१ तिमोथी 1:11 - घले नयाँ करार

¹¹ अम्ब तम्दम्जे शिक्षाब स्वर्गजे परमेश्‍वरदे ङैने सूम्‍दीयेब महिमा पीनब सूगब खबर अनुसार ख्यङ्।

१ तिमोथी 1:11 ပူးပေါင်းရင်းမြစ်များ

लूका 2:14

“पात्‍ताफ्‍याजे स्‍वर्गजे परमेश्‍वरने महिमा, मेस्‍ये पृथ्वीने कम्‍ब मीयूप्रे ङू बेस्‍से सूग ख्यङ्, हम्‍ब मीयूने शान्‍ति!”

रोमी 2:16

येर हम्‍ब दिनने क्‍यूक्‍क्‍य कन्‍छ्वाब ङैदे स्य्वे सूगब खबर अनुसार येशू ख्रीष्‍टप्रे क्‍यूत्‍देबे परमेश्‍वरदे मीयूजे नङ्सू पोजे न्याय चीक्‍क्‍य।

१ कोरिन्थी 9:17

ङैजे रङ्से इच्छादे ङ अम्‍ब काम चीक्क्‍य यलो ङैजे लागि इनाम ख्यङ्, तर कादेये ङैदे रङ्सेजे इच्छादे अन्‍चील्‍लीने परमेश्‍वरदेने अम्ब कामजे जीम्मा ङैने पीने ख्यङ्।

२ कोरिन्थी 4:4

अम्ब संसारजे देऊता, शैतानदे विश्‍वास अन्चेबयूजे सेम्ने म्या अन्तङब मीप्र बन्द चीप्पे ख्यङ्। थमयूदे सूगब खबरजे महिमाजे ओथ्याङ् तङ अङ्‍खू। थमयूदे परमेश्‍वरजे खास रुप् ख्यब ख्रीष्‍टजे महिमाजे बारेने ख्यब अम्ब खबर क्व अङ्‍खू।

२ कोरिन्थी 4:6

“मून्‍दूङ् नङ्दे ओथ्याङ् क्‍यूस्‍स्‍य” यदेबे परमेश्‍वरदे य ख्यङ्। हम्ब परमेश्‍वरदे येशू ख्रीष्‍टजे त्‍वाने तङब परमेश्‍वरजे महिमा ङीनदे स्ये खूस्य यदेबे ङीनजे सेम्ने अम्ब ओथ्याङ् चेम्कीतीमे ख्यङ्।

गलाती 2:7

हम्बजे सट्‍टने परमेश्‍वरदे खतना चेबयूने सूगब खबर प्रचार चेब जिम्मा पत्रुसने पीनप्रने खतना अन्चेबयूने सूगब खबर प्रचार चेब जिम्मा ङैने पीन टूङ् यदेबे थमयूदे था प्रेत्‍दे।

एफिसी 1:12

ङीन जतीदे ख्रीष्‍ट फ्‍याने मीयूङ्ने भर् ये ख्यङ्, परमेश्‍वरदे रङ्से महिमाजे लागि जै-जै चेने सेल्‍दे।

एफिसी 1:6

येर्‌बी केन् अनुग्रहजे लागि परमेश्‍वरने ङीन धन्यवाद पीने। रङ्सेजे छेब चप्रे क्यूत्देबे ङूदे ङीनने अम्ब दान होरेने पीन्दे।

एफिसी 2:7

अम्‍बब नङ्‍गजे जूग्‍यूने ङूजे अनुग्रह मेस्ये दयाजे बेस्‍से कूम सम्पत्ति ख्रीष्‍ट येशूने क्यूत्देबे ङीनने तम्‍मेने ख्यङ्।

एफिसी 3:10

येर्‌बे मण्डलीदे परमेश्‍वरजे पीरी-पीरीजे ज्ञान स्‍वर्गजे नेयूने हुकुम चील्‍लेबयू मेस्‍ये अधिकार ख्‍यबयूजे अन्‍द्रने तम्‍मीस्‍य।

कलस्सी 1:25

नमयूने भलो चेने परमेश्‍वरदे ङैने पीनब काम अनुसार‌, परमेश्‍वरजे वचन त्‍याये अम्‍पोङ्लाबे स्‍य्‍वेने ङ मण्डलीजे त्वो क्‍यूत्‍दे

१ थेसलोनिकी 2:4

तर सूगब खबर स्‍य्‍वेब जिम्मा सूम्‍तेजे लागि परमेश्‍वरदे ङीने केरे लायकजे थेदे, होरप्रने मीयूने सूग्‍लाबे चेने दी, तर ङीनजे सेम् जाँचतेब परमेश्‍वरने सूग्‍लाबे चेने ङी क्‍यम्क्‍य।

१ तिमोथी 2:7

अम्‍बजे लागि ङ प्रचार चेब मी मेस्ये मूल स्यूस्स्याजे रूप्‍ने चून्‍दीदे, विश्‍वास मेस्‍ये तम्दम्‍जे पोने यहूदी तेब मीयूजे लागि लोम्‍मेब मी क्‍यूत्‍दे। ङ तम्दम्‍ने यीय, लूच्‍च अन्क्यम्।

१ तिमोथी 6:15

असी पीनब पात्‍ता केन् परमेश्‍वर, मूरूम्‌यूजे पात्‍ता केन् मूरूम्, प्रभुयूजे पात्‍ता केन् प्रभुदे फेरि ठीकबील रमेस्ये येशू ख्रीष्‍टने कूल्‍बीय।

१ तिमोथी 6:20

तिमोथी, नैजे जिम्माने चैसे पीने ख्‍य, हम्‍ब चेलाबे चीम्। परमेश्‍वर अम्मन्देब कन्‍थनयू मेस्ये बिरोध चेब पोयू ब लूच्‍च ज्ञान ख्यङ्। येर पो‍यू क्‍वाने क्‍यापी।

२ तिमोथी 1:11

अम्‍ब सूगब खबर स्‍य्‍वेजे लागि ङ प्रचार चेब मी, मूल स्यूस्स्या, लोम्मेब मी क्‍यूरने चून्‍तीदे।

२ तिमोथी 1:14

नने जिम्मा लैदीयेब तम्दम् पोने ङीन नङ्ने बास चेब पवित्र आत्माजे शक्तिदे चीम्‍देबे यीन्।

२ तिमोथी 2:2

नदे कूम साक्षीयूजे खूम्‍ने ङैदे यब चे पो तख्यङ्, हम्‍ब तब पोयू नदे सूजो मीयूनेये लोम्‍मे ख्‍वब भर्‌चे ख्वब मीयूने सूम्‍दीपी।

तीतस 1:3

ठीक बीलने ङूदे रङ्सेजे वचन स्‍य्‍वेस्ये पीन्‍दे। ङीनने मुक्ति पीनब परमेश्‍वरजे आज्ञा अनुसार ङूदे ङैने अम्‍ब वचन पीन्‍दे।