१ थेसलोनिकी 4:3 - घले नयाँ करार

³ चेनेयलो परमेश्‍वरजे इच्‍छा नमयू पवित्र क्‍यूस्‍स्‍य मन ख्यङ्। हम्‍ब यब अम्‍ब ख्यङ् यी नमयू वेश्य काम अन्‍चील्‍लाची।

१ थेसलोनिकी 4:3 ပူးပေါင်းရင်းမြစ်များ

मत्ती 12:50

चेनेयलो स्वर्गने ख्‍यब ङैजे पजे आज्ञा सूदे मन्‍दीय, हम्‍बने ङैजे च्‍योन्, ङैजे स्‍यङ्, मेस्‍ये ङैजे म क्‍यूक्क्‍य।”

मत्ती 15:19

चेनेयलो सेम्‍देने अन्‍ज्‍य ह्‍वे चेब, मी सेब, मीजे मजप्रे प्रब, वेश्य काम चेब, ख्‍वब, लूच्‍च गवाही पीनब, मेस्‍ये मीजे बतनम् चेब अन्ज्‍य पोयू फीने योङ्‍रीय।

मत्ती 5:32

तर ङ नमयूने यीय, सूदे रङ्से मजने वेश्य क्‍यूरब बाहेक सूजो कारणदे लम् प्रेय, ङूदे मजने वेश्य क्यूस्से पीन्क्‍य, मेस्‍ये सूदे लम् प्रेकब मदीप्रे ङ्‍येन् चीक्‍क्‍य, हम्‍बदे वेश्य काम चेब क्‍यूक्क्‍य।

मत्ती 7:21

“ङैने ‘प्रभु, प्रभु’ यब मीयू क्वाने स्वर्गजे राज्‍यने प्र प्रेस्‍स्‍ये त्‍वो। स्वर्गने ख्‍यब ङैजे पजे आज्ञा मन्‍देब मीदे त्‍या परमेश्‍वरजे राज्‍यने प्र प्रेक्‍क्‍य।

मर्कूस 3:35

सूदे परमेश्‍वरजे इच्छा अनुसार‌ चीक्‍क्‍य हम्‍ब मीयूने ङैजे च्‍योन्, ङैजे स्‍यङ् मेस्‍ये ङैजे म क्‍यूक्‍क्‍य।”

यूहन्‍ना 4:34

येशूदे थमयूने यदे, “ङैने कूल्‍बेबजे इच्छा अनुसार मेस्‍ये ङूजे काम पूरा चेबने ङैजे चसे ख्यङ्।

यूहन्‍ना 7:17

परमेश्‍वरजे इच्छा अनुसार काम चेमेब मीयूदे अम्‍ब शिक्षा परमेश्‍वर तेलेदे रब ख्यङ् या ङैजे रङ्सेजे शिक्षा ख्यङ्, हम्‍ब था प्रेक्‍क्‍य।

मूल स्यूस्स्यायूजे कामजे किताब 15:20

तर थमयूने अम्‍ब पो लिख्दे पर्‌दीय, मूर्तिने चेर्‌दीदेबे अशुद्ध क्‍यूरेब चसे अन्‍चलाची, वेश्य क्‍यूर अन्क्यूर्, नीजी चेर्‌देबे सेब रोलाजे स्‍य मेस्‍ये का अन्‍चलाचीस्स्य।

मूल स्यूस्स्यायूजे कामजे किताब 15:29

अम्‍ब मूख्‍य पोयू ख्यङ्- मूर्तिने बलि चेर्‌देब चसे अन्‍चलाची, का मेस्ये नीजी चेर्‌देबे सेब रोलाजे स्‍य अन्चलाची मेस्‍ये वेश्य काम अन्‍चील्‍लाची। अम्‍ब पोयू मन्‍दीदेयलो नमयूने ज्‍य क्‍यूक्य। बिदा।”

