१ थेसलोनिकी 4:12 - घले नयाँ करार

¹² येरेक्यूप्प प्रभुने अन्‍स्येबयूदे नमयूने गेसेन् चीक्‍क्य, मेस्‍ये नमयू सूजेये भर् अम्‍पर्‌तीलाची।

१ थेसलोनिकी 4:12 ပူးပေါင်းရင်းမြစ်များ

मर्कूस 4:11

येशूदे थमयूने यदे, “परमेश्‍वरजे राज्‍यजे नङ्सू पो नमयूने स्‍योदे ख्यङ्, मेस्‍ये फीजे मीयूने उखान पूत्‍देत्‍या यीय,

रोमी 12:17

कोइदे नने अन्‍ज्‍यजे सट्‍टने अन्ज्य चीक्‍को यदेबे ङूने अन्‍ज्‍य अन्‍चील्‍ला ची। कम्‍ब पो मीयू क्वादेने सेम् परदे ख्यङ्, हम्‍ब पोनेत्‍या सेम् पीन्।

रोमी 13:13

ङीन नोदे म्‍या तङ्ब चेप्र ज्‍य काम चीदे। मोज-मज्‍जा चेब, च्‍यी-नादू थूङब, वेश्य काम चेब, छाडा काम चेब, च्‍य-जीङब, ठेनब काम क्‍यापी।

एफिसी 4:28

खूमान्दे जेम्से अन्खूस्‍य। बरू ङूदे छेम्प्रे चीत्देबे ईमानदार क्यूत्देबे रङ्से लादे काम चीस्‍स्‍य, मेस्‍ये हर्‌जोने पर्‌देब मीयूने पीन खूस्‍य।

फिलिप्पी 4:8

आखिरीने, अत अची च्‍योन्‌यू, चै से तम्दम् ख्यङ्, चै से गेसेन् चे लायकजे ख्यङ्, चै से ठीक ख्यङ्, चै से शुद्ध ख्यङ्, चै से प्रेम चेब लायकजे ख्यङ्, चै से सोरो छेब ख्यङ्, सोरो हार्‌मन्‍देत्‍या ज्‍य से मेस्ये चत्‍यासे सार्‌या चेब लायकजे ख्यङ्लो होर सेयूने सेम् पीनो।

कलस्सी 4:5

प्रेब मौकाजे फाइदा कीन्‍देबे ख्रीष्‍टने विश्‍वास अन्चेब मीयूप्रे व्यवहार चीप्‍प दीमाग लैदीदेबे ची।

१ थेसलोनिकी 5:22

अन्ज्‍य काम जती अन्चील्‍लाची।

१ तिमोथी 3:7

फेरि, फी मीयूजे खूम्‍नेये ङू ज्‍य ठर्‌देपर्‌दीय, नत्र ङूब बदनाम क्‍यूत्‍देबे शैतानजे यूयूने पर्‌दी प्रीय।

१ पत्रुस 2:12

यहूदी तेब मीयूजे अन्‍द्रने नमयूजे आनि-बानी सोरो ज्‍य क्‍यूस्‍स्‍य। कोइदे नमयूने अन्‍ज्‍य काम फरब मीयू यदेबे नमयूजे विरुद्ध चीत्‍देबे क्‍यम्‍लीने, थमयूदे नमयूजे सोरो ज्‍य कामयू तङ्स्‍य, मेस्‍ये परमेश्‍वर न्याय चेने रब दिनने थमयूदे परमेश्‍वरजे महिमा चीस्‍स्‍य।

१ पत्रुस 3:1

मजयू, रङ्से प्‍ल्‍यङ्‍यूजे हक नङ्ने टूङ्, मेस्‍ये येरे थमयूदे परमेश्‍वरजे वचन अम्‍मन्‍दीलीने रङ्से मजजे ज्‍य आनिबानि क्‍यूत्‍देबे चै पोये यने अम्‍पर्‌तीलाबे थमयूदे विश्‍वास चे खूइय।