१ तिमोथी 1:15 - घले नयाँ करार

¹⁵ अम्‍ब वचन केर्‌बेनेयली मन्‍देब खल्‍जे ख्यङ्, यी येशू ख्रीष्‍ट पापीयूने उद्धार चेजे लागि संसारने रदे, मेस्‍ये पापीयू नङ्ने ङ मूख्‍य पापी ख्यङ्।

१ तिमोथी 1:15 ပူးပေါင်းရင်းမြစ်များ

मत्ती 1:21

मरियमदे च त्‍या प्रेक्क्य, मेस्‍ये नदे ङूजे मीन् येशू येक्क्‍य, चेनेयलो येशूदे रङ्से मीयूने थमयूदे चीक्‍कब पापदे जूक्‍तीमीय।”

मत्ती 18:10

“होस्स्यार क्‍यूर्, नदे अम्‍ब पीच चीदयूनङ्जे कम्बत्यानेये ह्‍यल अन्‍चील्‍लाची। चेनेयलो ङ नमयूने यीय, स्वर्गने थमयूजे दूतयू, स्वर्गने ख्‍यब ङैजे पजे खूम्‍ने येतार्‌ने ख्यङ्।

मत्ती 18:11

[चेनेयलो मीजे च मलेब मीयूने बच्‍देमेने र ख्यङ्।]

मत्ती 20:28

केर्‌बे मीजे चये सेवा प्रेस्‍ये यदेबे रदी, तर सेवा चीत्‍देबे कूम पापीयूजे पाप छूर्‌देमेजे लागि रङ्सेजे प्राण पीनने रदे।”

मत्ती 9:13

तर प्र, नमयूदे अम्‍बजे अर्थ च टोङ् यदेबे लोम्: ‘बलि पीनब दी, दया चेब सेम् ङैने चैतीय।’ चेनेयलो ङ धर्मी मीयूजे लागि दी, तर पापीयूने क्वने र-ख्‍यङ्।”

मर्कूस 2:17

अम्‍ब पो तदेबे येशूदे थमयूने यदे, “बीद त्‍वब मीने डाक्टर अन्‍चैदी, तर नव मीने त्‍या कर्‌पर्‌दीय। ङ धर्मी मीयूजे लागि रदी, तर पापीयूने क्‍वने र ख्यङ्।”

लूका 15:2

“अम्‍ब मीदे पापीयूने ग्रहण चे टोङ् मेस्‍ये थमयूप्रे च थूङ चेटोङ्” यदेबे फरिसीयू मेस्‍ये पन्‍डेयू गन्‍गन् चे मैदे।

लूका 19:10

चेनेयलो मीजे च मलेबयूने मलने मेस्‍ये बच्‍दीमेने र ख्यङ्।”

लूका 5:32

ङ धर्मीयूजे लागि दी, तर पापीयूने पश्‍चात्ताप चेबजे लागि क्वने र ख्यङ्।”

यूहन्‍ना 1:12

तर सू-सूदे ङूने ग्रहण चीत्दे मेस्ये ङूजे मीन्‍ने विश्‍वास चीत्‍दे, थमयूने ङूदे परमेश्‍वरजे छगूम्-पूर्‌गूम् क्‍यूरब हक पीन्‍दे।

यूहन्‍ना 1:29

नैदेरेदे यूहन्‍नादे रङ्सेतेले येशू रेनब तङ्देबे यदे, ‘ले, संसारजे पाप लङ्‍केब परमेश्‍वरजे थुमा!

