१ थेसलोनिकी 5:6 - घले नयाँ करार

⁶ अम्‍ब कारणदे सूजोयूप्र ङीन अन्‍ङ्यूम्‍लाचीदे, तर चङ्‍ख टूङ्देबे होस्स्यार क्‍यूरे।

१ थेसलोनिकी 5:6 ပူးပေါင်းရင်းမြစ်များ

मत्ती 13:25

तर मीयू ङ्यूम्नब बीलने मून्‍दे ङूजे शत्रु रदेबे हम्‍ब ह्‍वजे अन्‍द्र-अन्‍द्रने सामा स्‍यूजे लू थर्‌देबे गीली।

मत्ती 24:42

“येरेक्यूत्देबे नमयूये चङ्‍ख क्‍यूर्, चेनेयलो नमयूजे प्रभु कम्‍ब दिनने रीय यदेबे नमयूदे अन्‍स्‍ये।

मत्ती 25:13

“येरेक्‍यूत्‍देबे नमयू चङ्‍ख क्‍यूर्, चेनेयलो हम्‍ब दिन मेस्ये बील नमयूने था त्‍वो।

मत्ती 25:5

दूल रने गदेबे थमयू क्वाने ङ्यूम्-म्‍यादे स्‍योदेबे ङ्यूम्-म्‍याप्राता गीली।

मत्ती 26:38

होर्‌दे येशूदे थमयूने यदे, “ङैजे प्राण सोरो पीर्‌पर्‌दीदेबे सीयेप्र क्‍यून्‍न ख्यङ्। नमयू अन्-यानेने टूङ्, मेस्‍ये ङैप्रे मून् जाग्‍ती।”

मर्कूस 13:37

नमयूने यब पोप्र ङैदे क्‍वानेने य ख्यङ्, ‘चनाखो क्‍यूत्‍देबे टूङ्’।”

लूका 12:37

कीम्नोबो रब त्वोयू चङ्‍ख क्‍यूत्‍देबे टूनब तूरलो, थमयूदे असी प्रेक्‍क्‍य। तम्दम्‍ने ङ नमयूने यीय, ङूदे रङ्से कूच्‍यू बोल्‍यो ख्‍यादेबे थमयूने चसे चने टूङ्से पीन्‍क्‍य, मेस्‍ये रदेबे थमयूजे सेवा चीक्‍क्‍य।

लूका 12:39

तर अम्‍ब था चीन्‍नू, खूमान् कम्‍ब बीलने रीय यदेबे कीम्नोबोदे था प्रेल्‍लोब ङूदे खूमान्‍ने कीम् पर्‌देबे क्योबस्ये अम्पीन ख्यङ्दे।

लूका 21:36

तर रमैब अम्‍ब पोयू क्वाप्रेने बच्‍दीदे छ्‌योङ्बजे लागि मेस्‍ये मीजे चजे खूम्‍दे मेर खूस्‍य यदेबे येतार्‌ने प्रार्थना चीत्‍देबे चङ्‍ख क्‍यूर्‌।”

लूका 22:46

येशूदे थमयूने यदे, “नमयू चैने ङ्यूम्‍न? लङ् मेस्‍ये जाँचने अम्‍पर्‌तीस्‍य यदेबे प्रार्थना ची।”

मूल स्यूस्स्यायूजे कामजे किताब 20:31

होरेक्‍यूत्‍देबे अम्‍ब ह्‍वे च्‍यीत्‍देबे होस्स्यार क्‍यूर, वर्ष सोम्सेमे नो-मून म्‍यामू तेलेतेले मी त्‍यात्‍याने ङैदे बोङ्बे आर्‌तीदे।

१ कोरिन्थी 15:34

होस्ने ख, जेम्‍सेमेस्‍ये पाप अन्‍चील्‍लाची। चेनेयलो नमयू नङ्ने कोइदे परमेश्‍वरजे पोने अन्‍स्‍ये ख्यङ्, नमयूने त्‍वालाबे चेने ङैदे अम्‍ब पो य ख्यङ्।

१ कोरिन्थी 16:13

होस्स्यार क्‍यूत्‍देबे टूङ्, विश्‍वासने बोल्यो क्‍यून्‍नू। सेम् केन् ची मेस्‍ये बोल्यो क्‍यूरो।

एफिसी 2:3

ङीनये त्‍याफे थमयूदे चेप्र चे ख्‍य, ङीनजे ङ्वदे च चीत्‍तीङ् रीको सेम्जे इच्‍छा पूरा चीत्‍देबे रङ्सेजे पापी स्‍वभावने प्रख्‍य, मेस्‍ये सूजो लम ख्यब मीयूप्रने ङीनजे स्‍वभावदेने छी चेब छगूम्-पूर्‌गूम् यदेबे य ख्‍य।

एफिसी 5:14

धर्मशास्‍त्रने येर्‌बे लिख्दीये ख्यङ्, “ओ ङ्यूम्-या गीलेब मीयू, चनाखो क्‍यूत्‍देबे टोङ् मेस्‍ये सीयेब मीयू लङ्, मेस्‍ये ख्रीष्‍टदे नमयूने ओथ्याङ् पीन्‍क्‍य।”

एफिसी 6:18

येतार्‌ने प्रार्थना ची, परमेश्‍वरने तोङ्मी य। कम्‍ब बीलनेनेने यली पवित्र आत्माजे बोङ्दे प्रार्थना चीत्‍देबे टूङ्। अम्‍ब पो सेम्‍ने हीत्‍देबे येतार्‌ने होस्स्यार क्‍यूत्‍देबे परमेश्‍वरजे पवित्र मीयू क्वाजे लागि येतार्‌ने प्रार्थना चीन्‍नू।