मूल स्यूस्स्यायूजे कामजे किताब 20:32

“जेम्से ङ नमयूने परमेश्‍वरजे लाने सूम्‍दीपीय। ङूजे अनुग्रहदे फ्‍यायेब सूगब खबरजे भर्‌ने क्‍यापीय। अम्‍ब वचनदे नमयूने विश्‍वासने बोल्‍यो बन्‍दीय मेस्‍ये रङ्सेजे पवित्र मीयूने असी प्रेब चीक्‍क्य।

मूल स्यूस्स्यायूजे कामजे किताब 26:18

यी नदे थमयूजे म्‍या पूक्‍मी, मेस्‍ये थमयू मून्‍दूङ्दे ओथ्याङ् तेले, मेस्‍ये शैतान‍जे शक्तिदे परमेश्‍वर तेले ल्‍वारस्‍य। येरेने थमयूदे पापजे क्षमा प्रेक्‍क्‍य मेस्‍ये ङै फ्‍याने विश्‍वास चीत्‍देबे पवित्र क्‍यूरेब मीयूजे ने थमयूदेये प्रेक्‍क्‍य।’

रोमी 1:29

साप्‍ता थर्‌जे बदमाश चेब, अन्‍ज्‍य चेब, लोभ, खी फाब पोयूदे थमयूजे सेम् फ्‍यान ख्यङ्। ठेन, मी सेब, च्‍य-फा, छल्, मीजे पो चेब पोदे थमयूजे सेम् फ्‍यान ख्यङ्, मेस्‍ये थमयू पोच्‍येन्,

रोमी 12:2

अम्ब संसारजे मीयूप्रने नक्‍कल अन्चील्‍लाची, तर रङ्सेब सर् सेम् क्यूत्देबे पूरा रुप्ने सूजो क्यूक्‍की। होर्‌दे परमेश्‍वरजे सोरो ज्य, सेम् पर्‌तेब मेस्ये सिद्ध इच्छा च ख्य, हम्ब नमयूदे था प्रे-खूइय।

रोमी 6:22

तर जेम्से नमयू पाप चेब काम क्‍यापीदेबे परमेश्‍वरजे त्वो-त्वोम क्‍यूर ख्यङ्, होर्‌दे नमयूदे प्रेब फाइदाब पवित्र क्‍यूरब ख्यङ्, अम्‍बदे नमयूने कलङ्बेये अन्सीबब जीया पीन्‍क्‍य।

१ कोरिन्थी 1:30

परमेश्‍वरदे नमयूने येशू ख्रीष्‍टप्रे त्या चीम्मे ख्यङ्, मेस्ये ङूदे ख्रीष्‍टने ङीनजे ज्ञान बन्दीमीदे। ख्रीष्‍टदे ङीनने परमेश्‍वरजे खूम्ने धर्मी चीम्मीदे, ङूदे ङीनने परमेश्‍वरजे पवित्र मी चीम्मीदे, मेस्ये पाप ट्‍यादे उद्धार चीम्मीदे।

१ कोरिन्थी 7:2

तर वेश्य कामयूने अम्‍फस्तीप्रस्‍य यदेबे क्‍वादेने ङ्येन् चीस्‍य। पती क्‍वाजेने रङ्से मज क्यूस्स्य, होरदे मदी क्‍वाजेने रङ्से प्‍ल्‍यङ् क्यूस्स्य।

२ कोरिन्थी 12:21

ङ फेरि होने रब, मालाङ् पाप चेब मेस्ये अशुद्ध काम, वेश्य काम चेब मेस्‍ये छाडा बनीयू क्‍याबेने पश्‍चात्ताप अन्‍चेब कूम मीयूजे लागि ङैदे शोक् चेपर्‌तीने। येर्‌बे ङैदे पूस्‍तीनब परमेश्‍वरदे नमयूजे खूम्‍ने ङैने चीद चीम्‍मीइ च यदेबे फैन ख्यङ्।

गलाती 5:19

पाप चेब स्वभावजे चीत्‍तीङ्‍रब इच्छाजे कामयू चेलाबे तङ्क्‍य। अम्‍ब येर ख्यङ् वेश्य काम चे, पवित्र अन्‍क्‍यूर, नो-मून् अन्‍ज्‍य पोयूनेत्‍या लादीनब,

