्‍ब च ख्यङ् यलो माया चीत्देबे काम फरब विश्‍वास ख्यङ्।

१ तिमोथी 1:18

च तिमोथी, ङ नने अम्‍ब आज्ञा पीन्‍न ख्यङ्, यी नैजे बारेने खूम् येयेब अगमवाणी अनुसार विश्‍वास प्रे ज्‍य विवेक येत्‍देबे न प्रभुजे लागि चेलाबे जीङ खूला ची।

१ तिमोथी 1:19

विश्‍वास मेस्ये सोरो ज्‍य विवेक येन्‍नेनू। कोइ मीयूदे विवेक अनुसार अन्चील्‍लीदेबे रङ्सेजे विश्‍वासजे जहाज डूब्दीबे ख्यङ्।

१ तिमोथी 3:9

तर थमयू रङ्सेदे प्रेब विश्‍वासजे नङ्जे पो शुद्ध विवेकदे जूक्‍तीदे येनब क्‍यूर पर्‌दीय।

२ तिमोथी 1:3

येतार्‌ने ङैजे प्रार्थनाने नो-मून्‌ नने ह्‍वे चीक्‍क्‍य, ङ परमेश्‍वरने धन्यवाद पीन्क्‍य, ङूजे सेवा ङ ङीनजे मेमेयूदे चेप्र शुद्ध विवेकदे चीक्क्‍य।

२ तिमोथी 1:5

नैजे चै-स्‍वार्थ त्‍वब विश्‍वास ङैदे ह्‍वेर ख्यङ्। हम्‍ब विश्‍वास मीयूङ् नैजे मम् लोइस, मेस्ये नैजे म युनिसप्रे ख्‍य, होरप्रने हम्‍ब विश्‍वास नैप्रेये ख्यङ् यदेबे ङैने पक्‍क ख्यङ्।

२ तिमोथी 2:22

येरेक्‍यूत्‍देबे चम्च-स्योर्‌बने रब अन्ज्य इच्छायू क्यापीदेबे शुद्ध सेम्‍दे प्रभुजे मीन् कीनयू प्रे-प्रे धार्मिकता, विश्‍वास, प्रेम मेस्‍ये शान्ति प्रेब उदेश्य टेल्।

तीतस 1:15

शुद्ध मीजे लागि साप्‍ता थोक‍ने शुद्धने क्यूक्क्य। तर अशुद्ध मेस्ये विश्‍वास अन्‍चेब मीयूजे लागि यलो चैपोये शुद्ध अङ्क्यूर्, थमयूजे सेम् मेस्ये विवेकये च्‍याप्‍पाने नोङ्येब क्यूक्क्य।

हिब्रू 10:22

होरेक्‍यूत्‍देबे क्रूसने सीयेब येशूजे कादे ङीन्‍जे अन्‍ज्‍य विवेकने शुद्ध चीक्‍क्य। शुद्ध क्‍यूदे ङीन्‍जे ङ्व ठूदेबे तम्दम् सेम्दे विश्‍वासजे पुरा भर्‌‍ने ङीन परमेश्‍वरजे खूम्‍ने प्रे।

हिब्रू 13:18

ङीजे लागि प्रार्थना चीन्‍नू। ङीने विश्‍वास ख्यङ्, ङीजे विवेक सफा ख्यङ्, मेस्‍ये येतार्‌ने ज्‍य काम चीन्‍नस्‍ये यब ङी सेम् चीक्‍क्य।

हिब्रू 9:14

ख्रीष्‍टजे कादे नमयूजे चैये काम अन्‍लादेब विवेकने अझ थेप् कूम शुद्ध चीम्‍मीय, मेस्‍ये नमयूदे सोम्‍बो परमेश्‍वरजे सेवा चे खूस्‍य। चेनेयलो येतार्‌ने क्यून्‍नब परमेश्‍वरजे आत्माप्रे क्यूत्देबे ख्रीष्‍टदे रङ्सेने चैये खोट् त्‍वब बलिजे रूप्‍ने परमेश्‍वरने चेर्‌तीपीदे।

याकूब 4:8

नमयू परमेश्‍वरजे ट्‌याने ख, मेस्‍ये परमेश्‍वर नमयूजे ट्‌याने रीय, पापीयू! नमयूजे ला चोखो ची, सेम् ङ्‍ही चेब मीयू! नमयूजे सेम् शुद्ध ची।

१ पत्रुस 1:22

जेम्से नमयूदे परमेश्‍वरजे सत्य पो मन्‍दे ख्यङ् मेस्‍ये रङ्सेने शुद्ध चीत्‍देबे रङ्से अत-अची-च्योन्‌यूने चोखो माया ची, मेस्‍ये सेम्-नङ्देमेस्‍येने त्‍यादे-त्‍याने बेस्‍से कूम माया ची।

१ पत्रुस 3:16

नमयूजे विवेक शुद्ध यी, येरेक्‍यूल्‍लो नमयूने क्‍वा क्‍यमबयू मेस्‍ये ख्रीष्‍टने नमयूजे आनिबानि ज्‍य तङ्देबे न-प्‍वेब मीयू त्‍वा पर्‌तीस्‍य।

१ पत्रुस 3:21

अम्‍ब क्‍यूजे बप्‍तिस्मा कीनब च्यूनूप्रत्‍या ख्यङ्, अम्‍बदे नमयूने बच्‍दीमीय। अम्‍ब ङ्वजे मैल स्‍येल्‍बेप्र दी, तर अम्‍ब शुद्ध विवेक क्‍यूरजे लागि परमेश्‍वरप्रे चेब कबुल ख्यङ्। अम्‍ब बप्‍तिस्मादे सीइदेबे सोम्‍बो क्‍यूरब येशू ख्रीष्‍टजे कारण नमयूने बच्‍दीमीय।

१ पत्रुस 4:8

पात्‍ता नङ्ने केन् पोब त्‍यादे त्‍याने सेम् नङ्देमेस्‍येने प्रेम चीन्‍नू। चेनेयलो प्रेमदेने बेस्‍से कूम पापयूने उप्‍क्‍य।

२ पत्रुस 1:7

परमेश्‍वरजे डर येनब पोने अत-अची च्योन्‌यू अन्द्रजे माया, अत-अची च्‍योन्‍जे अन्द्रजे मायाने प्रेम थप्दी।

१ यूहन्‍ना 3:10

परमेश्‍वरजे छगूम्-पूर‌्‍गूम् सू ख्यङ् मेस्‍ये शैतान छगूम्-पूर्‌गूम् सू ख्यङ्, यदेबे येरे चेलाबे स्‍ये खूइय: ज्‍य काम अम्‍फरब मेस्‍ये रङ्सेजे अत-अची च्‍योन्‍ने माया अन्‍चेब मी परमेश्‍वरजे छगूम्-पूर्‍गूम् दी।

१ यूहन्‍ना 3:23

ङीनदे ङूजे च येशू ख्रीष्‍टजे मीन्‍ने विश्‍वास चे पर्‌तीय, मेस्‍ये ख्रीष्‍टदे ङीनने आज्ञा पीन अनुसार‌ त्‍यादे त्‍याने प्रेम चे पर्‌तीय यब अम्‍ब परमेश्‍वरजे आज्ञा ख्यङ्।

१ यूहन्‍ना 3:3

होर्‌दे ङू पवित्र ख्यङ्, सूदे रङ्सेने ङूप्र पवित्र क्‍यूरने आशा चीक्‍क्‍य हम्‍ब मीयू क्‍वादेने रङ्सेने पवित्र चीक्‍क्‍य।