१ थेसलोनिकी 5:10 - घले नयाँ करार

¹⁰ ङीन सोम्‍बो क्‍यून्‍नूलीने या सीबलीने ङीन क्‍वाने ङू प्रेने जीया च खूस्‍य यदेबे ङू ङीनजे लागि सीये ख्यङ्।

१ थेसलोनिकी 5:10 ပူးပေါင်းရင်းမြစ်များ

मत्ती 20:28

केर्‌बे मीजे चये सेवा प्रेस्‍ये यदेबे रदी, तर सेवा चीत्‍देबे कूम पापीयूजे पाप छूर्‌देमेजे लागि रङ्सेजे प्राण पीनने रदे।”

यूहन्‍ना 10:11

ङ सोरो ज्‍य प्रङ्ब ख्यङ्। सोरो ज्‍य प्रङ्बदे रङ्सेजे स्वान्‌यूजे लागि रङ्से ङ्वने पीन्‍क्‍य।

यूहन्‍ना 10:15

केर्‌बे पदे ङैने स्‍ये ख्यङ्, ङैदेये पने स्‍ये ख्यङ्, होर्‌दे ङ ङैजे स्वान्‌यूजे लागि ङैजे रङ्से ङ्वये पीन्‍क्‍य।

यूहन्‍ना 10:17

पदे ङैने प्रेम चीत्‍दे, चेनेयलो ङ रङ्सेजे प्राण फेरि ल्वामेब हिसाबदे पीन्क्‍य।

यूहन्‍ना 15:13

रङ्से ख्‍योन्‍जे लागि रङ्सेजे प्राण पीनब केन् प्रेम ख्यङ् अम्‍बयली सूजो केन् प्रेम सूजेये अन्‍क्‍यूर्‌।

रोमी 8:34

होर्‌दे थमयूने सूदे दण्डजे आज्ञा पीन खूइय? चेनेयलो ख्रीष्‍ट थमयूजे सट्‍टने दण्ड भोक्‍तीदेबे सीये ख्यङ्। ङू सीये त्‍या दी, अम्‍ब यली केन् काम सीयेबदे फेरि सोम्‍बो चीम्मीदे। चूजो ङू परमेश्‍वरजे स्येत्‍तेयोर् टूङ्देबे राज्‍य चील्‍लीन ख्यङ्। होर्‌दे ङूदे ङीनजे लागि परमेश्‍वरप्रे बिन्तीये चीन्‍न ख्यङ्।

१ कोरिन्थी 15:3

ङैदे प्रेब अम्‍ब पात्‍ता केन् पोजे रूप्‍ने नमयूजे लाने पीने ख्यङ्, हम्ब अम्बने ख्यङ्, पवित्र धर्मशास्त्र अनुसार ख्रीष्‍ट ङीन्जे पापजे लागि सीइदे।

२ कोरिन्थी 5:15

ख्रीष्‍ट क्‍वाजे लागि सीइदे, येरे जेम्‍सेमेस्‍ये सोम्‍बो ख्‍यबयू रङ्से लागि जीया च दी, तर थमयूजे लागि सीइदेबे फेरि सोम्‍बो चीक्‍कब ख्रीष्‍टजे लागि थमयू जीया चब क्‍यूस्‍स्‍य।

२ कोरिन्थी 5:21

चेनेयलो ङीन ख्रीष्‍टप्रे क्‍यूत्‍देबे परमेश्‍वरजे खूम्ने धर्मी ठर्‌ते खूस्‍य यदेबे पापने अन्‍स्‍येब ख्रीष्‍टने परमेश्‍वरदे ङीनजे पापजे बलि क्यूस्से पीन्‍दे।

एफिसी 5:2

नमयू त्‍यादे त्‍याने प्रेम ची, केर्‌बे ख्रीष्‍टदेये ङीनयूने प्रेम चीत्‍दे, मेस्‍ये परमेश्‍वरने सेम् पर्‌तेब लेम बस्‍न रब भेटी मेस्ये बलिजे रुप्ने ङीनजे लागि रङ्सेजे जीया बलि पीन्‍दे।

१ थेसलोनिकी 4:13

तर अत-अची च्योन्‌यू सीयेबयूजे बारेने नमयूने था क्यूस्स्‍य मन ख्यङ्, मेस्‍ये नमयूदे आशा त्वब मीयूदेप्र शोक् चे अम्‍पर्‌दीस्‍य।

१ थेसलोनिकी 4:15

परमेश्‍वरजे वचनदे येये अनुसार‌ने ङी नमयूने बोङ्बे स्‍योक्‍क्‍य, यी ङीन जीती सोम्‍बो ख्यङ् प्रभु फेरि ल्‍वारब दिनसेमे सोम्‍बो क्‍यून्‍नीय, मेस्‍ये केर्‌बेनेयली हम्‍ब सीयेबयूयली खूम् क्‍यूप्पस्ये त्‍वो।

१ थेसलोनिकी 4:17

होर्‌दे ङीन सोम्‍बो ख्‍यबयू मेस्‍ये संसारने पोङ्येबयू प्रभुने त्‍वने तो मूने थमयूप्रे मूक्‍पने प्रे-प्रे कूबीय, मेस्‍ये येर्‌बे ङीन प्रभुप्रे येतार्‌ने टूनीय।

१ थेसलोनिकी 5:6

अम्‍ब कारणदे सूजोयूप्र ङीन अन्‍ङ्यूम्‍लाचीदे, तर चङ्‍ख टूङ्देबे होस्स्यार क्‍यूरे।

१ तिमोथी 2:6

येशू ख्रीष्‍टदे मीयू क्‍वानेने पापदे छूर्‌दीमेने लूजे रूप्ने रङ्सेजे प्राण पीन्‍दे, हम्‍ब पोजे प्रमाण ठीक बीलने पीन्‍दे।

२ तिमोथी 2:11

अम्‍ब पो पक्‍क ख्यङ्, कादेये ङीन ङूप्रे सीये ख्यङ् यलो, ङूप्रेने ङीनये सोम्‍बो क्‍यूक्क्‍य,

तीतस 2:14

येशू ख्रीष्‍टदे ङीनने साप्‍ता किसिमजे पापदे छुर्‌तेजे लागि रङ्से प्राणये पीन्‍दे। ङूदे ङीनने पवित्र चेने रङ्से मी बन्‍दीदे, मेस्‍ये ज्‍य काम चेने जोसीलो क्यूरने येरे चीत्दे।

१ पत्रुस 2:24

पापजे लागि ङीन सीबदेबे धार्मिकताजे लागि जीया चखूस्‍य यदेबे ख्रीष्‍टदे ङीनजे पाप रङ्से ङ्वने प्‍लेत्‍देबे क्रूसने पील्‍दे। ङूदे प्रेब कष्‍‍‍टजे मयूदे नमयू तम् क्‍यूत्‍दे।

१ पत्रुस 3:18

चेनेयलो ख्रीष्‍टदे ङीनजे पापयू प्‍लेत्‍देबे येतार्‌जे लागि त्‍याफेने सीइदे। ङूदे कलङ्बेये पाप अन्‍चे ख्‍य, तर नमयूने परमेश्‍वर ट्‍याने कूबने पाप चेयूजे लागि सीइदे। ङू ङ्वने सीइदे, तर आत्‍माजे शक्तिने ङू फेरि सोम्‍बो क्यूत्दे।