१ पत्रुस 3:9 - घले नयाँ करार

⁹ कोइ मीदे अन्‍ज्‍य चीत्‍देयलो ङूने अन्‍ज्‍य अन्‍चील्‍लाची, या ह्‍यल चीत्‍देयलो ङूने ह्‍यल अन्‍चील्‍लाची, तर हम्‍बजे सट्‍टने असी पीनब क्‍यूरो, चेनेयलो नमयूदे असी प्रेखूस्‍य यदेबे अम्‍ब कामजे लागिने परमेश्‍वरदे नमयूने क्‍व ख्यङ्।

१ पत्रुस 3:9 ပူးပေါင်းရင်းမြစ်များ

मत्ती 19:29

ङैजे लागि सू-सूदे रङ्से कीम्, अत-च्‍योन या च-चीमी या प-म या स-क्‍यू पोङ्ये ख्यङ्, हम्‍बदे सैत्‍या गुणा थेप् प्रेक्‍क्‍य, मेस्‍ये कलङ्बेये अन्सीबब जीयाजे हक प्रेक्क्‍य।

मत्ती 25:34

“होर्‌दे मूरुम्दे रङ्सेजे स्येत्‍तेयोर् टूङब मीयूने यीय, ‘ख, ङैजे पजे असी प्रेब मीयू! संसारजे सुरुमेस्‍येने नमयूजे लागि तयार चीत्‍दे हीतेब राज्‍यने रदेबे टूङ्‍ख,

मत्ती 5:39

तर ङ नमयूने यीय, दुष्‍टने ङूर् ल्‍वाब काम अन्‍चील्‍लाची। कादेये नैजे स्‍येत्जे डम्‍बने मीदे ठरीलो, ङूने सूजो डम्‍बये तापी।

मत्ती 5:44

तर ङ नमयूने यीय, रङ्से शत्रुयूने प्रेम ची, मेस्‍ये नमयूने सतनम् पीन्‍नब मीयूजे लागि प्रार्थना ची,

मर्कूस 10:17

येशू लम्ने प्रेनूब, मीत्‍या ग्येरदेबे ङूजे खूम्‍ने पूजी चोदेबे ङूने लोत्‍दे, “ओ ज्‍यब गुरु, कलङ्बेये अन्सीबब जीया प्रेने ङैदे च चे पर्‌दीय?”

लूका 10:25

मोशाजे नियमजे पन्‍डे त्‍यादे येशूने जाँच चेने मेर्‌दे, मेस्‍ये अम्‍ब पो लोत्‍दे, “गुरुज्‍यू, कलङ्बेये अन्‍सीबब जीया-प्रेजे लागि ङैदे च चे पर्‌दे?”

लूका 18:18

हुकुम चील्‍लेब मी त्‍यादे येशूने येरे यदेबे लोत्‍दे, “ओ ज्‍य गुरु, कलङ्बेये अन्‍सीबब जीया प्रेने ङैदे च चे पर्‌दीय?”

रोमी 12:14

नमयूने छरङ् पीनब मीयूने ले अन्‍तप्‍लाबे असी पीन्।

रोमी 12:17

कोइदे नने अन्‍ज्‍यजे सट्‍टने अन्ज्य चीक्‍को यदेबे ङूने अन्‍ज्‍य अन्‍चील्‍ला ची। कम्‍ब पो मीयू क्वादेने सेम् परदे ख्यङ्, हम्‍ब पोनेत्‍या सेम् पीन्।

रोमी 8:28

ङीनदे स्‍ये ख्यङ्, परमेश्‍वरने प्रेम चेब मीयू मेस्‍ये ङूजे इच्छा अनुसार क्‍वब मीयूजे लागि साप्‍ता पोनेने ङूदे भलो चीम्‍मीय।

रोमी 8:30

सू-सूने परमेश्‍वरदे खूम्‍ने सेल्‍दे, थमयूने ङूदे मीन क्यूदेबे कोदे मेस्‍ये सू-सूने ङूदे कोदे थमयूने ङूदे धर्मी ठर्‌दीमीदे, मेस्‍ये सू-सूने धर्मी ठर्‌दीमीदे थमयूने ङूदे महिमा पीन्दे।

गलाती 3:14

अब्राहामने पीनेब असी ख्रीष्‍ट येशूने क्‍यूत्‍देबे यहूदी तेब मीयूदे प्रेस्स्‍य, होर्‌दे परमेश्‍वरने विश्‍वास चीत्‍देबे कबुल चीतेब पवित्र आत्मा ङीनदे प्रेखूस्‍य यदेबे ङूदे ङीनने लू फादेबे छूर्‌तीमीदे।

एफिसी 4:32

तर ङ्येम्‍देबे त्‍यादे त्‍याने दयामाया ची। परमेश्‍वरदे ख्रीष्‍टने क्‍यूत्‍देबे नमयूने क्षमा पीनप्र नमयूदेये त्‍यादे त्‍याने क्षमा पीन्।

१ थेसलोनिकी 5:15

सूमीदेये अन्ज्‍य चेब मीने खी फाने अन्ज्‍य अन्‍चीस्‍स्‍य, तर येतार्‌ने त्‍यादे सूजोने मेस्‍ये क्‍वाप्रेने भलो चेपर्‌दीय यदेबे ह्‍वेची।

हिब्रू 12:17

नमयूदे थाने ख्यङ्, ङ्‍येदे असी प्रेजे लागि मल्‍लीने ङूदे हम्‍ब प्रेअङ्‍खू। चेनेयलो ङूदे म्‍यामू तेल्‍देबेये हम्‍ब असी मल्‍लीने पश्‍चाताप चेब मौका अम्‍प्रे।

हिब्रू 6:14

“तम्दम्ने, ङ नने असी पीन्‍क्‍य मेस्‍ये नैजे छगूम्-पूर्‌गूम् कूम चीम्‍मीय।”

१ पत्रुस 5:10

साप्‍ता अनुग्रह चेब परमेश्‍वरदे कलङ्बेये अन्‍जेनब रङ्से महिमाजे लागि ख्रीष्‍टप्रे क्‍यूत्‍देबे नमयूने क्‍व ख्यङ्। नमयूदे तेदिनत्‍या सकस् भोक्‍तेमेस्‍ये ङूदेने फेरि नमयूने ज्‍य सर्‌, बोल्यो मेस्‍ये शक्तिशाली चीम्‍मीय।