१ पत्रुस 5:1 - घले नयाँ करार

¹ ख्रीष्‍टदे भोक्‍तेब सकस्यूजे साक्षी मेस्ये ङ्‍येदे तङ्‍रब महिमाने सामेल् क्‍यूर प्रेब एल्‍डर त्याजे नातादे नमयूजे नङ्ने ख्‍यब एल्‍डर ख्योन्‌यूने ङ बिन्ती चीक्‍क्य।

१ पत्रुस 5:1 ပူးပေါင်းရင်းမြစ်များ

लूका 24:48

अम्‍ब पोजे गवाही नमयू ख्यङ्।

मूल स्यूस्स्यायूजे कामजे किताब 1:22

या, येर मी यूहन्‍नाजे बप्‍तिस्मादेमेस्‍ये ङू ङीन ख्‍यनेदे तो कूतेब दिनसेमेने ङीनप्रे ख्‍य। हम्‍ब मी ङीन प्रे-प्रे ङूजे फेरि सोम्‍बो क्‍यूरेबजे गवाही क्‍यूर पर्‌दीय।

मूल स्यूस्स्यायूजे कामजे किताब 1:8

तर पवित्र आत्मा नमयूने रमेस्‍ये नमयूदे शक्ति प्रेक्‍क्‍य, मेस्‍ये नमयू यरूशलेमने, पूरा यहूदियाने, सामरियाने मेस्‍ये पृथ्वीजे पात्‍ता नजे कून-कूनसेमे ङैजे गवाही पीनब क्‍यूक्‍क्‍य।”

मूल स्यूस्स्यायूजे कामजे किताब 11:30

थमयूदे येर्‌बे लङब नोर‌्‌ यरूशलेम मण्डलीजे अगुवायूने पीनजे लागि बारनाबास मेस्‍ये शाऊलजे लाने चङ्पीदे।

मूल स्यूस्स्यायूजे कामजे किताब 14:23

कन्‍छ्वाब थमयूदे मण्डलीयू क्वानेने एल्डरयू सेल्‍देबे चून्तीदे, हन्‍छ्वाब प्रार्थना चीत्‍देबे होर्‌दे बर्त टूङ्देबे थमयू रङ्सेदे विश्‍वास चेब प्रभुजे जिम्माने थमयूने सूम्‍दीपीदे।

मूल स्यूस्स्यायूजे कामजे किताब 15:4

कन्‍छ्वाब थमयू यरूशलेमने फ्‍योरदे, हन्‍छ्वाब थमयूने मण्डलीजे, मूल स्यूस्स्यायूदे मेस्ये एल्डरयूदे स्‍वागत चीत्‍दे। परमेश्‍वरदे थमयूने चीम्‍मेब साप्‍ता पोयूजे बयान थमयूदे हैयाने चीत्‍दे।

मूल स्यूस्स्यायूजे कामजे किताब 15:6

अम्‍ब बारेने विचार चेने मूल स्यूस्स्यायू मेस्ये एल्डरयू फूङ् क्‍यूत्‍दे।

मूल स्यूस्स्यायूजे कामजे किताब 2:32

अम्‍ब येशूने परमेश्‍वरदे सोम्‍बो चीत्‍दे। अम्‍ब पोजे ङी क्वाने गवाही ख्यङ्।

मूल स्यूस्स्यायूजे कामजे किताब 20:17

पावलदे मिलेटसदे एफिससने मी कूल्‍बीदेबे मण्डलीजे एल्डरयूने कोबीदे।

मूल स्यूस्स्यायूजे कामजे किताब 20:28

नमयूजे लागि मेस्‍ये रङ्से बगलजे लागि होस्स्यार क्‍यूत्देबे टूङ्। पवित्र आत्मादे नमयूने बगलजे जिम्मा प्‍लेब मी बन्‍देब कारण ङूदे रङ्सेजे कादे कीनब परमेश्‍वरजे मण्डलीजे स्याहार नमयूदे चीदो।

मूल स्यूस्स्यायूजे कामजे किताब 21:18

नैदेरेदे पावल ङीप्रे याकूब ट्‌याने गीलीदे। हैयाने एल्डरयू क्वाने ख्‍य।

मूल स्यूस्स्यायूजे कामजे किताब 3:15

मेस्‍ये जीया पीनबने नमयूदे सेत्‍दे, हम्‍बने परमेश्‍वरदे सीयेबदे सोम्‍बो चीत्‍देबे लङ्दे, ङी अम्‍बजे गवाही ख्यङ्।

२ कोरिन्थी 5:1

चेनेयलो अने पृथ्वीने टूङब पल्‍जे कीम्प्र ङीजे अम्‍ब नाश क्यूप्पब ङ्व नाश क्‍यूत्‍देबे प्रलीने स्वर्गने कलङ्नेयली टूनब कीम् परमेश्‍वरदे ङीने पीन ख्यङ्, हम्‍बब मीजे लादे थ्‍यायेब कीम् दी यदेबे था ख्यङ्।

२ कोरिन्थी 5:8

ङीने पक्‍क ख्यङ्, क्‍यूत्‍देयलो ङी अम्‍ब नाश क्यूप्पब ङ्व पोङ्यीदेबे स्वर्गने प्रभुप्रे टूङ्बस्ये मन ख्यङ्।

फिलिप्पी 1:19

चेनेयलो नमयूजे प्रार्थना मेस्ये येशू ख्रीष्‍टजे आत्मादे तोङ्मीब ङैदे छुटकारा प्रेक्‍क्‍य यब पो ङैने था ख्यङ्।

१ तिमोथी 5:1

रङ्से यली केन्-ता मीयूने अङ्-ङर्-लाची, तर ङूने पप्र चीत्‍देबे सम्‍झीदी। रङ्से यली चीदयूने रङ्सेजे च्‍योन्‍नेप्र ची।

