१ तिमोथी 1:18 - घले नयाँ करार

¹⁸ च तिमोथी, ङ नने अम्‍ब आज्ञा पीन्‍न ख्यङ्, यी नैजे बारेने खूम् येयेब अगमवाणी अनुसार विश्‍वास प्रे ज्‍य विवेक येत्‍देबे न प्रभुजे लागि चेलाबे जीङ खूला ची।

१ तिमोथी 1:18 ပူးပေါင်းရင်းမြစ်များ

मूल स्यूस्स्यायूजे कामजे किताब 16:1

पावल डर्बी मेस्ये लुस्त्रानेये रदे। हैयाने तिमोथी यब स्यूस्स्या त्‍या ख्‍य। ङू विश्‍वासी यहूदी मदी त्‍याजे च ख्‍य, तर ङूजे प ग्रीक ख्‍य।

१ कोरिन्थी 4:17

येरेक्‍यूत्‍देबे नमयू ट्‌याने तिमोथीने कूल्‍बे ख्यङ्। ङू प्रभुने विश्‍वास चेब होर्‌दे ङैजे छ्‍येब मेस्‍ये भर्‌पर्‌देब च ख्यङ्। ङैदे ने-क्‍वानेने मेस्‍ये मण्डलीयू क्‍वानेने लोम-तन चीम्‍मे अनुसार ख्रीष्‍टने विश्‍वास चीत्‍देबे ङैदे प्रेब सर् जीया केर्‌बे जेन ख्यङ् यब पो ङूदे नमयूने स्‍योम्‍मीय।

१ कोरिन्थी 9:7

सूदे रङ्सेजे थान्‍ता चदेबे सिपाईजे काम चीक्क्या स्व? अङ्‍गुरजे बली प्‍वेबदे हम्‍बजे सी अन्‍चया? रोलायू स्वोत्देबे सूदे हम्‍बजे ङ्यलम् अन्थूङ् स्व?

फिलिप्पी 2:22

तिमोथी कर खालजे मी ख्यङ् यदेबे नमयूदे स्‍येने ख्यङ्, केर्‌बे पने रङ्से चदे तोङ्मीय होरप्रने तिमोथी ङैप्रे क्‍यूत्‍देबे सूगब खबर स्‍य्‍वेब कामने तोङ्मे ख्यङ्।

१ तिमोथी 1:2

विश्‍वासने ङैजे तम्दम् च तिमोथीने: प परमेश्‍वर मेस्ये ङीनजे ख्रीष्‍ट येशू प्रभुट्‍यादे अनुग्रह, कृपा मेस्ये शान्ति प्रेस्स्‍य।

१ तिमोथी 1:5

अम्‍ब आज्ञाजे मूल पो प्रेम ख्यङ्, हम्‍ब शुद्ध सेम्, ज्‍य विवेक मेस्ये तम्दम् विश्‍वासदे योङ्‍रीय।

१ तिमोथी 4:14

नैप्रे ख्‍यब बरजे ह्‍यल अन्‍चील्‍लाची। हम्‍ब बर एल्‍डरयूदे नैफ्‍याने ला येप्प अगमवाणी क्यम्देबे नदे प्रे ख्‍य।

१ तिमोथी 4:4

परमेश्‍वरदे बन्‍दीयेब साप्‍ता थोक‍ने ज्‍य ख्यङ्, मेस्ये परमेश्‍वरने धन्‍यवाद पीन्‍देबे साप्‍ता सेने च क्‍यूक्क्‍य, कम्‍ब सेये अन्‍च य अन्क्‍यूर्।

१ तिमोथी 6:20

तिमोथी, नैजे जिम्माने चैसे पीने ख्‍य, हम्‍ब चेलाबे चीम्। परमेश्‍वर अम्मन्देब कन्‍थनयू मेस्ये बिरोध चेब पोयू ब लूच्‍च ज्ञान ख्यङ्। येर पो‍यू क्‍वाने क्‍यापी।

२ तिमोथी 1:2

ङैजे छेब च तिमोथीने: प परमेश्‍वर मेस्ये ङीनजे प्रभु येशू ख्रीष्‍टजे अनुग्रह, कृपा मेस्‍ये शान्‍ति क्‍यूस्स्‍य।

२ तिमोथी 4:7

ङैदे चेलाबे लडाइँ जीङ्‍क ख्यङ्, होर्‌दे ग्‍यब काम पूरा चीक्‍क ख्यङ्। ङैदे ङैजे विश्‍वासने चेलाबे जूक्‍तीदे हीते ख्यङ्।

तीतस 1:4

विश्‍वासने त्‍याप्र ख्‍यब ङैजे तम्दम्‍जे च तीतसने- प परमेश्‍वर मेस्ये ङीनने मुक्ति पीनब येशू ख्रीष्‍टजे अनुग्रह मेस्ये शान्ति।

फिलेमोन 1:10

ङैजे च ओनेसिमसजे लागि नने बिन्ती चीक्‍क्‍य। ङ झ्यालखानने स्‍योप्‍केब बीलनेये ङूजे लागि ङ प क्‍यूर ख्यङ्।