एफिसी 5:17

येरेक्‍यूत्‍देबे मुर्ख अन्क्‍यूर्‌लाची, तर प्रभुजे इच्छा चटोङ् हम्‍ब स्येला ची।

एफिसी 6:6

मीयूने सूग्‍ला चेबदेप्र म्‍याजे खूम्‍ने तनब काम त्‍या अन्चील्‍लाची, तर ख्रीष्‍टजे त्वो-त्वोमयूप्र क्‍यूत्‍देबे सत्य रूप्‍ने सेम्-नङ्दे मेस्‍येने परमेश्‍वरजे इच्‍छा पूरा ची।

कलस्सी 1:9

होरेक्‍यूत्‍देबे अम्‍ब पो तब दीन्‍दे छोमेस्‍ये प्रभुजे इच्छा नमयू फ्‍याने च ख्‍य हम्‍बने पवित्र आत्‍मादे पीनब पूरा बुद्धि मेस्‍ये क्‍व ख्‍वब ज्ञान नमयूने फ्‍यानीस्‍य यदेबे नमयूजे लागि ङी येतार्‌ने प्रार्थना चीन्‍न ख्यङ्,

कलस्सी 3:5

होरेक्‍यूत्‍देबे नमयूने ख्‍यब खूम्‍जे अन्‍ज्‍य बानीयू क्‍वाने क्‍यापी: वेश्य, अशुद्ध पो, भस्‍त्व, दुष्‍ट इच्छा प्रे लोभ। लोभब थर्‌त्या मूर्तिपूजा ख्यङ्।

कलस्सी 4:12

नमयू अन्‍द्रजे मीत्‍या येशू ख्रीष्‍टजे सेवा चेब इपाफ्रासदेये नमस्‍कार येबे ख्यङ्। नमयू परमेश्‍वरने बोल्यो क्‍यूर खूस्‍स्‍य मेस्‍ये परमेश्‍वरजे साप्‍ता इच्छायू पूरा रूप्‍दे मन्‍देब क्‍यूर खूस्‍स्‍य यदेबे ङूदे प्रार्थनाने नमयू येतार्‌ने ह्‌वे चीन्‍न ख्यङ्।

१ थेसलोनिकी 4:2

चेनेयलो प्रभु येशूदे ङीने पीनेब आज्ञायू च-च ख्‍य हम्‍ब ङीदे नमयूने पीन्‍दे। अम्‍ब नमयूने थाने ख्यङ्।

१ थेसलोनिकी 4:4

नमयू क्‍वाने पवित्र मेस्‍ये गेसेन् प्रेब लायकजे क्यूत्देबे रङ्से ङ्येन् ची, हम्‍ब नमयू क्वादेने स्ये,

१ थेसलोनिकी 5:18

कर बील रलीने धन्‍यवाद पीनब क्‍यूर्, चेनेयलो ख्रीष्‍ट येशूने विश्‍वास चेब नमयूजे लागि परमेश्‍वरजे इच्‍छा अम्‍बने ख्यङ्।

१ थेसलोनिकी 5:23

शान्ति पीनब परमेश्‍वर रङ्सेदेने पूरा रूप्‍दे नमयूने पवित्र चीम्‍मीस्‍य, मेस्‍ये नमयूजे पूरा आत्मा, प्राण मेस्‍ये ङ्व ङीनजे प्रभु येशू फेरि ल्‍वारब खोट् त्‍वब क्‍यूस्‍स्‍य।

२ थेसलोनिकी 2:13

तर प्रभुदे प्रेम चेब अत-अची च्योन्‌यू नमयूजे लागि ङीयूदे परमेश्‍वरने येतार्‌ने धन्‍यवाद पीनने परदे ख्यङ्, चेनेयलो खूम्‍देमेस्‍येने पवित्र आत्मादे पवित्र चीत्‍देबे मेस्‍ये तम्दम् पोने विश्‍वास चीत्‍देबे मुक्ति प्रेने परमेश्‍वरदे नमयूने सेल ख्यङ्।

