१ पत्रुस 5:3 - घले नयाँ करार

³ नमयूजे जिम्माने पीनेब मीयू फ्‍याने हुकुम चील्‍लीदेबे ची, तर थमयूजे लागि ज्‍य काम फर्‌देबे नमूना तनब क्‍यूरो।

१ पत्रुस 5:3 ပူးပေါင်းရင်းမြစ်များ

यूहन्‍ना 13:15

चेनेयलो ङैदे नमयूने नमूनात्‍या पीन ख्यङ्, मेस्‍ये ङैदे नमयूने च चीम्‍मीदे नमयूदेये होरप्रने ची।

मूल स्यूस्स्यायूजे कामजे किताब 20:28

नमयूजे लागि मेस्‍ये रङ्से बगलजे लागि होस्स्यार क्‍यूत्देबे टूङ्। पवित्र आत्मादे नमयूने बगलजे जिम्मा प्‍लेब मी बन्‍देब कारण ङूदे रङ्सेजे कादे कीनब परमेश्‍वरजे मण्डलीजे स्याहार नमयूदे चीदो।

१ कोरिन्थी 11:11

येरेक्‍यूल्‍लीने प्रभुजे खूम्‍ने पतीजे बन्‍धन्‍ने मदी क्‍यूक्‍क्‍य, मेस्‍ये मदीजे बन्‍धन्‍ने पती क्‍यूक्‍क्‍य।

१ कोरिन्थी 3:5

अपोल्‍लोस सू ख्यङ्? पावल सू ख्यङ्? येशू ख्रीष्‍ट फ्‍याने विश्‍वास चीस्‍से पीनने नमयूजे लागि ङी ङ्ही परमेश्‍वरजे काम फरब मीयूत्‍यामे ख्यङ्। प्रभुदे खेर्‌दीयेब काम ङी फर्‌क्‍य।

१ कोरिन्थी 3:9

चेनेयलो ङीन परमेश्‍वरजे काम प्रे-प्रे फरब मीयू ख्यङ्, नमयूब परमेश्‍वरजे रङ् ख्यङ्, मेस्‍ये परमेश्‍वरजे कीम् ख्यङ्।

२ कोरिन्थी 1:24

नमयूजे विश्‍वास फ्‍याने ङी हक जेमेदे दी, तर नमयूने सूग्‍लाबे चेने नमयूप्रे मील्‍लीदेबे काम फर्‌क्‍य। चेनेयलो नमयू रङ्से विश्‍वासने बोल्यो क्‍यूर ख्यङ्।

२ कोरिन्थी 4:5

ङी रङ्सेजे पो स्‍य्‍वेब काम अन्‍ची, तर येशूजे लागि ङी नमयूजे त्वो क्‍यूत्‍देबे, येशू ख्रीष्‍टने प्रभु ख्यङ् यदेबे प्रचार चीक्क्‍य।

फिलिप्पी 3:17

अत-अची च्योन्‌यू, नमयू ङैदे केरे चीक्‍को होरप्रने चेब क्‍यूरो। ङीदे कर नमूनाजे जीया चब नमयूदे तङ्दे, हम्‍ब अनुसारजे जीया चबयूनेये ले।

फिलिप्पी 4:9

ङैदे लोम्‍मीब नमयूदे चै पो लोम्‍दे, ग्रहण चीत्दे, तदे मेस्ये ङैने तङ्दे, हम्बने ची, मेस्ये शान्तिजे परमेश्‍वर नमयूप्रे क्‍यूक्‍क्य।

१ थेसलोनिकी 1:7

अन्‍छ्वासेमे क्‍यूत्‍दे यी माकेडोनिया होर्‌दे अखैयाने ख्‍यब विश्‍वासीयूजे अन्‍द्रने नमयू नमूना क्‍यूत्‍दे।

२ थेसलोनिकी 3:9

सहायता प्रेब ङीजे हक त्‍वोदेबे दी, तर ङीजे बानी व्यवहार नमयूजे लागि नमूना क्यूस्स्य यदेबे ङीदे होर्‌बे चीत्‍दे।

१ तिमोथी 4:12

स्‍योर्‌ब क्यूरब कारणदे नने सूदेये ह्‍यल चे अम्‍प्रेस्‍स्‍य, तर विश्‍वासीयूजे खूम्‍ने बोली वचन, आनि-बानी मेस्ये प्रेमने, विश्‍वासने बोल्यो, शुद्ध सेम् क्‍यूत्‍देबे नदे नमूना तन्।

तीतस 2:7

नदेने साप्‍ता पोने ज्‍य काम‍जे नमूना पीन्देबे थमयूने तन्, नैजे शिक्षाने इमान्-जेमेन् क्यूरब, मेस्ये होस्स्यार क्यूर्।

१ पत्रुस 2:9

तर नमयूब सेल्‍देबे हीतेब वंश, मूरुम्जे पूस्‍र्‌या, पवित्र मीयू, मेस्‍ये परमेश्‍वरजे रङ्से मीयू ख्यङ्। ङूजे हार्‌मन्‍देब कामयूजे पो नमयूदे बोङ्बे स्‍य्‍वे खूस्‍य यदेबे ङूदे नमयूने मून्‍दूङ् ख्‍यनेदे सोरो हार्‌मन्‍देब ज्‍य ओथ्याङ् ख्‍यनेने रेत्‍दे।