१ थेसलोनिकी 5:21 - घले नयाँ करार

²¹ तर साप्‍ता पोजे जाँच ची। कम्‍ब पो ज्‍य ख्यङ् हम्‍ब पोयू सेम्‍ने हीन्‍नू।

१ थेसलोनिकी 5:21 ပူးပေါင်းရင်းမြစ်များ

लूका 12:57

कम्ब पो पक्‍क ख्यङ् यदेबे नमयू रङ्सेदे चेने पक्क चेअन्ख्‍व?

यूहन्‍ना 15:4

नमयू ङैप्रे क्‍यूल्‍लो, ङ नमयूप्रे क्‍यूक्‍क्‍य। अङ्‍गुर पोङ्ने हाँगायू अन्‍थूनूलो हम्‍ब हाँगादे सी पीन अन्खू, होरप्रने नमयू ङैप्रे अन्‍क्‍यूल्‍लो नमयूदे फल पीन अन्खू।

यूहन्‍ना 8:31

येशूदे रङ्सेने विश्‍वास चेब यहूदीयूने यदे, “नमयूदे ङैजे वचनने विश्‍वास चीत्‍देबे मन्‍दीनूलो नमयू तम्दम्‍ने ङैजे स्यूस्स्या क्‍यूक्‍क्‍य।

मूल स्यूस्स्यायूजे कामजे किताब 11:23

ङू हैयाने रदेबे परमेश्‍वरजे अनुग्रह तङ्देबे सूग्‍दे, मेस्ये थमयू क्वानेने ङूदे प्रभुतेले पूरा सेम्‍दे विश्‍वास ची यदेबे बोङ् पीन्‍दे।

मूल स्यूस्स्यायूजे कामजे किताब 14:22

स्यूस्स्यायूजे विश्‍वासने बोल्यो क्‍यूस्‍स्‍य यदेबे अर्ती पीन्‍दे, मेस्‍ये कूम सकस् सैदीदेबे ङीन परमेश्‍वरजे राज्‍यने क्‍योब पर्‌दीय यदेबे थमयूने लोम्‍मीदे।

मूल स्यूस्स्यायूजे कामजे किताब 17:11

अनेजे यहूदीयू थेसलोनिकेजे मीयू यली थेप् भलो ख्‍य। चेनेयलो अम्‍बयूदे वचन सेम् पीन्‍देबे ङ्‍यीन्‍दे, पावलदे यब पोयू चेलाबे होरप्रने लिख्दीये ख्यङ् यी त्‍वो यदेबे येतार्‌ने धर्मशास्त्र छ्‌योत्‍देबे जाँच‍ते ख्‍य।

रोमी 12:2

अम्ब संसारजे मीयूप्रने नक्‍कल अन्चील्‍लाची, तर रङ्सेब सर् सेम् क्यूत्देबे पूरा रुप्ने सूजो क्यूक्‍की। होर्‌दे परमेश्‍वरजे सोरो ज्य, सेम् पर्‌तेब मेस्ये सिद्ध इच्छा च ख्य, हम्ब नमयूदे था प्रे-खूइय।

रोमी 12:9

नमयूदे ज्‍य सेम्‍दे प्रेम ची। कम्‍ब पो अन्‍ज्‍य ख्यङ्, हम्‍ब पो क्यापी। कम्‍ब पो ज्‍य ख्यङ्, हम्‍बने लादीनू।

१ कोरिन्थी 15:58

येरेक्‍यूत्‍देबे ङैजे छेब अत च्योनयू, सेम् केन् चीत्‍देबे ढल्मल् अन्‍क्‍यूल्‍लाबे टूङ्। प्रभुजे कामने येतार्‌ने सेम् पीन्‍देबे फर्‌नू, चेनेयलो प्रभुजे कामने चेब छेम्‍प्रे सीत्‍तीने खेर अम्‍प्र यदेबे नमयूदे स्‍ये ख्यङ्।

१ कोरिन्थी 2:11

मीजे विचार हम्‍ब मी नङ्ने क्‍यूरब आत्मादे त्‍यामे स्‍येखूइय, सूजो सूमीदे स्‍ये खूइय? होरप्रने परमेश्‍वरजे विचार परमेश्‍वरजे आत्मादे त्‍यामे स्‍ये खूइय। सूजो सूमीदेये स्‍ये अङ्‍खू।

गलाती 6:10

येरेक्‍यूत्‍देबे मौका प्रेप्‍पने ङीनदे मी क्‍वाजेने भलो चीक्‍के परदीय, थेप्‍प्र येशूने विश्‍वास चेब ङीनजे म्‍हीत्‍तीयूने भलो चेपर्‌दीय।

एफिसी 5:10

मेस्‍ये प्रभुने सेम् पर्‌देब च ख्यङ् हम्‍ब लोमने बोङ् ची।

फिलिप्पी 1:10

येरेक्‍यूल्‍लोत्‍यामे नमयूदे पात्‍ता ज्‍य च ख्यङ् हम्‍ब स्‍ये खूइय, मेस्‍ये ख्रीष्‍ट रब दिन‍ने शुद्ध मेस्‍ये दोष त्‍वब क्‍यूर खूस्‍य।

