१ थेसलोनिकी 5:12 - घले नयाँ करार

¹² तर अत-अची च्योन्‌यू, नमयूजे अन्‍द्रने सोरो छेम्‍प्रे चीत्‍देबे प्रभुजे काम चेबयू, लम् तनबयू मेस्‍ये नमयूने चेलाबे बोङ्बे आर्‌तेबयूने गेसेन् चीत्‍देबे मन्‍दी यदेबे ङी नमयूने बिन्‍ती चीक्‍क्‍य,

१ थेसलोनिकी 5:12 ပူးပေါင်းရင်းမြစ်များ

लूका 10:7

कम्ब कीम्ने टूङ्क्य हम्‍ब कीम्जे मीयूदे पीनब सेयू च थूङ चीत्‍देबे हम्‍ब कीम्ने टूङ्। चेनेयलो मेला कीनब मीदे ङूजे मेला प्रे पर्‌देब क्‍यूक्‍क्‍य। कीम्-कीम्ने अङ्क्‍योबलाबे प्र।

यूहन्‍ना 4:38

हैयाने ङैदे नमयूने बली तोलने कूल्‍बीदे, होने नमयूदे कामने अम्‍फर ख्यङ्। सूजोयूदे काम फर ख्यङ् मेस्‍ये थमयूदे छेम्‍प्रे चीतेब काम‍जे फल नमयूदे प्रे ख्यङ्।”

मूल स्यूस्स्यायूजे कामजे किताब 20:28

नमयूजे लागि मेस्‍ये रङ्से बगलजे लागि होस्स्यार क्‍यूत्देबे टूङ्। पवित्र आत्मादे नमयूने बगलजे जिम्मा प्‍लेब मी बन्‍देब कारण ङूदे रङ्सेजे कादे कीनब परमेश्‍वरजे मण्डलीजे स्याहार नमयूदे चीदो।

मूल स्यूस्स्यायूजे कामजे किताब 20:35

ङैदे साप्‍ता पोने नमयूने नमूना पीन ख्यङ्, नमयूदेये येर्‌बेने बोङ्बे काम फर्‌देबे बोङ् त्‍वब मीयूने तोङ्मे पर्‌दीय। प्रभु येशूजे वचन ह्‍वे ची, केरे ङू रङ्सेदेने य ख्यङ्, “यी कीन यली पीनबदे अझ असी प्रेक्‍क्‍य।”

रोमी 16:12

प्रभूजे कामने धम चेब त्रूफेना मेस्‍ये त्रोफोसाने नमस्‍कार ख्यङ् येमी। प्रभूजे कामने सोरो धम चेब छ्‍येब परसीसनेये नमस्‍कार ख्यङ् येबी।

रोमी 16:6

नमयूजे लागि कामने बेस्से धम चेब मरियमने नमस्कार ख्यङ्।

१ कोरिन्थी 12:28

परमेश्‍वरदे मण्डलीने पात्‍ता खूम् मूल स्यूस्स्यायू, होर्‌दे ङ्येदे अगमवक्तायू, होर्‌देङ्येदे छ्‌योम्‍मेबयू, होर्‌दे हार्‌मन्‍देब काम चेबयू, मेस्‍ये नवयूने तम् चीम्‍मे ख्‍वब बर प्रेबयू, दोङ्मेबयू, मण्डलीने चेलाबे चचो-पचो चे ख्‍वबयू, सूजो-के क्‍यम ख्‍वब बर प्रेबयूने सेल्‍दे येम्‍मे ख्यङ्।

१ कोरिन्थी 15:10

तर दीनी ङ कर ख्यङ्, हम्‍ब परमेश्‍वरजे अनुग्रहदेने ख्यङ्, मेस्‍ये ङै फ्‍याने ख्‍यब प्रभुजे अनुग्रह सीत्‍तीने खेर अङ्‍गीली। बरू थमयू क्‍वादेने चेयली थेप् छेम्‍प्रे ङैदे चीत्‍दे। होरेक्‍यूल्‍लीने अम्‍ब ङैदे दी, ङैप्रे ख्‍यब परमेश्‍वरजे अनुग्रहदे ख्यङ्।

१ कोरिन्थी 16:16

येर मीयू मेस्‍ये येरप्र कामने छेम्‍प्रे चेब मीयू क्‍वाजे नङ्ने टूङ्, यदेबे ङ नमयूने बिन्ती चीक्‍क्‍य।

१ कोरिन्थी 16:18

चेनेयलो ङैजे मेस्‍ये नमयूजे आत्मानेये थमयूदे सूग्लाबे चीम्‍मीदे। येर मीयूने गेसेन् ची।

१ कोरिन्थी 3:9

चेनेयलो ङीन परमेश्‍वरजे काम प्रे-प्रे फरब मीयू ख्यङ्, नमयूब परमेश्‍वरजे रङ् ख्यङ्, मेस्‍ये परमेश्‍वरजे कीम् ख्यङ्।

