१ तिमोथी 1:17 - घले नयाँ करार

¹⁷ जूग्-जूग्जे मूरुम्, कलङ्बेये अन्‍सीबब मेस्ये तङ अन्‍ख्‍वब तीत्‍या त्‍या परमेश्‍वरने येतार्‌ने गेसेन् मेस्ये महिमा क्‍यून्‍नूस्‍य। आमेन।

१ तिमोथी 1:17 ပူးပေါင်းရင်းမြစ်များ

मत्ती 25:34

“होर्‌दे मूरुम्दे रङ्सेजे स्येत्‍तेयोर् टूङब मीयूने यीय, ‘ख, ङैजे पजे असी प्रेब मीयू! संसारजे सुरुमेस्‍येने नमयूजे लागि तयार चीत्‍दे हीतेब राज्‍यने रदेबे टूङ्‍ख,

मत्ती 28:20

ङैदे नमयूने आज्ञा चीतेब पोयू टक्कने थमयूने मन्‍देने लोम्मी। होर्‌दे ले, ङ येतार्‌ने, संसारजे आखिरीसेमेने नमयूप्रे क्यूक्‍क्य।”

मत्ती 6:13

ङीने अन्ज्य जाँचने पर्‌तीप्रसे अम्‍पीन्‍लाची, तर दुष्‍टजे लादे चूक्‍दीमी। [चेनेयलो राज्‍य, शक्ति मेस्‍ये महिमा येतार्‌ने नैजेने ख्‍यङ्। आमेन।’]

यूहन्‍ना 1:18

परमेश्‍वरने कलङ्बे सूदेये अन्‍तङ्। पप्रे ख्‍यब तीत्‍यात्‍या चदे पने तम्‍मे ख्यङ्।

यूहन्‍ना 5:44

नमयू केरे विश्‍वास चे खूइय, नमयू त्‍यादे त्‍याप्रे गेसेन् मे ख्यङ्, होर्‌दे हम्‍ब गेसेन् प्रेब अम्मेल, हम्‍ब गेसेन् तीत्‍यात्‍या परमेश्‍वर ट्‌यादे रीय?

रोमी 1:20

संसारजे सृष्‍टि क्‍यूरमेस्‍येने चीतेब सेयूने परमेश्‍वरजे तङ अन्‍ख्‍वब गुण, या कलङ्बेये अन्‍जेनब परमेश्‍वरजे शक्ति मेस्‍ये परमेश्‍वरजे स्वभाव सोरो ज्‍य तङ ख्‍व ख्यङ्। येरेक्‍यूत्‍देबे थमयूदे बहाना चेब ने चैत्‍याये त्‍वो।

रोमी 1:23

मेस्‍ये थमयूदे कलङ्बेये अन्सीबब परमेश्‍वरने अम्‍पूस्‍तीलाबे सीबब मी, तोप् स्यी ख्‍यब रोला, ययू, गूदे स्‍यूनब जन्‍तूयूजेप्र मूर्तियू बन्‍तीदेबे हम्‍बने पूस्‍तीदे।

रोमी 11:36

चेनेयलो टक्कने परमेश्‍वरदे बन्‍देब ख्यङ्। हम्‍ब साप्‍ता थोक‍ने ङूजे बोङ्दे, मेस्‍ये ङूजे महिमाजे लागि ख्यङ्। ङूनेने येतार्‌ने महिमा क्‍यूस्स्‍य। आमेन।

रोमी 16:27

साप्‍ता पोने क्वब तीत्‍यात्‍या परमेश्‍वरने येशू ख्रीष्‍टने क्यूत्देबे येतार्‌ने महिमा क्‍यूस्‍स्य। आमेन।

रोमी 2:10

तर पात्‍ता खूम्‍ब सोरो ज्‍य काम चेब यहूदीयूने होर्‌देमेस्‍येम यहूदी तेब मीयूनेये महिमा इज्जत मेस्‍ये शान्‍ति पीन्‍क्‍य

रोमी 2:7

धेरेन् क्यूत्देबे मीने ज्‍य चीम्मेब कामने ला-दीनूदेबे सूदे महिमा, इज्जत मेस्‍ये कलङ्बेये अन्सीबब जीया मल्‍क्‍य, परमेश्‍वरदे हम्‍बने कलङ्बेये अन्जेनब जीया पीन्‍क्‍य।

कलस्सी 1:15

अन्‍तङब परमेश्‍वरजे तङब रूप् येशू ख्रीष्‍ट ख्यङ्। परमेश्‍वरदे सृष्‍टि चेब साप्‍ता थोक फ्‍याने येशू ख्रीष्‍ट पात्‍ता केन् ख्यङ्।

