१ पत्रुस 3:21 - घले नयाँ करार

²¹ अम्‍ब क्‍यूजे बप्‍तिस्मा कीनब च्यूनूप्रत्‍या ख्यङ्, अम्‍बदे नमयूने बच्‍दीमीय। अम्‍ब ङ्वजे मैल स्‍येल्‍बेप्र दी, तर अम्‍ब शुद्ध विवेक क्‍यूरजे लागि परमेश्‍वरप्रे चेब कबुल ख्यङ्। अम्‍ब बप्‍तिस्मादे सीइदेबे सोम्‍बो क्‍यूरब येशू ख्रीष्‍टजे कारण नमयूने बच्‍दीमीय।

१ पत्रुस 3:21 ပူးပေါင်းရင်းမြစ်များ

मत्ती 28:19

येरेक्‍यूत्‍देबे प्र, मेस्‍ये देश देशजे मीयूने स्यूस्स्या बन्‍दी, परमेश्‍वर, च मेस्‍ये पवित्र आत्माजे मीन्‍ने थमयूने बप्‍तिस्मा पीन्,

मर्कूस 16:16

येशूने विश्‍वास चीत्‍देबे बप्‍तिस्मा कीनब मीदे मुक्ति प्रेक्‍क्‍य। तर सूदे ङूने विश्‍वास अन्‍ची ङू दोषी क्‍यूक्‍क्‍य।

यूहन्‍ना 13:9

सिमोन पत्रुसदे ङूने यदे, “ओ प्रभु, ङैजे तोप् त्‍या दी, तर ङैजे लाप्रे ट-सजने ठूमी।”

मूल स्यूस्स्यायूजे कामजे किताब 16:33

मून्‍दे हन्छ्वाबने ङूदे थमयूने कूदीदेबे म ठूमीदे। होर्‌दे ङूप्रे ङूजे कीम् म्‍हीत्‍तीदे खात्‍याने बप्‍तिस्मा कीन्‍दे।

मूल स्यूस्स्यायूजे कामजे किताब 2:38

पत्रुसदे थमयूने यदे, “पश्‍चात्ताप ची, मेस्‍ये नमयूजे पाप-क्षमाजे लागि येशू ख्रीष्‍टजे मीन्‍ने नमयू क्वादेने बप्‍तिस्मा कीन्, मेस्‍ये नमयूदे पवित्र आत्माजे बर प्रेक्‍क्‍य।

मूल स्यूस्स्यायूजे कामजे किताब 22:16

जेम्से चैने गला चे? लङ् मेस्ये बप्‍तिस्मा कीन्, होर्‌दे येशूजे मीन् गोम्‍देबे रङ्सेजे पाप ठू।’

मूल स्यूस्स्यायूजे कामजे किताब 8:36

होर्‌दे थमयू लम्‍ने प्रेनूब छीत्‍या क्‍यू ख्‍य नैत्‍याने फ्‍योरदे। हम्‍ब नपुंसकदे यदे, “ले, अने क्‍यू टूङ्, ङैने बप्‍तिस्मा पीनने चेदे रोक्‍ते खूइय?”

मूल स्यूस्स्यायूजे कामजे किताब 8:37

[फिलिपदे यदे, “कादेये नैजे पूरा सेम्‍देने विश्‍वास चे ख्यङ्लो नदे बप्‍तिस्मा कीन खूइय।” ङूदे जवाफ पीन्‍दे “येशू ख्रीष्‍ट परमेश्‍वरजे च ख्यङ् यदेबे ङ विश्‍वास चीक्‍क्‍य।”]

रोमी 5:14

आदममेस्‍ये मोशाने नियम पीन्‍दासेमेजे मीयू फ्‍याने मृत्‍यूदे राज्‍य चीत्‍दे, मेस्‍ये सूदे आदमदेप्र पाप अन्‍चे ख्‍य हम्‍ब मीयू फ्‍यानेये मृत्‍यूदे राज्‍य चीत्‍दे। आदमब ङूजे रूप् ख्‍य, हम्‍बब संसारने रस्‍ये ख्‍य।

१ कोरिन्थी 12:13

चेनेयलो यहूदी क्‍यूल्‍लीने, ग्रीक क्‍यूल्‍लीने, त्वो-त्वोम क्‍यूल्‍लीने, त्वो-त्वोमदे स्वतन्त्र क्यूल्लीने तीत्यात्या पवित्र आत्मादे ङीन क्‍वाने बप्तिस्मा क्‍यूर प्रेत्‍देबे ङ्वत्‍या क्‍यूर ख्यङ्, मेस्ये परमेश्‍वरदे त्याप्र पवित्र आत्मा ङीन क्‍वानेने पीन्‍दे।

१ कोरिन्थी 4:6

अत अची च्योन्‍यु, नमयूने ज्‍य क्‍यूस्‍स्‍य यदेबे ङैदे रङ्से मेस्‍ये अपोल्‍लोसजे नमूना तन्‍देबे अम्‍ब साप्‍ता पो लिख्दीन ख्यङ्, येरे ङीदे लोम्‍मेब पवित्र धर्मशास्त्र अनुसार नमयू रङ्से जीया च खूस्‍य, मेस्‍ये नमयू नङ्ने सूदेये त्‍यादे त्‍याजे विरुद्ध चीत्‍देबे केन् अन्‍त्‍वोस्‍स्‍य।

२ कोरिन्थी 1:12

अम्‍ब पोने ङी त्‍वोक्‍क्‍य, होर्‌‍दे ङीजे विवेकदेये हम्‍बजे गवाही पीन्‍क्‍य, चेनेयलो संसारने क्‍यूप्‍प ङीदे थेप्‍प्र नमयूप्रे पवित्र रूप्‍‍दे मेस्‍ये परमेश्‍वरजे सत्य तन्‍देबे प्र-ख्यङ्, अम्‍ब संसारजे बुद्धि अनुसार दी, तर परमेश्‍वरजे अनुग्रह अनुसार चे ख्यङ्।