यूहन्‍ना 12:47

“कोइदे ङैजे पो ङ्‍यीन्‍देबेये हम्‍ब पो अन्‍चलो, ङ हम्‍बजे न्याय अन्‍ची। चेनेयलो ङ संसारजे न्याय चेने र दी, तर संसारजे मीयूने जूक्‍तेमेने र ख्यङ्।

यूहन्‍ना 3:36

परमेश्‍वरजे च फ्‍याने विश्‍वास चेब मीप्रे कलङ्बेये अन्‍सीबब जीया ख्यङ्, तर चजे आज्ञा अम्मन्देब मीदे कलङ्बेये अन्सीबब जीया प्रेस्‍स्‍ये त्‍वो। तर परमेश्‍वरजे छी ङूफ्‍याने पर्‌दीनीय।

मूल स्यूस्स्यायूजे कामजे किताब 11:1

यहूदियाने ख्यब मूल स्यूस्स्यायू मेस्‍ये अत-च्योन्‌यूदे यहूदी तेब मीयूदेये परमेश्‍वरजे वचन मन्‍दे ख्यङ् यब पो तदे।

मूल स्यूस्स्यायूजे कामजे किताब 11:18

अम्‍ब पो तमेस्‍ये थमयू पारा अम्‍पूल्‍लाबे टूङ्दे मेस्‍ये येरे यदेबे थमयूदे परमेश्‍वरजे सार्‌या चीत्‍दे, “जेम्से परमेश्‍वरदे सूजो मीयूनेये जीया प्रेजे लागि पश्चाताप चेब मौका पीन टूङ्।”

मूल स्यूस्स्यायूजे कामजे किताब 3:26

नमयू त्‍या त्‍याने रङ्सेजे अन्ज्‍य पाप क्यापीस्ये पीन्‍देबे नमयूने असी पीनस्ये यदेबे परमेश्‍वरदे रङ्सेजे सेवा चेबने तयार चीत्‍दे मेस्‍ये पात्‍ता खूम् नमयू ट्‌याने कूल्‍बीदे।”

रोमी 11:14

येर आशा चीक्‍क्‍य अम्‍ब कामदे ङैजे रङ्से जात‍जे मीयूदेये ठेन्स्य, मेस्‍ये थमयू नङ्ने कोइ कोइदेब उद्धार प्रेखूस्‍य।

रोमी 5:6

चेनेयलो ङीन चेये बोङ् त्‍व क्यूप्प ख्रीष्‍ट ङीन्‍जे पापजे लागि ठीक बीलने सीइदे।

१ कोरिन्थी 15:9

चेनेयलो मूल स्यूस्स्यायू नङ्ने पात्‍ता चीद ङने ख्यङ्। ङ मूल स्यूस्स्या य खल्‍जे त्‍वो। चेनेयलो ङैदे परमेश्‍वरजे मण्डलीने सोरो सतनम् चीत्‍दे।

एफिसी 3:8

परमेश्‍वरजे पवित्र मीयूनङ्जे ङ सोरो चीद ख्यङ्लीने ख्रीष्‍टजे बे‍स्‍से कूम सम्पत्तिजे सूगब खबर यहूदी तेब मीयूने स्‍य्‍वेब बर परमेश्‍वरदे ङैनेने पीन्‍दे।

१ तिमोथी 1:13

खूम् ङैदे न-पूत्दे, छरङ् पीन्‍दे मेस्‍ये लेत्‍तीङ् अन्‍डदेबे ङूजे बेइजत चीत्‍दे, तर ङैदे अम्‍ब कामयू क्वाने अन्‍स्येदेबे मेस्‍ये प्रभुने अम्‍मन्देब बीलने चेब कारण ङैदे कृपा प्रेत्‍दे।

१ तिमोथी 1:19

विश्‍वास मेस्ये सोरो ज्‍य विवेक येन्‍नेनू। कोइ मीयूदे विवेक अनुसार अन्चील्‍लीदेबे रङ्सेजे विश्‍वासजे जहाज डूब्दीबे ख्यङ्।

१ तिमोथी 3:1

अम्‍ब यब पो विश्‍वास चे लायकजे ख्यङ्, कोइ मीदे बिशपजे काम चेब सेम् चीक्‍क्‍य यलो, ङूदे ज्‍य काम चेब सेम् चीक्‍क्‍य।

