१ थेसलोनिकी 2:13 - घले नयाँ करार

¹³ येरेक्‍यूत्‍देबे हम्‍बजे लागि ङीये येतार्‌ने परमेश्‍वरने धन्‍यवाद पीन्क्‍य, चेनेयलो ङीयूदे स्‍य्वेत्‍देबे नमयूदे ङ्‍यीनब वचन तम्दम्ने परमेश्‍वरजे वचन ख्यङ्, अम्‍ब नमयूदे मीजे वचन प्र दी, तर परमेश्‍वरजे वचनप्रने मन्‍दीदे, हम्‍ब वचनदे नम-विश्‍वासीयूने काम चीक्क्य।

१ थेसलोनिकी 2:13 ပူးပေါင်းရင်းမြစ်များ

मत्ती 10:20

चेनेयलो नमयू रङ्सेदेने क्‍यम अम्‍पर्‌दी, तर नमयूजे प परमेश्‍वरजे आत्मा नमयूप्रे क्‍यूत्‍देबे क्‍यम्‍क्‍य।

मत्ती 10:40

“नमयूने ग्रहण चेब मीदे ङैनेये ग्रहण चेब क्‍यूक्क्‍य मेस्‍ये ङैने ग्रहण चेब मीदे ङैने कूल्‍बेबनेये ग्रहण चेब क्‍यूक्क्‍य।

लूका 11:28

तर ङूदे यदे, “बरू नमयूदे असी प्रे ख्यङ्, सूदे परमेश्‍वरजे वचन ङ्‍यीन्क्य मेस्‍ये मन्‍दीय।”

लूका 5:1

मीयू परमेश्‍वरजे वचन ङ्‍यीनने येशूजे ती-छो तीहुल्-छोहुल् चीन्‍ख्‍य, होर्‌दे ङू गनेसरेत तालजे नने मेर्‌न ख्‍य।

लूका 8:11

जेम्‍से उखान अम्‍ब ख्यङ्: लू ब परमेश्‍वरजे वचन ख्यङ्।

लूका 8:21

तर येशूदे थमयूने यदे, “ङैजे म मेस्‍ये ङैजे च्योन्‌यू थमयू क्‍यूक्‍क्‍य, सूदे परमेश्‍वरजे वचन ङ्‍यीन्क्‍य, मेस्‍ये हम्‍ब मन्‍दीय।”

यूहन्‍ना 15:3

ङैदे नमयूने यब वचनदे नमयू तरने शुद्ध क्‍यूरीक ख्यङ्।

यूहन्‍ना 17:17

नैजे सत्यदे थमयूने पवित्र चीम्‍मी, नैजे वचन सत्य ख्यङ्।

यूहन्‍ना 17:19

थमयूजे लागि ङ रङ्सेने पवित्र चीक्‍क्‍य, चेनेयलो थमयूये तम्दम्‍ने पवित्र क्‍यूस्‍स्‍य।

मूल स्यूस्स्यायूजे कामजे किताब 10:33

होर्‌दे ङैदे हन्छ्वाबने नैट्‌याने मी कूल्‍पीदे, मेस्‍ये न ङ्येम्‍देबे रेमीदे। जेम्से प्रभुदे नने आज्ञा पीनब पोयू क्वाने ङ्‍यीनने ङी क्वाने परमेश्‍वरजे खूम्‍ने फूङ् क्‍यून्‍न ख्यङ्।”

मूल स्यूस्स्यायूजे कामजे किताब 13:48

कन्‍छ्वाब यहूदी ते मीयूदे अम्‍ब पो तदे, थमयू सूग्‍देबे परमेश्‍वरजे वचनजे सार्‌या चीत्‍दे, मेस्‍ये कलङ्बेये अन्सीबब जीयाजे लागि खूम्‍ने परमेश्‍वरदे सेलेब मीयू क्वादेने विश्‍वास चीत्‍दे।

मूल स्यूस्स्यायूजे कामजे किताब 16:14

जेम्से थिआटीरा सहरने टूङब मदी, बैजनी कोलाजे छोङ् चेब लिडिया मीन् ख्यब ‌ईश्वर मन्‍देब मदीत्‍यादे ङीजे वचन ङ्यीन्‍दे। पावलदे क्‍यमब पो ङूदे सेम् पीन्‍देबे ङ्यीन्‍स्‍य यदेबे प्रभुदे ङूजे सेम् पूक्‍मीदे।

मूल स्यूस्स्यायूजे कामजे किताब 17:11

अनेजे यहूदीयू थेसलोनिकेजे मीयू यली थेप् भलो ख्‍य। चेनेयलो अम्‍बयूदे वचन सेम् पीन्‍देबे ङ्‍यीन्‍दे, पावलदे यब पोयू चेलाबे होरप्रने लिख्दीये ख्यङ् यी त्‍वो यदेबे येतार्‌ने धर्मशास्त्र छ्‌योत्‍देबे जाँच‍ते ख्‍य।

मूल स्यूस्स्यायूजे कामजे किताब 17:32

थमयूदे सीबङ्‍येदे सोम्‍बो क्यूक्क्य यब पो कन्छ्वाब तदे, हन्‍छ्वाब कोइ-कोइदे फ्‍योदे। तर सूजोयूदे “ङी फेरि अम्‍बजे बारेने नैजे पो ङ्यीन्क्‍य” यदे।

मूल स्यूस्स्यायूजे कामजे किताब 2:41

होर्‌दे सू-सूदे ङूजे पो मन्‍दीदे थमयूदे बप्‍तिस्मा कीन्‍दे, मेस्‍ये हम्‍ब दिनने थेप्‍प्र: हजार सोम् मीयू थमयूप्रे थप्‍दीरदे।

