१ पत्रुस 3:4 - घले नयाँ करार

⁴ तर नमयूजे सेम् नङ्ने भलो चेब मेस्ये सोरो तम् आत्‍माजे कलङ्बेये नाश अन्‍क्‍यूप्‍पब गन होत्‍देबे टूङ, अम्बने परमेश्‍वरजे खूम्ने सोरो कूम लू पर्‌तेब ख्यङ्।

१ पत्रुस 3:4 ပူးပေါင်းရင်းမြစ်များ

मत्ती 11:29

नैफ्‍याने ङैजे जूवा येत्‍देबे ङैप्रे लोम्, चेनेयलो ङैजे सेम् सोरो ङ्येमब मेस्ये अन्‍त्‍वेब ख्यङ्, मेस्‍ये नमयूदे रङ्से आत्माने गैन सङ प्रेक्क्‍य।

मत्ती 21:5

“सियोनजे चीमीने य, ले, नैजे मूरुम् नैट्‌याने रेन ख्यङ्, स्यूलूक्कै क्‍यूत्‍देबे गधा फ्‍याने टदे रेन ख्यङ्, ङू गधा पीच त्‍या फ्‍याने टदेबे रीय।”

मत्ती 23:26

म्‍या अन्तङब फरिसीयू, खूम् पील मेस्ये थल्जे नङ्दे यप्, मेस्‍ये हम्‍बजे फीदेये खम्सङ् क्यूस्स्य।

मत्ती 5:5

चीद क्‍यूरब मीयूदे असी प्रेक्‍क्‍य, चेनेयलो हम्‍बयूदे पृथ्वीजे हक प्रेक्‍क्‍य।

लूका 11:40

मूर्ख मीयू, सूदे फीजे भा बन्‍दीदे, ङूदेने नङ्जे भाये बन्‍दे ते स्व?

लूका 16:15

होर्‌दे येशूदे थमयूने यदे, “मीयूजे खूम्‍दे रङ्सेदेने धर्मी त्‍वेब नमयूने ख्यङ्, तर परमेश्‍वरदे नमयूजे सेम्जे पो स्‍ये ख्यङ्, चेनेयलो मीयूजे अन्द्रने कम्‍ब सोरो ज्‍य येन ख्‍य, परमेश्‍वरजे म्‍यादे हम्‍ब अन्ज्‍य ठर्‌दीय।

रोमी 1:23

मेस्‍ये थमयूदे कलङ्बेये अन्सीबब परमेश्‍वरने अम्‍पूस्‍तीलाबे सीबब मी, तोप् स्यी ख्‍यब रोला, ययू, गूदे स्‍यूनब जन्‍तूयूजेप्र मूर्तियू बन्‍तीदेबे हम्‍बने पूस्‍तीदे।

रोमी 2:29

सेम् नङदे मेस्‍येने यहूदी क्‍यूल्‍लो त्‍या सूने यलीने यहूदी य खूइय। तम्दम्‍जे खतनाब सेम् नङ्जे मेस्‍ये आत्माजे पो ख्यङ्, लिख्दीयेब मोशाजे नियमजे पो दी। येर खतना चेब मीजे सार्‌या मीयूदे दी, तर परमेश्‍वरदे चीक्‍क्‍य।

रोमी 6:6

ङीनने था ख्यङ्, ङीन्‍जे पापजे स्‍वभाव ङूप्रे क्रूसने खील् ठोक्‍दीदेबे पील्‍कदे, येरेक्‍यूत्‍देबे ङीन्‍जे पापजे स्‍वभाव नाश क्यूस्स्य, मेस्‍ये होरदे छो ङीन पापजे त्वो-त्वोम अन्‍क्‍यूरला चीदे।

रोमी 7:22

ङैजे सेम् नङ्ने परमेश्‍वरजे नियम ख्यङ्देबे सूगप्रे ख्यङ्,

२ कोरिन्थी 10:1

ङ पावल, नमयूजे खूम्‍ने क्‍यूप्‍प सोरो चीद क्‍यूक्‍क्‍य, तर चीन्‍तङ् क्‍यूप्‍प नमयूजे लागि सेम्ने आँट रीय। ख्रीष्‍टने ख्‍यब चीद क्‍यूरब मेस्‍ये ङ्येमब सेम्दे ङ नमयूने बिन्‍ती चीक्‍क्‍य।

२ कोरिन्थी 4:16

येरेक्‍यूत्‍देबे ङी सेम् चीद अन्‍ची। ङीजे फीजे ङ्व नाश क्‍यूप्‍पीनूली ङीजे नङ्जे आत्‍माब दिन‍जेने सर्‌ क्‍यूप्‍पीनीय।

