१ पत्रुस 5:2 - घले नयाँ करार

² परमेश्‍वरदे नमयूजे जिम्माने पीनेब बगलने प्रङ्बप्र क्यूत्देबे चेलाबे ले। कोइजे कर्‌दे दी, तर नैजे रङ्से इच्छादे फरब क्‍यूस्‍स्‍य, नोर्‌जे लोभने दी तर सेवा चेब सेम् टेल्‍देबे अम्‍ब काम ची।

१ पत्रुस 5:2 ပူးပေါင်းရင်းမြစ်များ

लूका 12:32

“हुल चीद अम्फलाची! चेनेयलो परमेश्‍वर पदे नमयूने रङ्सेजे राज्‍य पीन्दीङ् रख्यङ्।

मूल स्यूस्स्यायूजे कामजे किताब 20:29

चेनेयलो ङैने था ख्यङ्, ङ प्रमेस्‍ये नमयूजे अन्द्रने फत्‍या च्यूङ्‍कूयू क्‍योरीय, हम्‍बदे बगलने बाँकी येस्‍स्‍ये त्‍वो।

मूल स्यूस्स्यायूजे कामजे किताब 21:13

तर पावलदे जवाफ पीन्‍दे, “नमयू येर्‌बे ङूदेबे ङैजे सेम् चैने ङूसे पीन स्व? चेनेयलो प्रभु येशूजे मीन्‍जे कारण कैद प्रपर्‌देत्‍या दी, तर यरूशलेमने सीबनेये ङ तयार ख्यङ्।”

रोमी 1:15

येरेक्‍यूत्‍देबे खूदासेमे नम रोमने ख्‍यबयूनेये ङ सूगब खबर सोरो स्‍य्‍वेस्‍ये मन्‍न ख्यङ्।

१ कोरिन्थी 9:7

सूदे रङ्सेजे थान्‍ता चदेबे सिपाईजे काम चीक्क्या स्व? अङ्‍गुरजे बली प्‍वेबदे हम्‍बजे सी अन्‍चया? रोलायू स्वोत्देबे सूदे हम्‍बजे ङ्यलम् अन्थूङ् स्व?

१ तिमोथी 3:3

च्‍यी-नादूदे स्य्वब मेस्ये छी लङब मी दी, तर ङू चीद क्‍यूत्‍देबे च्‍य-फा अन्‍चे, नोर‌्‌जे लोभ अन्‍चेब क्यूर पर्‌तीय।

१ तिमोथी 3:8

हेरप्रने डिकनयूये गेसेन् प्रेब लायकजे मी क्‍यूर पर्‌दीय, तम्दम् पो क्‍यमब, ची-नादू थूङ्देबे स्य्वोनब दी मेस्‍ये नोर‌्‌जे लोभ चेब दी,

तीतस 1:11

थमयूजे ङूर् ल्‍वा अङ्ख्‍व चेपर्‌दीय, चेनेयलो थमयूदे रङ्सेजे फाइदजे लागि खलकजे क्‍वानेने खैलाबैला चीन्‍न ख्यङ्। येर शिक्षा थमयूदे पीन अङ्क्यूर ख्‍य।

तीतस 1:7

परमेश्‍वरजे सेवा चेपर्‌दे क्यूरबदे बिशपब दोष त्‍वब क्‍यूर पर्‌दीय। ङू जिद्दी या छ्‌योट्‍टो छी चेब, या ची-नादूदे स्य्वब, या च्‍य-जीङ मेस्‍ये धनजे लोभ चेब क्यूर अङ्क्यूर्,

तीतस 2:14

येशू ख्रीष्‍टदे ङीनने साप्‍ता किसिमजे पापदे छुर्‌तेजे लागि रङ्से प्राणये पीन्‍दे। ङूदे ङीनने पवित्र चेने रङ्से मी बन्‍दीदे, मेस्‍ये ज्‍य काम चेने जोसीलो क्यूरने येरे चीत्दे।

तीतस 3:1

सरकार मेस्ये सरकारजे मीयूजे हक नङ्ने टुङ पर्‌दीय यदेबे विश्‍वासीयूने लोम्‍मी। भलो चेब कर कामनेयली फरने तयार क्यूरो यदेबे थमयूने ह्‍वेरला चीम्मी।

फिलेमोन 1:14

तर नैजे आज्ञा अम्‍प्रेत्‍दासेमे ङ चैत्‍याये चीस्‍ये अम्‍मन्, येर क्यूस्स्य यी अम्‍ब नैजे भलो चेब काम मीदे कर् चङ्देबे चेब अङ्क्यूस्स्य, तर नैजे रङ्सेजे सेम्‍दे चेब क्‍यूस्‍स्‍य।

हिब्रू 12:15

होस्स्यार क्‍यूर, परमेश्‍वरजे अनुग्रह सूमीदेये अम्‍प्रे अन्क्यूस्स्य, मेस्ये सेम्ने अन्‍ज्‍य पोजे छ डोम्‍बदेबे हम्‍ब अन्‍ज्‍य छदे त्‍यात्‍याने अन्‍थून अन्‍चीस्‍स्‍य, मेस्‍ये कूम मीयूने अशुद्ध अन्‍चीस्‍स्‍य।

२ पत्रुस 2:3

थमयूदे लूच्‍च पोयू यदेब लोभ तन्‍क्‍य, होर्‌दे नमयूप्रे फाइद कीन्‍क्‍य। थमयूदे प्रेब दण्डजे पो खूम्‍ने पक्‍क क्‍यूक्‍क ख्यङ् मेस्‍ये थमयूजे नाश क्‍यूरब पो पक्‍क ख्यङ्।