मूल स्यूस्स्यायूजे कामजे किताब 8:14

सामरियाजे मीयूदे परमेश्‍वरजे वचन ग्रहण चे ख्यङ् यब पो तदेबे यरूशलेमने ख्‍यब मूल स्यूस्स्यायूदे पत्रुस मेस्‍ये यूहन्‍नाने थमयू ट्‌याने कूल्‍बीदे।

रोमी 10:17

येर्‌बे, सूगब खबर ङ्यीन्‍देबे विश्‍वास रीय, होरदे हम्‍ब तब पो ख्रीष्‍टजे प्रचारदे रीय।

२ कोरिन्थी 3:18

ङीन क्‍वाजे त्‍वा-उप्येब कोला स्‍यूप्‍पीदेबे ऐनादे ङीनजे त्‍वा तम्‍मेप्र प्रभुजे महिमा ङीनजे त्‍वाने तङ्क्‍य, होरदे हम्‍ब महिमा सोरो कूम थेप् थेप् क्‍यूप्‍पदेबे ङीनये प्रभु प्रने क्‍यूप्‍पीय। अम्‍ब परमप्रभुदे पीन्‍देबेत्‍या क्‍यूक्‍क्‍य, प्रभुब आत्‍मा ख्यङ्।

गलाती 4:14

ङ नव क्‍यून्‍नूब नमयूने अप्‍ठ्‍यारो पर्‌दे ख्‍य होरेक्‍यूल्‍लीने नमयूदे ङैने अन् ज्य अन्ची मेस्‍ये ह्‍यल चीत्‍देबे अम्पोङ्‌गी। तर नमयूदे ङैने परमेश्‍वर‌जे दूतने मेस्‍ये ख्रीष्‍ट येशूने चेप्र गेसेन् चीत्‍देबे येत्‍दे।

कलस्सी 1:6

अम्‍ब सूगब खबर नमयूट्‌याने फ्‍योर ख्यङ्, मेस्‍ये तम्दम्ने अम्‍बदे संसारजे का-मुलुकने असी पीन्‍देबे थेप् क्‍यूप्‍पीन ख्यङ्। परमेश्‍वरदे चेब अनुग्रहजे तम्दम् पो तदेबे क्‍वब दिनदेछोमेस्‍ये नमयूजे अन्‍द्रनेये सूगब खबरदे होरप्रने काम चीन्‍न ख्यङ्।

हिब्रू 4:12

चेनेयलो परमेश्‍वरजे वचन सोम्‍बो मेस्‍ये काम फर ख्‍वब ख्यङ्, मेस्‍ये पट्टी-ङ्हीदेने छ्‍यर धर ख्‍यब तरवार यली थेप् छ्‌यर ख्यङ्। अम्‍बदे प्राण मेस्‍ये आत्‍माने हम्‍बजे जोर्‌न्‍या जोर्‌न्‍या होर्‌दे नोङ्‍र्‌याजे नङ्ने ख्‍यब स्यीम्ने भा-भा चीत्‍देबे ती-छो भोङ् चेब, सेम्जे पो मेस्‍ये इच्छाने जाँचते खूइय।

हिब्रू 4:2

चेनेयलो थमयूनेप्र सूगब खबर ङीनेये स्‍योक्‍क ख्यङ्। तर थमयूदे तैकब परमेश्‍वरजे वचनदे थमयूने चैये फाइदा अन्‍क्‍यूर्‌, चेनेयलो थमयूदे हम्‍बने विश्‍वासये अन्‍ची मेस्‍ये अम्‍मन्‍दी।

याकूब 1:18

ङूदे सृष्‍टि चीक्‍कब साप्‍ता थोकयू नङ्ने ङीन पात्‍ता खूम्‍जे फलप्र क्‍यूर खूस्‍य यदेबे परमेश्‍वरदे रङ्से इच्छा अनुसार‌ सत्‍यजे वचन क्‍यम्‍देबे ङीनने सृष्‍टि चीत्‍दे।

१ पत्रुस 1:23

जीया पीनब मेस्‍ये येतार्‌ने टूनब परमेश्‍वरजे वचनदे, नाश क्‍यूत्‍देबे प्रब दी तर कलङ्बेये नाश अन्‍क्‍यूप्पब लूदे पीनब सर्‌ जीया टेल्‍देबे जन्मेदे ख्यङ्।

१ पत्रुस 1:25

तर प्रभूजे वचन येतार्‌ने टूनीय।” होर्‌दे नमयूने स्‍योक्‍कब सूगब खबरजे वचन अम्‍ब ख्यङ्।

१ पत्रुस 2:2

चूजोकेला प्रेब पीचयूप्र शुद्ध आत्माजे ङ्‍यलमजे तीर्‌सन ची, मेस्‍ये हम्‍ब तीर्‌सन चीत्‍देबे नमयू रङ्सेदे प्रेब मुक्तिने ठोङ्बीन खूइय।

२ पत्रुस 3:2

पवित्र अगमवक्तायूदे क्यमब अगमवाणीजे पो मेस्‍ये नमयूजे मूल स्यूस्स्यायूदे लोम्‍मेब ङीनजे प्रभु मेस्‍ये मुक्तिदाताजे आज्ञाने नमयूदे ह्‍वे चे पर्‌दीय।

१ यूहन्‍ना 3:3

होर्‌दे ङू पवित्र ख्यङ्, सूदे रङ्सेने ङूप्र पवित्र क्‍यूरने आशा चीक्‍क्‍य हम्‍ब मीयू क्‍वादेने रङ्सेने पवित्र चीक्‍क्‍य।