१ पत्रुस 3:22 - घले नयाँ करार

²² ङू स्वर्गने गीलीदेबे परमेश्‍वरजे स्येत्‍तेयोर्‌ देन् छ्‍यान ख्यङ्, होर्‌दे स्वर्गदूतयू, हुकुम चेबयू मेस्‍ये शक्तियू फ्‍याने ङूदे हुकुम चेख्यङ्।

१ पत्रुस 3:22 ပူးပေါင်းရင်းမြစ်များ

मत्ती 22:44

‘परमप्रभुदे ङैजे प्रभुने यदे, “ङ नैजे शत्रुयूने नैजे तोप् त्‍याङ्नङ्ने अन्हीदासेमे, न ङैजे स्येत्‍तेयोर् टूङ्”।’

मत्ती 28:18

होर्‌दे येशू थमयू ट्‌याने रदेबे यदे, “स्वर्ग प्रे पृथ्वीजे साप्‍ता हक ङैने पीने ख्यङ्।

मर्कूस 12:36

पवित्र आत्मादे दाऊद रङ्सेने येरे यस्‍ये पीन्‍दे, “ ‘परम्प्रभुदे ङैजे प्रभुने यदे, “कन्‍छ्वासेमे ङैदे नैजे शत्रुयूने नैजे तोप् त्याङ् नङ्ने अन्‌-येन्, हन्‍छ्वासेमे न ङैजे स्येत्‍तेयोर् टूङ्”।’

मर्कूस 16:19

प्रभु येशू स्यूस्स्यायूप्रे बात्‍से जेनङ्‌येदे ङू स्‍वर्गने कूदीदे मेस्‍ये परमेश्‍वरजे स्येत्‍तेयोर्‍दे टून ख्यङ्।

लूका 20:42

चेनेयलो भजनजे किताबने दाऊद रङ्सेदेने य ख्यङ्, ‘परमप्रभुदे ङैजे प्रभुने यदे, “न ङैजे स्येत्‍तेयोर्‌ टूङ्,

यूहन्‍ना 13:32

कादेये परमेश्‍वरजे महिमा ङू फ्‍याने क्‍यूक्‍क ख्यङ् यलो परमेश्‍वर रङ्सेदेये ङूने महिमा चीम्‍मीय, होर्‌दे ङूने च्‍योर्‌लाबे महिमा पीन्‍क्‍य।

मूल स्यूस्स्यायूजे कामजे किताब 1:11

थमयूदे यदे, “गालीलजे मीयू, नमयू चेने मेर्‌देबे मूतेले लेन्‍न? अम्‍ब येशू, ङू नमयूजे ट्‌यादे स्वर्गने कूते ख्यङ्, चूजो केर्‌बे नमयूदे ङूने स्वर्गने गीलेब तङ्दे, होरप्रने ङू फेरि रीय।”

मूल स्यूस्स्यायूजे कामजे किताब 3:21

परमेश्‍वरदे तङ्बोमेस्‍येने रङ्से पवित्र अगमवक्तायूजे ङूर्‌दे यप्र साप्‍ता थोक सर् बन्‍देब दिन सेमे येशू स्वर्गने क्‍यूर पर्‌दीय।

रोमी 8:34

होर्‌दे थमयूने सूदे दण्डजे आज्ञा पीन खूइय? चेनेयलो ख्रीष्‍ट थमयूजे सट्‍टने दण्ड भोक्‍तीदेबे सीये ख्यङ्। ङू सीये त्‍या दी, अम्‍ब यली केन् काम सीयेबदे फेरि सोम्‍बो चीम्मीदे। चूजो ङू परमेश्‍वरजे स्येत्‍तेयोर् टूङ्देबे राज्‍य चील्‍लीन ख्यङ्। होर्‌दे ङूदे ङीनजे लागि परमेश्‍वरप्रे बिन्तीये चीन्‍न ख्यङ्।

रोमी 8:38

चेनेयलो ङैने पक्क था ख्यङ्, चै पोदेये ङीनने ख्रीष्‍टजे प्रेमप्रे स्‍या अन्‍खू। मृत्‍यूदे, या जीयादे, या स्वर्गदूतयूदे, या शैतानजे शक्तिदे, या दीनीजे पोयूदे या नङ्‍गजे पोयूदे, या शक्तियूदे,