२ कोरिन्थी 11:23

थमयू ख्रीष्‍टजे सेवा चेब मी औ? ङ हम्‍ब यली सोरो ज्‍य सेवा चेब मी ख्यङ्- सेम् नोङ्ये मीप्र ङ क्‍यम्‍न ख्यङ्। ङैदे कूम छेम्‍प्रे चीत्‍दे। कूमफे झ्यालखानने पर्‌तीदे। कूमफे कोर्रादे ठरीकदे। कूमफे कालजे ङूर्‌ने फ्योइदे।

२ कोरिन्थी 5:9

येरेक्‍यूत्‍देबे ङी अम्‍ब नाश क्यूप्पब ङ्वने क्‍यूल्‍लीने या अन्‍क्‍यूल्‍लीने प्रभुने सूग्‍लाबे चेब ङीजे सेम् ख्यङ्।

२ कोरिन्थी 6:1

ङी परमेश्‍वरप्रे-प्रेने काम फरब मीयू ख्यङ्, येरेक्‍यूत्‍देबे परमेश्‍वरजे अनुग्रह खेर प्रस्ये अम्‍पीन्‍लाची यदेबे नमयूने बिन्‍ती चीक्‍क्‍य,

गलाती 4:11

नमयूजे लागि ङैदे चेब छरङ् थेन्‍ने चीन्‍नइ च यदेबे ङैने सूर्‌त रेन ख्यङ्।

फिलिप्पी 2:16

जीया पीनब परमेश्‍वरजे वचनने बोङ्बे चूङ्नू, येरे चील्‍लो ङैदे सीत्‍तीने अन्-ग्येक, मेस्‍ये ङैदे चेब छेम्‍प्रे खेर अङ्‍गीली यदेबे ख्रीष्‍ट रब दिन‍ने ङ केन् त्‍वे खूइय।

फिलिप्पी 2:19

नमयू ट्‌याने तिमोथी छ्‍योट्‍टो कूल्बेस्ये यदेबे प्रभु येशूजे इच्छा रेन्‍न ख्यङ्, येरे नमयूजे आनन्दजे खबर प्रेत्‍देबे ङैजे सेम्‍ये सूग्क्य।

कलस्सी 1:29

ख्रीष्‍टदे ङैजे सेम् नङ्ने काम फरब शक्ति पीन्‍दे, हम्‍ब शक्ति अनुसार‌ ङ अम्‍ब कामजे लागि सोरो बोङ्बे छेम्‍प्रे चीक्‍क्‍य।

१ थेसलोनिकी 2:9

अत-अची च्योन्‌यू, ङीदे चेब सकस् होर्‌दे छेम्‍प्रे नमयूने थाने ख्यङ्। नमयू सूनेये क्‍वी अङ्-कल्‍लाचीदे यदेबे नो-मून् काम फर्‌देबे परमेश्‍वरजे सूगब खबर ङीदे नमयूने स्‍य्वेत्‍दे।

१ थेसलोनिकी 4:1

आखिरीने अत-अची च्योन्‌यू प्रभु येशूने क्‍यूत्‍देबे ङी नमयूने बिन्‍ती चीक्क्‍य, मेस्‍ये अर्ती पीन्क्‍य, यी परमेश्‍वरने केरे सूग्‍ला चे पर्‌दे मेस्‍ये केरे रङ्से जीया च पर्‌दे, हम्‍ब नमयूदे ङीप्रे लोम्‍दे, मेस्‍ये होरप्रने चीन्‍नये ख्यङ्। अम्‍ब पोने नमयू थेप्थेप् ज्‍य क्‍यूप्‍पीनू।

१ थेसलोनिकी 5:14

अत अची च्योन्‌यू, काम चेने छरबयूने बोङ्बे अर्ती मेस्‍ये सेम् चीद चेयूने आँट पीन्। बोङ् त्‍वयूने तोङ्मी। क्‍वाप्रेने स्यूलूक्कै क्‍यूरब स्वभाव तन्।

१ तिमोथी 5:1

रङ्से यली केन्-ता मीयूने अङ्-ङर्-लाची, तर ङूने पप्र चीत्‍देबे सम्‍झीदी। रङ्से यली चीदयूने रङ्सेजे च्‍योन्‍नेप्र ची।

१ तिमोथी 5:20

क्‍वाजे खूम्‍ने, पाप चेजे चे चीन्‍न मीयूने ङर्‌मी, मेस्‍ये होरे चीत्‍देयलो सूजोये फैय।

२ तिमोथी 2:6

छर्‌ङ चीत्‍देबे खेती फरब मीदेने बलीजे पात्‍ता खूम्‍जे भा प्रेपर्‌दीय।

तीतस 1:3

ठीक बीलने ङूदे रङ्सेजे वचन स्‍य्‍वेस्ये पीन्‍दे। ङीनने मुक्ति पीनब परमेश्‍वरजे आज्ञा अनुसार ङूदे ङैने अम्‍ब वचन पीन्‍दे।