हिब्रू 11:27

मूरुम्जे छीप्रे अम्‍फलाबेने ङूदे विश्‍वास चीत्‍देबे मिश्रदेश पङ्‍गीदे। चेनेयलो म्‍यादे तङ अङ्-ख्‍वब परमेश्‍वरने तङप्रने ङूदे सेम् बोल्यो चीत्‍देबे टूनूदे।

हिब्रू 2:7

खात्‍यात्‍या नदे ङूने स्‍वर्गदूतयू यली छीत्‍यात्‍या चीद चीम्‍मीदे। नदे ङूने महिमा मेस्‍ये गेसेन् प्रेब मुकुट कूमीक ख्यङ्।

१ पत्रुस 5:11

परमेश्‍वरने शक्ति येतार्‌ने क्‍यून्‍नूस्‍य! आमेन।

२ पत्रुस 3:18

तर ङीन्‍जे प्रभु मेस्‍ये मुक्ति पीनब येशू ख्रीष्‍टजे अनुग्रह मेस्‍ये ज्ञानने नमयू थेप् बोल्यो क्‍यूप्‍पीनू। चूजो मेस्‍ये येतार्‌ने प्रभुजे महिमा क्‍यूस्‍स्‍य। आमेन।

१ यूहन्‍ना 4:12

परमेश्‍वरने सूदेये कलङ्बेये अन्‍तङ्। कादेये ङीनदे त्‍यादे त्‍याने प्रेम चीत्‍दे यलो परमेश्‍वर ङीनप्रे क्‍यूक्‍क्‍य, मेस्‍ये ङूजे प्रेम ङीन फ्‍याने पूरा क्‍यूक्‍क्‍य।

यहूदा 1:25

येशू ख्रीष्‍टने क्‍यूत्‍देबे ङीनने मूक्ति पीन ख्वब तीत्‍यात्‍या परमेश्‍वरने महिमा, मान्, शक्ति, हक जूग्-जूग्जे सुरुदेमेस्‍ये दीनी होर्‌‍दे नङ्‍गसेमे येतार्‌ने ङूनेने क्‍यून्‍नूस्‍य। आमेन।

प्रकाश 15:3

थमयूदे परमेश्‍वरजे त्वो मोशाजे मेस्‍ये थुमाजे प्रू येरे यदेबे पून्‍न ख्‍य, “पात्‍ता केन् शक्ति ख्यब परमप्रभु परमेश्‍वर, नैजे काम सोरो केन् मेस्‍ये हार्‌मन्‍देत्‍या ख्यङ्। न जात जातजे पात्‍ता केन् मूरूम्, नैजे योजनायू ठीक मेस्‍ये तम्दम् ख्यङ्।

प्रकाश 17:14

थमयूदे थुमाजे विरुद्धने जीङ्क्‍य, मेस्‍ये थुमादे थमयू फ्‍याने ट्‌याय, चेनेयलो ङू प्रभुयूजे प्रभु मेस्‍ये मूरुम्यूजे मूरुम् ख्यङ्। ङूप्रे ख्‍यबयू प्रभुदे क्‍वब, सेलब मेस्‍ये भर्‌पर्‌ते ख्‍वबयू ख्यङ्।”

प्रकाश 19:1

होर्‌देङ्येदे स्वर्गने मी हुल केन् त्‍यादे बोङ्बे पारा प्‍वेब केदे येरे येनब ङैदे तदे, “हल्‍लेलूयाह! मुक्ति, महिमा मेस्‍ये शक्ति ङीन्‍जे परमेश्‍वरजेने ख्यङ्,

प्रकाश 19:16

ङूजे कोला मेस्‍ये सूग्‍ने “मूरुम्यूजे मूरुम् मेस्‍ये प्रभुयूजे प्रभु” यदेबे लिख्दीये ख्यङ्।

प्रकाश 19:6

होर्‌देङ्येदे मी हुल केन् त्‍याजे के ङैदे तदे, होङ् बोङ्ब योङ्‍र आवाज मेस्‍ये सोरो बोङ्बे मू प्र्याङब आवाज ङैदे तदे, हम्‍ब आवाजदे येरे येन ख्‍य: “हल्‍लेलूयाह! चेनेयलो परमप्रभु ङीनजे पात्‍ता केन् शक्ति ख्यब परमेश्‍वरदे येतार्‌ने राज्‍य चीक्‍क्‍य।

प्रकाश 7:12

“आमेन! ङीन्जे परमेश्‍वरजे सार्‌या, महिमा, बुद्धि, धन्‍यवाद, गेसेन्, शक्ति मेस्‍ये बोङ् येतार्‌ने क्‍यून्‍नूस्‍य। आमेन!”