१ कोरिन्थी 15:24

कन्‍छ्वाब ङूदे हुकुमयू, हकयू मेस्‍ये शक्तियू क्‍वाने नाश चीत्‍देबे प-परमेश्‍वरने राज्‍य सूम्‍दीबीय हन्‍छ्वाब संसारजे अन्‍त क्यूक्‍क्य।

कलस्सी 3:1

कादेये नमयू ख्रीष्‍टप्रेने जीया च ख्यङ् यलो स्‍वर्गजे पोयू मल्, होयाने ख्रीष्‍ट परमेश्‍वरजे स्येत्‍देयोर्‌ टून ख्यङ्।

हिब्रू 1:13

“तर परमेश्‍वरदे कम्‍ब स्‍वर्गदूतने कलङ् येरे यदे स्‍व, न ङैजे स्येत्‍तेयोर् टूङ्, कन्छ्वासेमे ङ नैजे शत्रुयूने नैजे तोप् त्‍याङ् नङ्ने अन्-येत्‍दा?”

हिब्रू 1:3

परमेश्‍वरने ख्‍यब महिमाजे रूप् चने तङ्क्‍य मेस्‍ये परमेश्‍वरजे स्‍वभावयू क्‍वाने ङूप्रे ख्यङ्, होर्‌दे अम्‍ब संसारने ख्‍यब साप्‍ता सेयू रङ्से शक्‍तिजे वचनदे रङ्से रङ्से नेने छ्‌यान ख्यङ्। मीयूजे पापने क्षमा पीन जेन ङ्येदे महिमाने ख्‍यब परमेश्‍वरजे स्येत्‍देयोर्‌ देन् छ्‍यादे।

हिब्रू 1:6

पात्‍ता खूम् जन्मीदेब रङ्से च संसारने रेप्‍प ङूदे फेरि यख्यङ्, “परमेश्‍वरजे स्‍वर्गदूत क्‍वादेने ङूनेने पूस्तीनीस्य।”

हिब्रू 10:12

तर ख्रीष्‍टदे पापयूजे लागि येतार्‌ने पूक्‍तेब तीत्‍यात्‍या बलि पीन्‍दे, होर्‌दे ख्रीष्‍ट परमेश्‍वरजे स्येत्‍तेयोर् देन् छ्‌यान ख्यङ्।

हिब्रू 12:2

ङीनजे विश्‍वासने सुरु मेस्‍ये पूरा चीम्‍मेब येशूने लेन्‍नूदे, ङूजे खूम्‍ने हीम्‍मेब आनन्दजे लागि न प्‍वेब पोने चैत्‍याये अम्‍मन्‍लाबे ङूदे क्रूसजे सकस् भोक्‍तीदे, मेस्‍ये परमेश्‍वर देन् छ्‍यानब सिंहासनजे स्येत्‍देयोर्‌ देन् छ्‌यान ख्यङ्।

हिब्रू 4:14

स्‍वर्गने गीलेब परमेश्‍वरजे च येशू ङीनजे पात्‍ता केन् पूस्‍र्‌या ख्यङ्, होरेक्‍यूत्‍देबे ङीनदे चीन्‍नब अम्‍ब विश्‍वासने थेप् बोल्यो क्‍यूत्‍देबे टूङ पर्‌तीय।

हिब्रू 6:20

होयाने ङीनयली खूम्ने गीलेब येशू ङीनजे तर्फदे मल्‍कीसेदेकजे गज्ज्य अनुसार येशू पात्‍ता केन् पूस्‍र्‌या क्‍यूत्‍देबे क्‍योइक ख्यङ्।

हिब्रू 8:1

जेम्‍से ङीदे यमेब पो अम्‍बने ख्यङ्: ङीनजे येर पात्‍ता केन् पूस्‍र्‌या ख्यङ्, ङूब स्वर्गने टूङब पात्‍ता केन् परमेश्‍वजे सिंहासनजे स्येत्‍देयोर्‌ने देन् छ्‌यान ख्यङ्।

हिब्रू 9:24

अम्‍ब तम्दम्जे पवित्र पाल-कीम्जे नमूना चीत्‍देबे मीजे लादे बन्‍दीयेब पवित्र नेने ख्रीष्‍ट अन्‍क्‍योइ, तर ङू स्‍वर्ग नङ्ने क्‍योइदे, मेस्‍ये ङू ङीनजे लागि परमेश्‍वरजे खूम्‍ने क्यूर ख्यङ्।