१ पत्रुस 5:4 - घले नयाँ करार

⁴ मेस्‍ये कन्‍छ्वाब प्रङ्बयूजे मूली तङ्‍रीय, हन्‍छ्वाब नमयूदे कलङ्बेये अन्‍रूल्‍बब महिमाजे पक्‍रीप्र मुकुट प्रेक्क्य।

१ पत्रुस 5:4 ပူးပေါင်းရင်းမြစ်များ

यूहन्‍ना 10:11

ङ सोरो ज्‍य प्रङ्ब ख्यङ्। सोरो ज्‍य प्रङ्बदे रङ्सेजे स्वान्‌यूजे लागि रङ्से ङ्वने पीन्‍क्‍य।

१ कोरिन्थी 9:25

खेल क्‍याने सामेल् क्‍यूरबयू क्‍वादेने साप्‍ताकूरूने होस्स्यार क्‍यूत्‍देबे नियम नङ्ने टूङ-पर्‌तीय। थमयू नाश क्‍यूत्‍देबे प्रब मुकुट प्रेने येरे चीक्क्य, तर ङीनब कलङ्बेये नाश अन्‍क्‍यूप्‍पब मुकुट प्रेने येरे चीक्क्य।

२ तिमोथी 4:8

जेम्‍सेमेस्‍ये ङैजे लागि धार्मिक्ताजे मुकुट तयार चीत्‍देबे हीते ख्यङ्। ठीक न्याय चेब प्रभुदे हम्‍ब दिन‍ने ङैने अम्ब मुकुट कूमीय। ङैनेत्‍या दी, तर फेरि ङू रब लम् लेन्‍नब जीती क्‍वानेने पीन्क्य।

हिब्रू 13:20

जेम्‍से कलङ्नेयली क्‍यून्‍नब करारजे कादे स्वान्‌यूजे पात्‍ता नङ्ने केन् सोम्प्रङ्ब ङीनजे प्रभु येशूने सीइली फेरि सोम्‍बो चीम्‍मेब शान्‍तिजे परमेश्‍वरदे,

याकूब 1:12

भबी-तबी पर्‌तीरब पात्‍ताङ्‍येसेमे सैदे ख्‍वब मीदे असी प्रेक्‍क्‍य, चेनेयलो येर जाँचयू सैदीकब मीदे जीयाजे मुकुट प्रेक्‍क्‍य, हम्‍ब मुकुट परमेश्‍वरने प्रेम चेब मीयूने पीन्‍क्‍य यदेबे परमेश्‍वरदे चेब कबुल ख्यङ्।

१ पत्रुस 1:4

स्वर्गने नमयूजे लागि कलङ्बेये नाश अन्‍क्‍यूप्‍पब बेस्‍से कूम असी हीते ख्यङ्, हम्‍ब शुद्ध मेस्‍ये अन्‍रूल्‍बब खल्‍जे ख्यङ्।

१ पत्रुस 2:25

चेनेयलो नमयू लम् येल्‍गब स्वान्‍यूप्र ख्‍य, तर जेम्‍से नमयू रङ्से आत्‍माजे सोम्‍प्रङ्ब मेस्‍ये सुरक्षा पीनब ट्‌याने ल्‍वार ख्यङ्।

१ पत्रुस 5:2

परमेश्‍वरदे नमयूजे जिम्माने पीनेब बगलने प्रङ्बप्र क्यूत्देबे चेलाबे ले। कोइजे कर्‌दे दी, तर नैजे रङ्से इच्छादे फरब क्‍यूस्‍स्‍य, नोर्‌जे लोभने दी तर सेवा चेब सेम् टेल्‍देबे अम्‍ब काम ची।

१ यूहन्‍ना 3:2

ङैजे छेब ख्योन्‌यू, चूजो ङीन परमेश्‍वरजे छगूम्-पूर्‌गूम् क्‍यूर ख्यङ्, मेस्‍ये ङ्येदे ङीनने च क्‍यूक्‍क्‍य यदेबे ङीनने चूजोसेमेने अन्‍तम्‍मे ख्यङ्। कन्‍छ्वाब ङू तङ्‍रीय हन्‍छ्वाब ङीनये ङूप्रने क्‍यूक्‍क्‍य चेनेयलो ङू करप्र ख्‍य ङीनदे ङूने होरप्रने तङ्क्‍य यदेबे स्‍ये ख्यङ्।

प्रकाश 1:7

ले, ङू मूक्‍पप्रने रेन ख्यङ्, मेस्‍ये क्‍वाजे म्‍यादे ङूने तङ्क्‍य। सू-सूदे ङूने स्‍यूल्‍दे हम्‍बयूदेये ङूने तङ्क्‍य, मेस्‍ये ङू रब पृथ्‍वीजे मीयू क्‍वाने ङूजे लागि शोक् चीक्‍क्‍य। येरेने क्‍यूस्‍स्‍य। आमेन।

प्रकाश 2:10

नै फ्‍याने रमल्‍नब सकस्यूप्रे अम्‍फलाची। ले, नमयूजे विश्‍वास जाँच‍तेने नमयू नङ्जे कोइ मीयूने शैतानदे कैदने चङमल्‍न ख्यङ्, मेस्‍ये नमयूने च्‍यूर्‌यासेमेत्‍या सकस् क्‍यूक्‍क्‍य। न सीब पर्‌तीलीने विश्‍वास चेब क्‍यूरो, मेस्‍ये ङैदे नने जीयाजे मुकुट पीन्‍क्‍य।

प्रकाश 3:11

ङ छ्‌योटो रेन ख्यङ्। नैप्रे च ख्यङ् हम्‍बने बोङ्बे चूङ्नू, मेस्‍ये सूदेये नैजे मुकुट लेङ्‍गे अङ्‍खूस्‍य।