१ पत्रुस 5:12 - घले नयाँ करार

¹² ङैजे भर्‌पर्‌तेब च्‍योन् सिलासदे अम्‍ब ठून्‍यात्‍या चिट्ठी लिख्‍देने साक्‍तीमे ख्यङ्। अम्‍बने परमेश्‍वरजे तम्दम् अनुग्रह ख्यङ् यदेबे आँट पीनने मेस्‍ये गवाही पीनने अम्‍ब पो यीय। अम्‍ब अनुग्रहने नमयू बोल्यो क्‍यूत्‍देबे टूनू।

१ पत्रुस 5:12 ပူးပေါင်းရင်းမြစ်များ

यूहन्‍ना 21:21

ङूने तङ्देबे पत्रुसदे येशूने यदे, “प्रभु, अम्‍ब मीजे बारेने च क्‍यूक्‍क्‍य?”

मूल स्यूस्स्यायूजे कामजे किताब 11:23

ङू हैयाने रदेबे परमेश्‍वरजे अनुग्रह तङ्देबे सूग्‍दे, मेस्ये थमयू क्वानेने ङूदे प्रभुतेले पूरा सेम्‍दे विश्‍वास ची यदेबे बोङ् पीन्‍दे।

मूल स्यूस्स्यायूजे कामजे किताब 15:22

होर्‌दे मूल स्यूस्स्यायू, एल्डरयू मेस्‍ये मण्डलीजे कवादेने मील्‍लीदेबे पावल मेस्ये बारनाबासप्रे एन्टिओखियाने कूल्बेजे लागि कोइ मीयूने सेलब ज्य थेदे। थमयूदे मण्डलीजे मुख्य मीयू नङ्ने मी ङ्‍ही यहूदा यब बारसाबास मेस्‍ये सिलासने अम्ब कामजे लागि सेल्दे।

मूल स्यूस्स्यायूजे कामजे किताब 20:24

तर ङैजे रङ्से जीयाजे चैये ख्याल् अन्‍ची, मेस्‍ये ङ रङ्सेने माया अन्‍चील्‍लाबे रदे। परमेश्‍वरजे अनुग्रहदे सूगब खबरजे गवाही पीनने प्रब ङैजे काम मेस्ये प्रभु येशूदे पीनब ङैजे जिम्मा ङैदे पूरा चे खूस्‍य यदेबे, अन्छूत्यात्या मन ख्यङ्।

रोमी 5:2

ङूप्रे क्यूत्देबे ङीनदे विश्‍वास चीत्‍देबे परमेश्‍वरजे अनुग्रह प्रेख्यङ्। हम्‍ब अनुग्रहने ङीन बच्‍दे ख्यङ्, मेस्‍ये परमेश्‍वरजे महिमाने क्‍व प्रेक्‍क्‍य यब पोने आशा चेब क्‍यूत्‍देबे ङीन सूग प्रेख्‍य।

१ कोरिन्थी 15:1

अत-अची च्योन्‌यू, ङैदे नमयूने प्रचार चीक्‍कब सूगब खबर फेरि नमयूने ह्‍वे चीम्‍मीतीङ् र ख्यङ्, ङैदे स्‍य्‍वेब सूगब खबर नमयूदे सेम्‍ने येत्‍दे, मेस्‍ये हम्‍बने नमयूदे बोङ्बे विश्‍वास चीत्‍दे।

२ कोरिन्थी 1:19

चेनेयलो सिलास, तिमोथी, मेस्‍ये ङैदे नमयूजे अन्द्रने प्रचार चेब परमेश्‍वरजे च येशू ख्रीष्‍टप्रे खात्‍याने “क्‍यूक्‍क्‍य” होर्‌‍दे खात्‍याने “अन्‍क्‍यूर्‌” यब पो त्‍वो, तर ङूप्रे येतार्‌ने “क्‍यूक्‍क्‍य” यब पो ख्यङ्।

२ कोरिन्थी 1:24

नमयूजे विश्‍वास फ्‍याने ङी हक जेमेदे दी, तर नमयूने सूग्‍लाबे चेने नमयूप्रे मील्‍लीदेबे काम फर्‌क्‍य। चेनेयलो नमयू रङ्से विश्‍वासने बोल्यो क्‍यूर ख्यङ्।

एफिसी 3:3

परमेश्‍वरदे रङ्सेजे नङ्सू योजना पूक्‍देबे ङैने तम्‍मीदे। अम्‍बजे बारेने ङैदे नमयूने खूम्‍ने चिट्ठी ठून्‍यात्‍या लिख्दीक ख्यङ्।