२ कोरिन्थी 7:1

येरेक्‍यूत्‍देबे ङैजे छेब ख्योन्‌यू, ङीनदे अम्‍ब कबुलयू प्रेत्‍देबे ङीनजे ङ्व प्रे आत्‍माने अन्‍ज्‍य चेब साप्‍ता थर्‌जे सेयू चैये अन्‍चील्‍लाबे रङ्सेने शूद्ध चीदे, मेस्‍ये परमेश्‍वरजे डर येत्देबे पूरा रुप्दे पवित्र क्‍यूप्‍पे।

गलाती 3:27

चेनेयलो नमयू नङ्ने सू-सूदे ख्रीष्‍टजे मीन्‍ने बप्‍तिस्मा कीन्‍दे, नमयू क्‍वाने ख्रीष्‍टप्रने क्‍यूर ख्यङ्।

एफिसी 5:26

येर्‌बे ख्रीष्‍टदे हम्‍बने क्‍यूदे ठूदेबे रङ्से वचनदे पवित्र चे खूस्‍य,

कलस्सी 2:12

बप्‍तिस्मा क्‍यूप्‍प नमयूजे पापजे स्वभावयू ख्रीष्‍टप्रेने पोप्‍पीक ख्‍य। सीयेङ्येदे ख्रीष्‍टने सोम्‍बो चीम्‍मेब परमेश्‍वरजे शक्तिने नमयूदे विश्‍वास चीत्‍देबे अम्‍ब बप्‍तिस्माने नमयूये ख्रीष्‍टप्रेने सोम्‍बो चीम्‍मीदे।

१ तिमोथी 1:5

अम्‍ब आज्ञाजे मूल पो प्रेम ख्यङ्, हम्‍ब शुद्ध सेम्, ज्‍य विवेक मेस्ये तम्दम् विश्‍वासदे योङ्‍रीय।

१ तिमोथी 6:12

विश्‍वासजे सोरो ज्‍य लडाइँ चीङ्। कलङ्बेये अन्सीबब जीयाने ङ्‍येप्नू। अम्‍बजे लागि नने कोक ख्‍य, नदे कूम मीयूजे खूम्‍दे नैजे विश्‍वासजे सोरो ज्‍य साक्षी पीन्‍क ख्‍य।

हिब्रू 10:22

होरेक्‍यूत्‍देबे क्रूसने सीयेब येशूजे कादे ङीन्‍जे अन्‍ज्‍य विवेकने शुद्ध चीक्‍क्य। शुद्ध क्‍यूदे ङीन्‍जे ङ्व ठूदेबे तम्दम् सेम्दे विश्‍वासजे पुरा भर्‌‍ने ङीन परमेश्‍वरजे खूम्‍ने प्रे।

हिब्रू 11:19

परमेश्‍वरदे सीयेब मीनेये फेरि सोम्‍बो चीम्‍मे खूइय यब पो अब्राहामदे ह्‍वे चीत्‍दे, अम्‍ब पो नमूनाजे रूप्ने येनूलोब, अब्राहामदे सीयेब रङ्से च इसहाकने फेरि सोम्‍बो ल्‍वारे प्रेत्‍दे।

हिब्रू 13:18

ङीजे लागि प्रार्थना चीन्‍नू। ङीने विश्‍वास ख्यङ्, ङीजे विवेक सफा ख्यङ्, मेस्‍ये येतार्‌ने ज्‍य काम चीन्‍नस्‍ये यब ङी सेम् चीक्‍क्य।

हिब्रू 9:14

ख्रीष्‍टजे कादे नमयूजे चैये काम अन्‍लादेब विवेकने अझ थेप् कूम शुद्ध चीम्‍मीय, मेस्‍ये नमयूदे सोम्‍बो परमेश्‍वरजे सेवा चे खूस्‍य। चेनेयलो येतार्‌ने क्यून्‍नब परमेश्‍वरजे आत्माप्रे क्यूत्देबे ख्रीष्‍टदे रङ्सेने चैये खोट् त्‍वब बलिजे रूप्‍ने परमेश्‍वरने चेर्‌तीपीदे।

हिब्रू 9:24

अम्‍ब तम्दम्जे पवित्र पाल-कीम्जे नमूना चीत्‍देबे मीजे लादे बन्‍दीयेब पवित्र नेने ख्रीष्‍ट अन्‍क्‍योइ, तर ङू स्‍वर्ग नङ्ने क्‍योइदे, मेस्‍ये ङू ङीनजे लागि परमेश्‍वरजे खूम्‍ने क्यूर ख्यङ्।

१ पत्रुस 1:3

ङीन प्रभू येशू ख्रीष्‍टजे प परमेश्‍वरने जै-जै क्यूस्स्य। परमेश्‍वरदे रङ्सेजे सोरो केन् कृपादे चीत्‍देबे, येशू ख्रीष्‍टने सीयेबदे सोम्‍बो चीम्‍मीदेबे ङीनने कलङ्बेये अन्जेनब जीया प्रेब आशाजे लागि सर्‌ जुनि पीन ख्यङ्।

१ पत्रुस 3:16

नमयूजे विवेक शुद्ध यी, येरेक्‍यूल्‍लो नमयूने क्‍वा क्‍यमबयू मेस्‍ये ख्रीष्‍टने नमयूजे आनिबानि ज्‍य तङ्देबे न-प्‍वेब मीयू त्‍वा पर्‌तीस्‍य।