१ पत्रुस 4:7 - घले नयाँ करार

⁷ अम्‍ब संसार‌ जेन्टबसेमे फ्‍योर ख्यङ्। होरेक्‍यूत्‍देबे नमयू रङ्से शुद्ध सेम् मेस्ये होस्स्यार क्यूत्देबे प्रार्थना चे खूइय।

१ पत्रुस 4:7 ပူးပေါင်းရင်းမြစ်များ

मत्ती 24:42

“येरेक्यूत्देबे नमयूये चङ्‍ख क्‍यूर्, चेनेयलो नमयूजे प्रभु कम्‍ब दिनने रीय यदेबे नमयूदे अन्‍स्‍ये।

मत्ती 25:13

“येरेक्‍यूत्‍देबे नमयू चङ्‍ख क्‍यूर्, चेनेयलो हम्‍ब दिन मेस्ये बील नमयूने था त्‍वो।

लूका 21:34

“तर नमयू रङ्से बारेने होस्स्यार क्‍यूर्, न आनन्द-टूङ, ची, नादू थूङ प्रे अम्‍ब जीयाजे सूर्‌तदे नमयूजे सेम् प्लीक्कने, मेस्‍ये यूयूप्र त्‍याफेने हम्‍ब दिन नमयूफ्‍याने रने।

लूका 21:36

तर रमैब अम्‍ब पोयू क्वाप्रेने बच्‍दीदे छ्‌योङ्बजे लागि मेस्‍ये मीजे चजे खूम्‍दे मेर खूस्‍य यदेबे येतार्‌ने प्रार्थना चीत्‍देबे चङ्‍ख क्‍यूर्‌।”

लूका 22:46

येशूदे थमयूने यदे, “नमयू चैने ङ्यूम्‍न? लङ् मेस्‍ये जाँचने अम्‍पर्‌तीस्‍य यदेबे प्रार्थना ची।”

रोमी 12:12

नमयूदे आशा चीन्‍नब सेने सूग, सकस् पर्‌दीरब सैदी, मेस्‍ये येतार्‌ने प्रार्थना चीन्‍नू।

१ कोरिन्थी 15:24

कन्‍छ्वाब ङूदे हुकुमयू, हकयू मेस्‍ये शक्तियू क्‍वाने नाश चीत्‍देबे प-परमेश्‍वरने राज्‍य सूम्‍दीबीय हन्‍छ्वाब संसारजे अन्‍त क्यूक्‍क्य।

१ कोरिन्थी 7:29

अत अची च्योन्‍यु, ङैदे यमेब पो अम्‍ब ख्यङ्, बील क्यूट्‍ट ख्यङ्, जेम्‍सेमेस्‍ये कीम्‍म ख्‍यबयू कीम्‍म त्‍वयूप्र क्‍यूत्‍देबे टूङ्स्‍य।

एफिसी 6:18

येतार्‌ने प्रार्थना ची, परमेश्‍वरने तोङ्मी य। कम्‍ब बीलनेनेने यली पवित्र आत्माजे बोङ्दे प्रार्थना चीत्‍देबे टूङ्। अम्‍ब पो सेम्‍ने हीत्‍देबे येतार्‌ने होस्स्यार क्‍यूत्‍देबे परमेश्‍वरजे पवित्र मीयू क्वाजे लागि येतार्‌ने प्रार्थना चीन्‍नू।

फिलिप्पी 4:5

क्वाप्रेने ज्य व्यवहार चेब, नमयूजे बनी क्‍वादेने था प्रेस्‍स्‍य। प्रभु छ्‌योट्‍टोने ल्‍वारीय।

कलस्सी 4:2

होस्स्यार क्‍यूत्‍देबे मेस्‍ये परमेश्‍वरने येतार्‌ने धन्‍यवाद पीन्‍देबे येतार्‌ने प्रार्थना चीन्‍नू।

२ तिमोथी 4:5

तर साप्‍ता पोने न बोल्‍यो क्‍यूरो। छरङ् सैदी, वचन स्‍य्‍वेब काम ची, नदे चे पर्‌देब सेवाजे काम पूरा ची।

तीतस 2:12

अम्‍ब अनुग्रहदे ङीनने अन्ज्‍य जीया मेस्‍ये संसारजे लाल्‍ची क्याबीसे पीन्क्‍य, अम्‍ब अनुग्रहजे कारणदे ङीन रङ्सेने कबूने येत्‍देबे अम्‍ब संसारने तम्दम् मेस्‍ये धर्मी क्यूत्देबे जीया च खूइय।

हिब्रू 10:25

कोइ मीयू सङ्गतिने अम्‍प्रब बनी ख्यङ्, तर ङीनब सङ्गतिने फूङ् क्यूरने अन्क्यालाचीदे। मेस्‍ये नमयूदे प्रभु रब दिन ट्‌यार्‌‍याङ् फ्‍योरब तङ्देबे त्‍यादे त्‍याने थेप् बोङ् पीन।

हिब्रू 9:26

नत्रलो संसार सृष्‍टि चेमेस्‍येने ङूदे येतार्‌ने दु:ख चीन्‍न पर्‌ते ख्यङ्दे। तर अम्‍ब जूग् जेन्‍टब बीलने पाप हर्‌दीबेने येतार्‌जे लागि त्‍याफे रङ्से जीया बलि पीनने ङू ‍रदे।

१ पत्रुस 1:13

येरेक्‍यूत्‍देबे नमयूजे सेम्ने तयार ची। होस्स्यार क्‍यूरो होर्‌दे येशू ख्रीष्‍ट तङ्‍रब दिनने नमयू ट्‍याने रमेल्नब अनुग्रहने नमयूजे आशा पुरा रुप्दे चेलाबे ये।

१ पत्रुस 3:7

प्ल्यङ्‍यूदे होरप्रने रङ्से मजयूजैये विचार ची, मेस्‍ये मदीयू कमजोर ख्यङ् यदेबे गेसेन् चीन्‍नू, चेनेयलो नमयूने परमेश्‍वरदे पीनब जीयाजे अनुग्रह प्रेब गोसारी ख्‍योन् थमयूये ख्यङ्, येरे नमयूदे चेब प्रार्थनाने बाधा अम्‍पर्‌तीस्‍य।

१ पत्रुस 5:8

चङ्‍ख क्‍यूत्‍देबे होस् ची। नमयूजे शत्रु शैतानदे सू-तूको हम्‍बने सेत्‍देबे चस्‍ये यदेबे गेर्‌जेदेब डेन्‍यादेप्र मल्‍न ख्यङ्।

प्रकाश 16:15

“ले, ङ खूमान् रप्रने सूदेये था अम्‍प्रेल्‍लाबे रीय, सू होस्स्यार क्‍यूत्‍देबे टूनीय मेस्‍ये रङ्से ह्‍वेब कोला छ्‌योत्‍देबे येन्‍नीय ङूदे असी प्रेक्‍क्‍य। होरेअन्‍क्‍यूल्‍लो ङू च्‍यङ्ली प्रीय मेस्‍ये ङू त्‍वा पर्‌दीय।”