१ तिमोथी 4:9

अम्‍ब येकब पो पक्‍क पूरा रूप्देने मन्‍दे पर्‌देब खालजे तम्दम् पो ख्यङ्।

१ तिमोथी 6:13

साप्‍ता थोक‍ने जीया पीनब परमेश्‍वर मेस्ये पन्तियस पिलातसजे खूम्‍ने तम्दम्‍जे ज्‍य गवाही पीनब ख्रीष्‍ट येशूजे खूम्‍ने,

२ तिमोथी 2:11

अम्‍ब पो पक्‍क ख्यङ्, कादेये ङीन ङूप्रे सीये ख्यङ् यलो, ङूप्रेने ङीनये सोम्‍बो क्‍यूक्क्‍य,

तीतस 3:8

अम्‍ब तम्दम् पो ख्यङ्। नदे अम्‍ब पोयूने बोङ् ची, थमयू सुदे परमेश्‍वरने विश्‍वास चे ख्यङ्, रङ्सेदे ज्‍य काम चेने येतार्‌ने चङ्‍ख क्‍यून्‍नू, चेनेयलो अम्‍ब पो मीयूजे लागि सोरो ज्‍य मेस्‍ये फाइदाजे ख्यङ्।

हिब्रू 7:25

होरेक्‍यूत्‍देबे येशूने विश्‍वास चीत्‍देबे परमेश्‍वर ट्‌याने रबयू क्‍वानेने येतार्‌जे लागि ङूदे उद्धार चीम्मे खूइय। चेनेयलो थमयूजे लागि परमेश्‍वरप्रे प्रार्थना चीम्मेने ङू येतार्‌ने सोम्बो क्यून्‍नीय।

१ यूहन्‍ना 3:5

मीयूजे पाप लङ्‍केने ङू र-ख्यङ् यब पो नमयूदे स्‍ये ख्यङ्। मेस्‍ये ङूने चै पापये त्‍वो।

१ यूहन्‍ना 3:8

सूदे पाप चीक्‍क्‍य हम्‍ब शैतानजे मी क्‍यूक्‍क्‍य। चेनेयलो शैतानदेब अम्ब सं‍सार सुरुक्‍यूरमेस्‍येने पाप चीन्‍नने ख्यङ्। शैतानजे कामयू नाश चेने परमेश्‍वरजे च रदे।

१ यूहन्‍ना 5:11

परमेश्‍वरदे ङीनने कलङ्बेये अन्सीबब जीया पीन्‍दे, मेस्‍ये अम्‍ब जीयाजे मूल ङूजे चने ख्यङ् यब पोजे प्रमाण अम्बने ख्यङ्।

प्रकाश 21:5

होर्‌दे सिंहासनने देन् छ्‌यानबदे ङैने यदे, “ले, ङैदे साप्‍ताकूरूने सर् चीक्‍क्‍य।” ङूदे येरेये यदे, “अम्‍ब पोयू लिख्दी, चेनेयलो अम्‍ब पोयू भर्‌पर्‌तेब मेस्‍ये सत्य ख्यङ्।”

प्रकाश 22:6

होर्‌दे स्वर्गदूतदे ङैने यदे, “अम्‍ब वचन भर्‌पर्‌तेब मेस्‍ये सत्‍य ख्यङ्। जेम्से अगमवक्तायूने रङ्से आत्‍मा पीनब परम्प्रभु परमेश्‍वरदे छ्‍योट्‍टोने क्यूट्‍टब पोयू रङ्से त्वो-त्वोमयूने तनजे लागि रङ्से स्वर्गदूत कूल्‍बीदे।”

प्रकाश 5:9

थमयूदे येरे यदेबे प्रू सर् त्‍या पूत्‍दे: “अम्‍ब खूस्‍यजे मूठ लाने टेल्देबे लगजे छाप‌यू पूक ख्‍वब लायक‍जे न ख्यङ्, चेनेयलो न सेक्‍क ख्‍य, मेस्‍ये खलकयू, क्यमब केयू, देशयू मेस्‍ये जात-जातयूजे अन्द्रदे मीयूने परमेश्‍वरजे लागि नैजे रङ्से कादे छुटकारा चीम्‍मीदे,