१ तिमोथी 5:19

मी ङ्ही या सोम्‍जे साक्षी तोदा सेमे मण्डलीजे एल्‍डरजे विरुद्धने लैदेब दोष कलङ्बेये अन्‍ङ्यीन्‍लाची।

२ तिमोथी 4:8

जेम्‍सेमेस्‍ये ङैजे लागि धार्मिक्ताजे मुकुट तयार चीत्‍देबे हीते ख्यङ्। ठीक न्याय चेब प्रभुदे हम्‍ब दिन‍ने ङैने अम्ब मुकुट कूमीय। ङैनेत्‍या दी, तर फेरि ङू रब लम् लेन्‍नब जीती क्‍वानेने पीन्क्य।

तीतस 1:5

येरेक्यूत्देबे ङैदे नने क्रेटने पोङ्इदे, यी ङैदे नने येयेप्र नदे हैयाने अन्‍जेनब कामयू पूरा ची, मेस्‍ये सहर क्‍वानेने एल्डरयू चून्‍दी।

फिलेमोन 1:9

प्रेमजे कारणदे ङ नने बरू बिन्‍ती चीक्क्य- ङ, कम्‍ब क्‍यूरेब पावल होर्‌दे येशू ख्रीष्‍टजे लागि दीनी कैदने टूनब मी त्‍या-

हिब्रू 12:1

येरेक्‍यूत्‍देबे विश्‍वासजे यर साक्षी पीनब कूम मीयूजे हुल‍दे ङीनने घेर्‌तीन ख्यङ् होरेक्‍यूत्‍देबे साप्‍ता थर्‌जे अप्‍ठर्‌ चेब ले-क्‍वीयू मेस्‍ये ङीनने बाधा पीनब पापने छाबीदेबे ङीनजे खूम्‍ने हीतेब परमेश्‍वरजे लागि ग्‍यब काम धेरेन् क्‍यूत्‍देबे पूरा चीते।

१ पत्रुस 1:12

अम्बयूदे रङ्सेजे लागि दी, तर नमयूजे लागि क्यम ख्य यब पो थमयूने परमेश्‍वरदे तम्‍मीक ख्‍य। नमयूने सूगब खबर स्‍य्‍वेब मीयूजे सेम्ने स्वर्गदे कूल्‍बेब पवित्र आत्‍मा क्‍यूत्‍देबे अम्ब पो चूजो नमयूने चेलाबे येये ख्यङ्। स्वर्ग दूतयूये अम्‍ब पो लेने सोरो सेम् चीन्‍न ख्यङ्।

१ पत्रुस 1:7

नमयूजे विश्‍वासब मीदे खेर्‌तीकब नाश क्‍यूप्‍पब मर्‌यली सोरो कूम लूजे ख्यङ्। मर्‌ने खेर्‌तेप्रने नमयूजे विश्‍वासये सकस्यूदे जाँच चीप्प ज्य प्रमाण क्यूस्स्य, मेस्‍ये येशू ख्रीष्‍ट रब नमयूदे सार्‌या, महिमा मेस्‍ये गेसेन् प्रे खूस्स्य।

१ पत्रुस 4:13

तर ख्रीष्‍टजे सकस् भोक्‍तेबने सामेल् क्यूत्देबे नमयूदे सकस् भोक्‍ते पर्‌तीब तङ्, येरे ङूजे महिमा तङ्‍रब नमयूये आनन्द मेस्‍ये सूग खूस्‍य।

१ पत्रुस 5:4

मेस्‍ये कन्‍छ्वाब प्रङ्बयूजे मूली तङ्‍रीय, हन्‍छ्वाब नमयूदे कलङ्बेये अन्‍रूल्‍बब महिमाजे पक्‍रीप्र मुकुट प्रेक्क्य।

१ यूहन्‍ना 3:2

ङैजे छेब ख्योन्‌यू, चूजो ङीन परमेश्‍वरजे छगूम्-पूर्‌गूम् क्‍यूर ख्यङ्, मेस्‍ये ङ्येदे ङीनने च क्‍यूक्‍क्‍य यदेबे ङीनने चूजोसेमेने अन्‍तम्‍मे ख्यङ्। कन्‍छ्वाब ङू तङ्‍रीय हन्‍छ्वाब ङीनये ङूप्रने क्‍यूक्‍क्‍य चेनेयलो ङू करप्र ख्‍य ङीनदे ङूने होरप्रने तङ्क्‍य यदेबे स्‍ये ख्यङ्।

२ यूहन्‍ना 1:1

ङ एल्‍डरदे, परमेश्‍वरदे सेलेब मदीचीमी मेस्‍ये ङूजे च-चीमीयूने, नमयूने तम्दम्‍ने माया चीक्‍क्‍य, तर ङैदेत्‍याये दी, सत्‍यने स्‍येब क्‍वादेने प्रेम चीक्‍क्‍य।

३ यूहन्‍ना 1:1

छेब ख्‍योन् गायस, ङ, एल्‍डरदे नने तम्दम् प्रेम चीक्‍क्‍य।

प्रकाश 1:9

ङ यूहन्‍ना, नमयूजे अत, नमयूदे प्रने येशूने विश्‍वास चीत्‍देबे सकस् भोक्‍तीब धेरेन् टूङ्दे मेस्‍ये परमेश्‍वरजे राज्‍यने सामेल् क्‍यूर ख्यङ्। परमेश्‍वरजे वचन मेस्‍ये येशू ख्रीष्‍टजे गवाही मीयूने स्‍य्‍वेब क्‍यूत्‍देबे ङैने पत्‍मोस यब टापूने हीते ख्‍य।