तीतस 2:14

येशू ख्रीष्‍टदे ङीनने साप्‍ता किसिमजे पापदे छुर्‌तेजे लागि रङ्से प्राणये पीन्‍दे। ङूदे ङीनने पवित्र चेने रङ्से मी बन्‍दीदे, मेस्‍ये ज्‍य काम चेने जोसीलो क्यूरने येरे चीत्दे।

हिब्रू 10:36

परमेश्‍वरजे इच्‍छा पूरा चेने मेस्‍ये ङूदे चीक्‍कब कबुल अनुसारजे इनाम प्रेजे लागि नमयू धेरेन् क्‍यूत्‍देबे टूङ पर्‌ते ख्यङ्।

हिब्रू 12:16

सूमीये छाडा स्वभावजे अन्क्यूल्‍लाची मेस्ये एसावप्र धर्मी त्वब अन्क्यूल्‍लाची। ङूदे जन्मीदीबने प्रेब जेठ चजे हकने छा-त्‍या चसेजे लागि सोङ्बीदे।

हिब्रू 13:21

नमयूजे सेम्ने सोरो ज्‍य गुणयू येम्‍मीस्‍य, मेस्‍ये नमयूदे ङूजे इच्‍छा पूरा चे खूस्‍स्‍य। परमेश्‍वरने च सेम् पर्‌ते ख्यङ्, येशू ख्रीष्‍टजे मीन्‍ने परमेश्‍वरदे नमयूने हम्‍ब चीम्‍मीस्‍य। जूग् जूग् सेमेने येशूजे महिमा क्‍यून्‍नूस्‍य। आमेन।

हिब्रू 13:4

मी क्‍वादेने ङ्येन्जे पोने गेसेन् चेब क्‍यूर्‌ पर्‌दीय, प्‍लङ्-मजदे त्‍याने त्‍यादे विश्‍वास चेख्‍वब क्‍यूस्‍स्‍य, चेनेयलो छाडा क्‍यूत्‍देबे प्रब मेस्‍ये वेश्य काम चेयूजे न्याय परमेश्‍वरदे चीक्‍क्‍य।

१ पत्रुस 1:2

येशू ख्रीष्‍टजे आज्ञा मन्‍देब मेस्‍ये ङूजे कादे शुद्ध क्‍यूरजे लागि पवित्र आत्‍मादे शुद्ध क्‍यूत्‍देबे परमेश्‍वर पदे रङ्सेजे इच्‍छा अनुसार रङ्से मी चेने सेलब मीयूने: अनुग्रह मेस्‍ये शान्ति बेस्से क्‍यूप्‍पीनूस्‍य।

१ पत्रुस 4:2

येर्‌बे हम्‍ब मीदे रङ्से ङ्वने जीया चेनूतासेमे फेरि मीजे अन्‍ज्‍य इच्छाने दी, तर परमेश्‍वरजे इच्छाने जीया चैय।

१ यूहन्‍ना 2:17

संसार नाश क्‍यूप्‍पीय मेस्‍ये हम्‍बजे अन्ज्य इच्छाये नाश क्‍यूप्‍पीय, तर परमेश्‍वरजे इच्छा पूरा चेब मी येतार्‌ने टूनीय।

प्रकाश 21:8

तर फैजङ्यू, विश्‍वास अन्‍चेबयू, ङ्येत्‍या क्‍यूरबयू, मी सेबयू, वेश्य काम चेबयू, ङा-थूक् चेबयू, मूर्ति पूजा चेबयू, मेस्‍ये लूच्‍च क्‍यमबयू क्‍वाने प्ल्याङ्नब मी प्रे गन्‍धकजे भोप्‍प्रोने छाबीय। अम्‍ब दोस्रो मृत्‍यू ख्यङ्।

प्रकाश 22:15

होर्‌दे सहरजे फीनेब क्‍योयू, ङा-थूक् चेयू, वेश्य काम चेयू, मी सेब काम चेयू, मूर्ति पूजा चेयू, मेस्‍ये लूच्‍च चेब सेम् पर्‌तेयू मेस्‍ये हम्‍ब अनुसार‌ काम फरबयू क्‍यूक्‍क्‍य।