गलाती 5:23

चीद क्यूरब, रङ्सेदे रङ्सेने कबूने येन ख्‍वब ख्यङ्। येर पोयूजे विरुद्ध चेब कम्‍ब नियमये त्‍वो।

एफिसी 4:2

येतार्‌ने स्‍यूलूक्‍कै, सोझो मेस्‍ये धेरेन् क्‍यूत्‍देबे त्‍यादे त्‍याने प्रेम चीदेबे सैदीदेबे,

कलस्सी 3:12

होरेक्‍यूत्‍देबे परमेश्‍वरदे सेल मीयूप्र पवित्र मेस्‍ये छेब क्‍यूत्‍देबे नमयूब ङ्येमब सेम्, दया चेब, तोङब सेम्, चीद क्‍यूरब मेस्‍ये अन्-आतीलाबे रेन्‍न ख्‍वब क्‍यून्‍नू।

कलस्सी 3:3

चेनेयलो नमयू सीये ख्यङ् मेस्‍ये परमेश्‍वरने नमयूजे जीया ख्रीष्‍टप्रे फूये ख्यङ्।

१ थेसलोनिकी 4:11

ङीदे नमयूने आज्ञा पीनप्र नमयू सून्‍ताकी क्‍यूत्‍देबे टूङने, रङ्से कामनेत्या सेम् पीन् मेस्ये रङ्सेजे लादेने काम फरने बोङ् ची,

२ थेसलोनिकी 3:12

जेम्‍से ङी, प्रभु येशू ख्रीष्‍टजे मीन्‍ने येर मीयूने आज्ञा मेस्‍ये अर्ती पीन्क्‍य, यी थमयूदे पारा अम्पूल्लाबे रङ्से काम चीस्‍स्‍य मेस्‍ये रङ्से रङ्से लादेने केमेदीदेबे चस्‍य।

१ तिमोथी 2:2

मूरुम्‌यू मेस्ये केन् पदने टूङब मीयूजे लागिये प्रार्थना ची, मेस्‍ये येरक्‍यूस्‍स्‍य यी ङीन सेम् ढूक्‍क मेस्‍ये शान्ति क्‍यूत्‍देबे साप्‍ता तर्‌तीप्देने धर्मी मेस्ये मीदे ज्‍य गेसेन् चेब जीया च खूस्‍य।

२ तिमोथी 2:25

रङ्सेजे विरोध चेयूप्रे चीद क्‍यूत्‍देबे ज्‍य लोम-तन ख्‍वब क्‍यूर पर्‌दीय। होरेक्‍यूल्‍लो कादेये परमेश्‍वरदे थमयूने पश्चात्ताप चीत्‍देबे ल्‍वारब सेम् होर्‌दे सत्य पो चेलाबे क्‍व ख्‍वब सेम् पीन्क्‍य।

तीतस 3:2

थमयूदे सूजेये विरोध अन्चीस्स्य, होर्‌दे च्‍य-फाये अन्चीस्स्य तर मीयू क्‍वाप्रेने चीद क्‍यूत्‍देबे मील्‍ले ख्‍वब क्यूस्स्य।

याकूब 1:21

येरेक्‍यूत्‍देबे अन्‍ज्‍य आनि-बानी मेस्‍ये दुष्‍ट पोयू क्‍वाने क्यापी मेस्ये नमयूजे सेम्ने हीतेब पो स्यूलूक्कै क्‍यूत्‍देबे मन्‍दी, नमयूजे प्राणने उद्धार चीम्मे ख्‍वब शक्ति अम्‍ब पोने ख्यङ्।

१ पत्रुस 1:23

जीया पीनब मेस्‍ये येतार्‌ने टूनब परमेश्‍वरजे वचनदे, नाश क्‍यूत्‍देबे प्रब दी तर कलङ्बेये नाश अन्‍क्‍यूप्पब लूदे पीनब सर्‌ जीया टेल्‍देबे जन्मेदे ख्यङ्।

१ पत्रुस 3:15

तर येशू ख्रीष्‍टब प्रभु ख्यङ् यदेबे नमयूजे सेम्‍दे ङूने पूस्‍ती। नमयूप्रे ख्‍यब आशाजे पो कोइदे लोत्‍देयलो हम्‍बजे जवाफ पीनजे लागि येतार्‌ने तयार क्‍यूत्‍देबे टूङ्, तर चीद स्यूलूक्कै मेस्‍ये गेसेन् चीत्‍देबे हम्‍ब काम चीदो।