फिलिप्पी 4:5

क्वाप्रेने ज्य व्यवहार चेब, नमयूजे बनी क्‍वादेने था प्रेस्‍स्‍य। प्रभु छ्‌योट्‍टोने ल्‍वारीय।

कलस्सी 4:2

होस्स्यार क्‍यूत्‍देबे मेस्‍ये परमेश्‍वरने येतार्‌ने धन्‍यवाद पीन्‍देबे येतार्‌ने प्रार्थना चीन्‍नू।

१ थेसलोनिकी 4:13

तर अत-अची च्योन्‌यू सीयेबयूजे बारेने नमयूने था क्यूस्स्‍य मन ख्यङ्, मेस्‍ये नमयूदे आशा त्वब मीयूदेप्र शोक् चे अम्‍पर्‌दीस्‍य।

१ थेसलोनिकी 5:10

ङीन सोम्‍बो क्‍यून्‍नूलीने या सीबलीने ङीन क्‍वाने ङू प्रेने जीया च खूस्‍य यदेबे ङू ङीनजे लागि सीये ख्यङ्।

१ थेसलोनिकी 5:8

तर ङीनब नोजे क्‍यूरबदे चङ्‍ख क्‍यूरे, मेस्‍ये गूने ह्‍वेब विश्‍वास मेस्‍ये प्रेमजे पाता प्रे मुक्तिजे आशाजे मूल्‍कू कूये।

१ तिमोथी 2:15

होरनेयलीने, ङू ज्‍य बनी व्यवहारप्रे विश्‍वास, प्रेम मेस्‍ये पवित्र क्यूत्देबे टूनूलो, पीच जन्‍मीदीब ङूने बच्‍दीमीय।

१ तिमोथी 2:9

येरप्रने मदीयूदे कोला होब्‍ब मील्‍लेब या प्‍वब कोला होस्‍स्‍य यब ङ सेम् चीक्‍क्‍य, ट फू कूम सिङ्गार चीत्‍देबे, मर, मोती मेस्‍ये कूम मङ्‍गो पर्‌देब कोलायू होत्‍देबे दी,

१ तिमोथी 3:11

मदीयूये हम्‍बप्रने गेसेन् प्रेब लायकजे, मीयूजे न अम्प्वेब, तर साप्‍ता पोने सैदे ख्‍वब मेस्‍ये विश्‍वास चे ख्‍वब क्यूरपर्‌तीय।

१ तिमोथी 3:2

होरेक्‍यूत्‍देबे बिशपने सूदेये दोष लैदे अन्‍ख्‍वब, मज तीत्‍या ख्‍यब पती, रङ्सेदे रङ्सेने काबूने येनब, बुद्धिदे काम चे ख्वब, कीम्ने रब ङ्योवयूने गेसेन् चीस्‍स्‍ये रब, सोरो चेलाबे लोम्‍मीसे रब क्‍यूर पर्‌दीय,

२ तिमोथी 4:5

तर साप्‍ता पोने न बोल्‍यो क्‍यूरो। छरङ् सैदी, वचन स्‍य्‍वेब काम ची, नदे चे पर्‌देब सेवाजे काम पूरा ची।

तीतस 2:12

अम्‍ब अनुग्रहदे ङीनने अन्ज्‍य जीया मेस्‍ये संसारजे लाल्‍ची क्याबीसे पीन्क्‍य, अम्‍ब अनुग्रहजे कारणदे ङीन रङ्सेने कबूने येत्‍देबे अम्‍ब संसारने तम्दम् मेस्‍ये धर्मी क्यूत्देबे जीया च खूइय।

तीतस 2:6

होरप्रने चम्‍च स्‍योर्‌बयूनेये रङ्सेजे सेम्-कबूने येन् यदेबे अर्ती पीन्।

१ पत्रुस 1:13

येरेक्‍यूत्‍देबे नमयूजे सेम्ने तयार ची। होस्स्यार क्‍यूरो होर्‌दे येशू ख्रीष्‍ट तङ्‍रब दिनने नमयू ट्‍याने रमेल्नब अनुग्रहने नमयूजे आशा पुरा रुप्दे चेलाबे ये।

१ पत्रुस 4:7

अम्‍ब संसार‌ जेन्टबसेमे फ्‍योर ख्यङ्। होरेक्‍यूत्‍देबे नमयू रङ्से शुद्ध सेम् मेस्ये होस्स्यार क्यूत्देबे प्रार्थना चे खूइय।

१ पत्रुस 5:8

चङ्‍ख क्‍यूत्‍देबे होस् ची। नमयूजे शत्रु शैतानदे सू-तूको हम्‍बने सेत्‍देबे चस्‍ये यदेबे गेर्‌जेदेब डेन्‍यादेप्र मल्‍न ख्यङ्।

प्रकाश 16:15

“ले, ङ खूमान् रप्रने सूदेये था अम्‍प्रेल्‍लाबे रीय, सू होस्स्यार क्‍यूत्‍देबे टूनीय मेस्‍ये रङ्से ह्‍वेब कोला छ्‌योत्‍देबे येन्‍नीय ङूदे असी प्रेक्‍क्‍य। होरेअन्‍क्‍यूल्‍लो ङू च्‍यङ्ली प्रीय मेस्‍ये ङू त्‍वा पर्‌दीय।”

प्रकाश 3:2

चङ्‍ख क्‍यूत्‍देबे होस् ची मेस्‍ये नैजे सीबलो ख-ख क्‍यून्‍नब बाँकी पोयूने बोल्‍यो ची, चेनेयलो ङैजे परमेश्‍वरजे खूम्‍ने नैजे काम सिद्ध क्‍यूरब ङैदे अन्‍त्व ख्यङ्।