तीतस 1:5

येरेक्यूत्देबे ङैदे नने क्रेटने पोङ्इदे, यी ङैदे नने येयेप्र नदे हैयाने अन्‍जेनब कामयू पूरा ची, मेस्‍ये सहर क्‍वानेने एल्डरयू चून्‍दी।

तीतस 2:15

नदे अम्‍ब पोयू बोङ्बे य, पूरा हकदे लोम-तन ची मेस्‍ये फ्राची। सूदेये नने ह्‍यल अन्‍चीस्‍स्‍य।

हिब्रू 13:17

नमयूजे अगुवायूजे आज्ञा मन्‍दी मेस्‍ये थमयूजे हक नङ्ने टूङ्। चेनेयलो थमयूदे चेब कामजे हिसाब परमेश्‍वरने पीन पर्‌तीय यब पो स्‍येदेबे थमयूदे नमयूजे प्राणजे ख्याल चीक्‍क्‍य। अम्‍ब काम थमयूदे सेम् सूग्‍देबे चीस्‍स्‍य। छरङ् थेदेबे दी, नत्रलो हम्‍ब कामदे नमयूने चैये फाइदाये क्यूस्स्ये त्‍वो।

हिब्रू 13:7

नमयूदे रङ्से अगुवायूने ह्‍वे ची। थमयूदे केरे जीया चदे मेस्‍ये केरे सीइदे हम्‍ब ह्‍वे ची, होर्‌दे थमयूदे चेप्र विश्‍वास नमयूदेये ची।

प्रकाश 1:20

ङैजे स्‍येत लाने नदे तङब अम्‍ब कर्‌चेन् ङ्यी मेस्‍ये मर्‌दे बन्‍दीयेब अम्‍ब साम्दान ङ्यीजे नङ्सू पो येर ख्यङ्: कर्‌चेन् ङ्यीदे मण्डली ङ्यीने लेब-दूतयू जन्‍तीय मेस्‍ये साम्दान ङ्यीदेब मण्डलीयू ङ्यीने जन्‍तीय।”

प्रकाश 2:12

होर्‌दे पर्गाममजे मण्डलीजे दूतने अम्‍ब लिख्दी: पट्टी-ङ्हीने छ्‍यर धर ख्‍यब तरवार टेलबदे अम्‍ब पो य ख्यङ्,

प्रकाश 2:18

होर्‌दे थिआटीराजे मण्डलीजे दूतने अम्‍ब पो लिख्दी: अम्‍ब पो परमेश्‍वरजे चदे य ख्यङ्, ङूजे म्‍या मीजे उम्‍दप्र, ङूजे तोप् टेल्‍कीदीदेबे हीतेब चीरीप्र ख्यङ्।

प्रकाश 2:3

नमयूदे ङैजे मीन्‍जे लागि सकस्यू पर्‌तीरब धेरेन् क्‍यूत्‍देबे सैदीन ख्यङ्। होरक्‍यूल्‍ली नमयूदे विश्‍वास अन्क्याबे ख्यङ् यब पोये ङैने था ख्यङ्।

प्रकाश 2:8

होर्‌दे स्मुर्नाजे मण्डलीजे दूतने अम्‍ब पो लिख्दी: अम्‍ब पो पात्‍ता खूम् मेस्‍ये पात्‍ता ङ्येदे ख्यबदे य ख्यङ्, ङू सीये ख्‍य, मेस्‍ये फेरि सोम्‍बो क्‍यूत्‍दे।

प्रकाश 3:1

सार्डिसजे मण्डलीजे दूतने अम्‍ब पो लिख्दी: परमेश्‍वरजे आत्‍मा ङ्यी मेस्‍ये कर्‌चेन् ङ्यी ख्‍यबदे अम्‍ब पो य ख्यङ्। नैजे काम ङैने था ख्यङ्। न सोम्‍बो क्‍यून्‍नब मीन्त्‍यामे ख्यङ्, तर न सीये ख्यङ्।

प्रकाश 3:14

होर्‌दे लाउडिकियाजे मण्डलीजे दूतने अम्‍ब पो लिख्दी: आमेन, भरपर्‌तेब, मेस्‍ये तम्दम् गवाही मेस्‍ये परमेश्‍वरदे सृष्‍टि चेब सेयू फ्‍याने हक चील्‍लेबदे अम्‍ब पो य ख्यङ्।

प्रकाश 3:7

होर्‌दे फिलाडेल्‍फियाजे मण्‍डलीजे दूतने अम्‍ब पो लिख्दी: यी पोयू पवित्र मेस्ये सत्य ख्‍यबदे य ख्यङ्, ङूजे लाने दाऊदजे चापी ख्यङ्। ङूदे च पूक्‍क्‍य, सूदेये था खूस्‍ये त्‍वो, मेस्‍ये ङूदे च थाय, सूदेये पूक खूस्‍ये त्‍वो।