एफिसी 6:21

ङ कर ख्यङ् मेस्‍ये च चीन्‍न ख्यङ्, हम्‍ब नमयूनेये था क्‍यूस्‍स्‍य यदेबे छेब च्‍योन् मेस्‍ये प्रभुने विश्‍वासीलो सेवा चेब मी तूखीकसदे साप्‍ता पोने नमयूने स्‍योक्‍क्‍य।

कलस्सी 1:7

ङीप्रे-प्रे काम फरब त्वो इपाफ्रासदे अम्‍ब पो नमयूने लोम्‍मीदे। ङू ख्रीष्‍टजे सेवा चेने भर्‌पर्‌ते ख्‍वब ङीजे पक्षजे मी ख्यङ्।

कलस्सी 4:7

ङीनजे छेब च्‍योन्, प्रभुने भर्‌पर्‌तेब मेस्‍ये ङीप्रे-प्रेने सेवाजे काम फरब त्वो तुखिकसदे ङैजे खबरयू क्‍वाने नमयूने स्‍योक्‍क्‍य।

कलस्सी 4:9

ङूप्रे ओनेसिमस रेन ख्यङ्, ङू नमयू नङ्जे त्या ख्यङ्, मेस्‍ये ङू ङीनजे छेब भरपर्‌तेब च्‍योन् ख्यङ्। थमयूदे अनेजे पोयू क्‍वाने नमयूने स्‍योक्‍क्‍य।

१ थेसलोनिकी 1:1

पावल, सिलास मेस्‍ये तिमोथीदे प परमेश्‍वर होरदे प्रभु येशू ख्रीष्‍टने ख्‍यब थेसलोनिकीयूजे मण्डलीने: अनुग्रह मेस्‍ये शान्ति क्‍यूस्‍स्‍य।

२ थेसलोनिकी 1:1

पावल, सिलास मेस्‍ये तिमोथीदे, परमेश्‍वर ङीनजे प मेस्‍ये प्रभु येशू ख्रीष्‍टने ख्‍यब थेसलोनिकीयूजे मण्डलीने:

हिब्रू 13:22

अत-अची च्योन्‌यू, ङैजे अर्तीजे पोयू चेलाबे ङ्‍यीन् यदेबे ङ नमयूने यीय, चेनेयलो ङैदे नमयूने अम्‍ब चिट्ठी ठून्‍यात्‍या लिख्दीये ख्यङ्।

१ पत्रुस 1:13

येरेक्‍यूत्‍देबे नमयूजे सेम्ने तयार ची। होस्स्यार क्‍यूरो होर्‌दे येशू ख्रीष्‍ट तङ्‍रब दिनने नमयू ट्‍याने रमेल्नब अनुग्रहने नमयूजे आशा पुरा रुप्दे चेलाबे ये।

१ पत्रुस 4:10

परमेश्‍वरजे अनुग्रह अनुसार क्वादेने थर्-थर्‌‌जे बर प्रेख्यङ्। रङ्सेदे प्रेब बर त्‍यादे-त्‍याजे भलोजे लागि‌ चील्‍ली।

२ पत्रुस 1:12

येरेक्‍यूत्‍देबे अम्‍ब पोयू क्‍वाने नमयूदे स्‍येली मेस्‍ये नमयूदे लोम्‍कब तम्दम् पो सेम्ने बोल्यो चीत्‍देबे येन्‍नूलीने ङ नमयूने अम्‍ब पोयू येतार्‌ने ह्‍वेरलाबे चीम्‍मीय।

२ पत्रुस 2:15

सोझो लम् पोङ्‍गीदेबे हम्बयू अन्‍ज्‍य लम्तेले गीले ख्यङ्। अन्‍ज्‍य कामजे फाइदाने सोरो ज्‍य थेब बओरजे च बालामजे लम्ने थमयू लादे ख्यङ्।

३ यूहन्‍ना 1:12

डेमेत्रियसजे बारेने मीयू क्वादेने ज्य य ख्यङ्, सत्‍यदेये होरप्रने गवाही पीन ख्यङ्। ङीदेये गवाही पीन्‍क्‍य, ङीयूजे गवाही तम्दम् ख्यङ् यदेबे नमयूदे स्‍ये ख्यङ्।

यहूदा 1:3

ङैजे छेब ख्योन्‌यू, ङीन क्‍वादेने प्रेब मुक्तिजे बारेने ङ सोरो लिख्दीतीङ् रथेको, होरेक्‍यूत्‍देबे रङ्सेजे पवित्र मीयूने परमेश्‍वरदे येतार्‌ने पूग्‍दीलाबे त्‍याफेने पीनब विश्‍वासजे लागि नमयूने बोङ् पीनने पर्‌दीय यप्र थेको।