फिलिप्पी 3:16

ङीनदे च प्रेक्‍क ख्यङ्, हम्‍बनेत्‍या बोल्यो क्यूत्देबे टूङ पर्‌तीय।

फिलिप्पी 4:8

आखिरीने, अत अची च्‍योन्‌यू, चै से तम्दम् ख्यङ्, चै से गेसेन् चे लायकजे ख्यङ्, चै से ठीक ख्यङ्, चै से शुद्ध ख्यङ्, चै से प्रेम चेब लायकजे ख्यङ्, चै से सोरो छेब ख्यङ्, सोरो हार्‌मन्‍देत्‍या ज्‍य से मेस्ये चत्‍यासे सार्‌या चेब लायकजे ख्यङ्लो होर सेयूने सेम् पीनो।

१ थेसलोनिकी 5:15

सूमीदेये अन्ज्‍य चेब मीने खी फाने अन्ज्‍य अन्‍चीस्‍स्‍य, तर येतार्‌ने त्‍यादे सूजोने मेस्‍ये क्‍वाप्रेने भलो चेपर्‌दीय यदेबे ह्‍वेची।

१ थेसलोनिकी 5:22

अन्ज्‍य काम जती अन्चील्‍लाची।

२ थेसलोनिकी 2:15

येरेक्‍यूत्‍देबे अत-अची च्योन्‌यू विश्‍वासने बोल्‍यो क्‍यून्‍नू, मेस्‍ये ङीदे क्यमब वचन या लिख्दीयेब चिट्ठीदे चे शिक्षा प्रेत्दे हम्‍ब अनुसार काम चीन्‍नू।

२ तिमोथी 1:15

एशियाने ख्‍यब मीयू क्‍वाने ङैने पोङ्‍इदेबे गीलेब नने थाने ख्यङ्, हम्‍बयू नङ्ने फुगेलस मेस्ये हर्मो‌गेनस ख्यङ्।

२ तिमोथी 3:6

चेनेयलो थमयू नङ्ने कोइ-कोइ कीम् कीम्ने क्‍योदेबे पापने बेस्‍से फस्तीदेबे कूम थर्‌जे अन्ज्‍य पाप कामजे लागि सेम् चेब मदीयू रङ्सेजे लाने कीन्क्‍य।

२ तिमोथी 4:14

तम्‍बजे काम चेब मी अलेक्‍जेन्‍डरदे ङैने सोरो अन्ज्‍य चीत्‍दे। ङूदे चेब काम‍जे फल प्रभुदेने ङूने पीन्क्‍य।

हिब्रू 10:23

ङीनदे पक्‍क रूप्दे ग्रहण चेब आशाने अल्मल् अन्‍क्‍यूल्‍लाबे बोङ्बे चूङ्नूदे, चेनेयलो परमेश्‍वरदे चै कबुल चीत्‍दे हम्‍ब ङूदे पूरा चीक्‍क्य यदेबे भर् चीन्‍न खूइय।

१ यूहन्‍ना 4:1

छेब ख्योन्‌यू, कम्‍ब क्‍यूक्‍को हम्‍ब आत्माने विश्‍वास अन्‍चील्‍लाची, तर आत्मायू परमेश्‍वरदे पीनब टोङ् यी सूजो टोङ् यदेबे हम्‍बजे जाँच ची। चेनेयलो कूम लूच्‍च अगमवक्तायू अम्‍ब संसारने योङ्‍र ख्यङ्।

प्रकाश 2:2

नैजे कामयू, नदे चेब छेम्‍प्रे मेस्‍ये न-धेरेन् क्‍यून्‍नब ङैने था ख्यङ्, मेस्‍ये नदे दुष्‍ट मीयूजे विरोध चे ख्यङ् तर थमयू रङ्सेदेब ङी मूल स्यूस्स्या ख्यङ् यीय, तर मूल स्यूस्स्या दी, होर मीयूने जाँचदीदेबे थमयू लूच्‍च ख्यङ् यदेबे नमयूदे पत्‍त प्रेक्‍क ख्यङ् यब पो ङैने था ख्यङ्।

प्रकाश 2:25

होरेक्‍यूल्‍लीने नमयूप्रे च ख्यङ्, हम्‍बने ङ अन्‍रदासेमे बोङ्बे चूङ्नू।

प्रकाश 3:11

ङ छ्‌योटो रेन ख्यङ्। नैप्रे च ख्यङ् हम्‍बने बोङ्बे चूङ्नू, मेस्‍ये सूदेये नैजे मुकुट लेङ्‍गे अङ्‍खूस्‍य।

प्रकाश 3:3

येरेक्‍यूत्‍देबे नदे च तदे मेस्‍ये लोम्दे, हम्‍ब पोयू ह्‍वे चीत्‍देबे मन्‍दी मेस्‍ये पश्‍चात्ताप ची। कादेये चङ्‍ख क्‍यूत्‍देबे नदे होस् अन्‍चीदेयलो ङ खूमान्‍प्र रीय, मेस्‍ये ङ कन्‍छ्वाब रीय, हम्‍ब नदे था प्रेस्‍स्‍ये त्‍वो।