१ तिमोथी 1:10 - घले नयाँ करार

¹⁰ वेश्य काम चेयू, छाडा काम चेबयूजे लागि, मीदे मीने सोङबयूजे लागि, लूच्‍च क्‍यमप्रे लूच्‍च गवाही पीनब तम्दम् शिक्षाजे विरोधने काम चेयूजे लागि ख्यङ्।

१ तिमोथी 1:10 ပူးပေါင်းရင်းမြစ်များ

यूहन्‍ना 8:44

नमयूजे रङ्से प शैतान ख्यङ्, मेस्‍ये नमयूजे रङ्सेजे पजे इच्छा पूरा चेब सेम् चे ख्यङ्। हम्‍ब सुरुमेस्‍येने मी सेब ख्‍य, मेस्‍ये तम्दम् पो ङ्‍यीन्तीङ् अन्‍र, चेनेयलो ङूने चैत्याये सत्य त्‍वो। ङू ङूजे बनी अनुसारजे लूच्‍च पो क्‍यम ख्यङ्, चेनेयलो ङू लूच्‍च ख्यङ्, मेस्‍ये लूच्‍च चेबजे प ख्यङ्।

रोमी 1:26

येरेक्‍यूत्‍देबे परमेश्‍वरदे थमयूने थमयूजे अन्‍ज्‍य भस्त्व काम चीन्‍नूस्‍य यदेबे क्‍यापीदे। थमयूजे मदीयूदे सृष्‍टिजे नियमने क्यादेबे मदी मदीयूने मेस्ये ङ्यूम्‍देबे अन्‍ज्‍य भस्‍त्व काम फर्‌दे।

१ तिमोथी 4:6

कादेये नदे अत-अची च्योन्‌यूजे खूम्‍ने येर पो लोम्‍मीदे यलो नदे मन्‍दीनब ज्‍य शिक्षा मेस्ये विश्‍वासजे वचनने बोल्यो क्‍यूत्‍देबे न ख्रीष्‍ट येशूजे लागि ज्‍य सेवा चेब क्‍यूक्‍क्‍य।

१ तिमोथी 6:3

कादेये सूजो मीदे सूजो शिक्षा लोम्‍मीदे यलो ङीनजे प्रभु येशू ख्रीष्‍टजे तम्दम्‍जे वचन मेस्ये ङीनदे चेपर्‌देब परमेश्‍वरने मन्देब खाल्जे शिक्षाप्रे अम्‍मील्‍लीदे यलो,

२ तिमोथी 1:13

ख्रीष्‍ट येशूने ख्‍यब विश्‍वास मेस्ये प्रेमने ङैदे यदेबे नदे तब तम्दम् पोयूजे नमूना अनुसार हम्‍ब चीन्‍नू।

२ तिमोथी 4:3

मीयूदे जेम्से तम्दम् शिक्षा सैदे अन्‍ख्‍वब बीलये रीय। थमयू रङ्सेने सेम् पर्‌देब पोयूत्‍या ङ्‍यीन्तीङ्‍रीय मेस्ये थमयू रङ्सेदे सेम् पर्‌देब पो लोम्‍मेबयू कूम फूङ् पूक्‍क्‍य।

तीतस 1:13

अम्‍ब गवाही तम्दम् ख्यङ्। होरेक्यूत्देबे थमयूने बोङ्बे ङर्‌मी, मेस्ये थमयू विश्‍वासने बूल्ल्यो क्‍यूक्‍क्य।

तीतस 1:9

रङ्सेदे प्रेब तम्दम् शिक्षाने लादीनब मेस्‍ये सूजोनेये अम्‍ब शिक्षा पीन्‍देबे बोङ् पीन ख्‍वब क्यूस्य। अम्‍ब शिक्षा ङीदे लोम्‍मेप्र क्यूरपर्‌तीस्य। होर्‌दे अम्‍बजे बिरोध चेबयूजे गल्‍तीनेये तम्‍मेब क्यूर पर्‌तीस्य।

हिब्रू 13:4

मी क्‍वादेने ङ्येन्जे पोने गेसेन् चेब क्‍यूर्‌ पर्‌दीय, प्‍लङ्-मजदे त्‍याने त्‍यादे विश्‍वास चेख्‍वब क्‍यूस्‍स्‍य, चेनेयलो छाडा क्‍यूत्‍देबे प्रब मेस्‍ये वेश्य काम चेयूजे न्याय परमेश्‍वरदे चीक्‍क्‍य।

यहूदा 1:7

होर्‌प्रने सदोम मेस्ये गमोरा सहरयू मेस्‍ये हम्‍बजे ती-छो ख्‍यब सहरयूजे मीयू वेश्य काम चीत्‍देबे नोङ्बीन ख्यङ्, थमयू कलङ्बेये अन्‍सीबलाबे प्‍ल्‍याङ्नब मीजे दण्ड भोक्‍तीदेबे नमूना क्यूर ख्यङ्।

प्रकाश 18:13

मेस्ये लेपेछ, मसला, स्‍यूक्‍प, बस् रब मूर्‌गू, धूप कर्‌, ची, मूर्‌गू, ता-यूङ्, ह्‍व, कीत-म्हीयू, स्वान्‌यू, मी-टब तयू, रथयू, त्वो-त्वोमयू मेस्ये मीयूये कीन्‍स्ये त्वो।

प्रकाश 21:27

तर थुमाजे जीयाजे किताबने मीन् लिख्दीयेबयू त्‍यामे होने क्‍योब प्रेक्‍क्‍य, सूजो अशुद्ध सेयू, ङ्येत्‍या काम फरबयू, लूच्‍च क्‍यमबयू कम्‍ब तर्‌तीप्‍देये हम्‍ब सहर नङ्ने क्‍योब प्रेस्‍स्‍ये त्‍वो।

प्रकाश 21:8

तर फैजङ्यू, विश्‍वास अन्‍चेबयू, ङ्येत्‍या क्‍यूरबयू, मी सेबयू, वेश्य काम चेबयू, ङा-थूक् चेबयू, मूर्ति पूजा चेबयू, मेस्‍ये लूच्‍च क्‍यमबयू क्‍वाने प्ल्याङ्नब मी प्रे गन्‍धकजे भोप्‍प्रोने छाबीय। अम्‍ब दोस्रो मृत्‍यू ख्यङ्।

प्रकाश 22:15

होर्‌दे सहरजे फीनेब क्‍योयू, ङा-थूक् चेयू, वेश्य काम चेयू, मी सेब काम चेयू, मूर्ति पूजा चेयू, मेस्‍ये लूच्‍च चेब सेम् पर्‌तेयू मेस्‍ये हम्‍ब अनुसार‌ काम फरबयू क्‍यूक्‍क्‍य।