१ पत्रुस 4:19 - घले नयाँ करार

¹⁹ येरेक्‍यूत्‍देबे परमेश्‍वरजे इच्छा अनुसार सकस् भोक्‍तेबयूदे भलो क्‍यूरब ज्‍य काम फर्‌स्‍य मेस्‍ये थमयूजे सृष्‍टि चेब परमेश्‍वरजे लाने रङ्से आत्‍मा सूम्‍दीस्‍य, ङूदे रङ्सेजे कबुल येतार्‌ने पूरा चीक्‍क्य।

१ पत्रुस 4:19 ပူးပေါင်းရင်းမြစ်များ

लूका 23:46

बोङ्बे के योन्‍देबे येशूदे यदे, “प, ङ ङैजे आत्‍मा नैजे लाने सूम्‍दीपीय।” हन्‍छ्वा यदेबे ङूदे दियो पूत्‍दे।

मूल स्यूस्स्यायूजे कामजे किताब 7:59

थमयूदे स्तिफनस फ्‍याने लूङ् छान ख्‍य, ङूदे प्रार्थना चीत्‍दे, “ओ प्रभु येशू, ङैजे आत्मा ग्रहण चीदो।”

रोमी 2:7

धेरेन् क्यूत्देबे मीने ज्‍य चीम्मेब कामने ला-दीनूदेबे सूदे महिमा, इज्जत मेस्‍ये कलङ्बेये अन्सीबब जीया मल्‍क्‍य, परमेश्‍वरदे हम्‍बने कलङ्बेये अन्जेनब जीया पीन्‍क्‍य।

२ तिमोथी 1:12

अम्‍ब कारण ङैदे हम्‍ब छरङ् प्रेन्‍न ख्यङ्। तर ङ अन्त्‍वा, चेनेयलो ङैदे सू फ्याने विश्‍वास चे ख्यङ् हम्‍ब ङैदे स्‍ये ख्यङ्, मेस्‍ये ङैने पक्‍क ख्यङ्, कम्‍ब ङैदे परमेश्‍वरने सूम्‍दीये ख्‍य। हम्‍ब पो रब दिनसेमे चेलाबे चीम्‍देबे येन ख्‍वब ङू ख्यङ्।

१ पत्रुस 2:15

मूर्ख मीयूदे पो अन्कोलाने क्‍यमब पोयू नमयूजे सोरो ज्‍य कामदे ङूर्‌ ल्‍वा अङ्ख्‍व चीप्‍पी, परमेश्‍वरजे इच्‍छा अम्‍बने ख्यङ्।

१ पत्रुस 3:17

कादेये नदे सकस् भोक्‍तीस्‍य यब परमेश्‍वरजे इच्‍छा ख्यङ्देयलो, अन्‍ज्‍य काम चीत्‍देबे सकस् भोक्‍ते यली ज्‍य काम चीत्‍देबे दु:ख भोक्‍तेब सोरो ज्‍य ख्यङ्।

१ पत्रुस 3:20

हम्‍ब आत्‍मायूब तोङ्बोजूग्‍ने परमेश्‍वरजे आज्ञा अम्‍मन्‍देबयू ख्य। नोआदे क्‍यू जहाज बन्‍देब बीलने परमेश्‍वर हम्ब आत्मायूप्रे धेरेन् क्‍यूत्‍देबे रेन्‍न ख्‍य। हम्‍ब क्यू जहाजने मी-येत्-त्‍यामे परमेश्‍वरदे क्‍यूदे बच्‍दीमीदे।