१ पत्रुस 3:18 - घले नयाँ करार

¹⁸ चेनेयलो ख्रीष्‍टदे ङीनजे पापयू प्‍लेत्‍देबे येतार्‌जे लागि त्‍याफेने सीइदे। ङूदे कलङ्बेये पाप अन्‍चे ख्‍य, तर नमयूने परमेश्‍वर ट्‍याने कूबने पाप चेयूजे लागि सीइदे। ङू ङ्वने सीइदे, तर आत्‍माजे शक्तिने ङू फेरि सोम्‍बो क्यूत्दे।

१ पत्रुस 3:18 ပူးပေါင်းရင်းမြစ်များ

मत्ती 27:19

होर्‌दे न्याय चेने टूङब बीलने ङूजे मजदे येरे यदेबे खबर चङ्पीदे, “हम्‍ब दोष त्‍वब मीने चैत्‍याये अन्चील्‍लाची, चेनेयलो दीनी ङैदे मोङ्ने ङूदे कूम सकस् भोक्‍तीनब तङ्देबे ङ सोरो अन्सूग्।”

मत्ती 27:24

येरेक्यूत्देबे पिलातसदे रङ्सेजे चैसीप्‌ये अन्‍लादे तङ्देबे, बरू झन् थेप् खैलाबैला मच्‍दीबीइच यदेबे ङूदे क्‍यू टेल्‍देबे मी हुल‍जे खूम्ने रङ्से ला ठूदेबे यदे, “अम्‍ब मीने सेब दोष ङैने दी, तर नमयूने लादीस्‍य।”

यूहन्‍ना 16:10

धार्मिकताजे पोने थमयू दोषी ख्यङ्, चेनेयलो ङ प ट्‌याने प्रीय, होर्‌दे नमयूदे फेरि ङैने तङ्स्‍ये त्‍वो।

मूल स्यूस्स्यायूजे कामजे किताब 22:14

“होर्‌दे ङूदे यदे, ‘ङीनजे मेमेजे परमेश्‍वरदे ङूजे इच्छा नदे स्‍येस्य, मेस्ये हम्‍ब धार्मिक पतीने तङने, होर्‌दे ङूजे ङूर्‌जे पो ङ्‍यीनजे लागि नने सेल ख्यङ्।

मूल स्यूस्स्यायूजे कामजे किताब 3:14

तर नमयूदे पवित्र मेस्‍ये धर्मी मीने अन्क्यूर् यदेबे ङूजे सट्‍टने ज्यानमारा त्‍याने क्यापी यदेबे यदे।

रोमी 1:4

ङीनजे प्रभू येशू ख्रीष्‍ट सीयेबदे फेरि सोम्‍बो क्यूत्देबे पवित्र आत्माजे शक्तिने परमेश्‍वरजे च ख्यङ् यदेबे ठर्‌तीकदे।

रोमी 4:25

येशू ङीनजे पापजे लागि सेक्‍कदे, होर्‌दे ङीनने धर्मी ठर्‌देने फेरि सोम्‍बो चीम्मीदे।

रोमी 5:2

ङूप्रे क्यूत्देबे ङीनदे विश्‍वास चीत्‍देबे परमेश्‍वरजे अनुग्रह प्रेख्यङ्। हम्‍ब अनुग्रहने ङीन बच्‍दे ख्यङ्, मेस्‍ये परमेश्‍वरजे महिमाने क्‍व प्रेक्‍क्‍य यब पोने आशा चेब क्‍यूत्‍देबे ङीन सूग प्रेख्‍य।

रोमी 8:11

येशूने सीयेब ङ्वदे फेरि सोम्‍बो चीम्‍मेब परमेश्‍वरजे आत्‍मा नमयू नङ्ने बास टूङ्देयलो, ख्रीष्‍ट येशूने सीयेबदे सोम्बो चीम्मेब परमेश्‍वरदेने नमयूप्रे बास टूङब ङूजे आत्माने क्यूत्देबे नमयूजे सीयेब ङ्वनेये सोम्बो चीम्मीय।

रोमी 8:3

पापी स्‍वभावदे मीने कमजोर चेब क्यूत्देबे मोशाजे नियमदे च चे अङ्‍खू हम्ब परमेश्‍वरदे चीम्‍मीदे। परमेश्‍वरदे रङ्से चने ङीन्‍जे ङ्वप्रेने ङीनजे पापजे लागि बलि क्‍यूरने कूल्‍बीदे येर्‌बे ङीन फ्‍याने राज्‍य चेब पापी स्वभावने नाश चीप्‍पीदे।

२ कोरिन्थी 1:24

नमयूजे विश्‍वास फ्‍याने ङी हक जेमेदे दी, तर नमयूने सूग्‍लाबे चेने नमयूप्रे मील्‍लीदेबे काम फर्‌क्‍य। चेनेयलो नमयू रङ्से विश्‍वासने बोल्यो क्‍यूर ख्यङ्।

२ कोरिन्थी 13:4

चेनेयलो ङूने बोङ् त्‍व क्‍यूप्‍प मीयूदे खील् ठोक्दीदे क्रूस‍ने पील्‍पीदे, तर परमेश्‍वरजे बोङ्दे ङू सोम्‍बो क्‍यूर ख्यङ्। येरप्रने ङी ङूप्रे क्‍यूप्‍प, ङूप्रने बोङ् त्‍व क्‍यूक्‍क्‍य, तर नमयूप्रे काम फर्‌ने ङी परमेश्‍वरजे बोङ् प्रेत्‍देबे ङूप्रेने जीया चैय।

२ कोरिन्थी 5:21

चेनेयलो ङीन ख्रीष्‍टप्रे क्‍यूत्‍देबे परमेश्‍वरजे खूम्ने धर्मी ठर्‌ते खूस्‍य यदेबे पापने अन्‍स्‍येब ख्रीष्‍टने परमेश्‍वरदे ङीनजे पापजे बलि क्यूस्से पीन्‍दे।

गलाती 1:4

ङीनजे प-परमेश्‍वर‌जे इच्छा अनुसार येशूदे दीनीजे अम्‍ब अन्‍ज्‍य जूक्‍ने ङीनने जूक्‍तीमेने ङीनजे पाप‍जे लागि रङ्सेने पीन्‍दे।

गलाती 3:13

ङीनदे प्रे पर्‌देब श्राप ख्रीष्‍टदे प्‍लेत्‍दे मेस्‍ये मोशाजे नियम अनुसार प्रे पर्‌तेब श्रापदे ङीनने छूर्‌दीमीदे, चेनेयलो “तोङ्बोने पीलब क्‍वाने श्राप प्रेब क्‍यूक्‍क्‍य” यदेबे धर्मशास्‍त्रने लिख्दीये ख्यङ्।

एफिसी 3:12

ख्रीष्‍टने चेब विश्‍वासदे ङीनदे आँट मेस्‍ये पक्क भर् चीत्देबे ङीन परमेश्‍वर ट्‌याने प्र प्रेक्‍क्‍य,

तीतस 2:14

येशू ख्रीष्‍टदे ङीनने साप्‍ता किसिमजे पापदे छुर्‌तेजे लागि रङ्से प्राणये पीन्‍दे। ङूदे ङीनने पवित्र चेने रङ्से मी बन्‍दीदे, मेस्‍ये ज्‍य काम चेने जोसीलो क्यूरने येरे चीत्दे।

हिब्रू 10:10

परमेश्‍वरजे इच्‍छा अनुसार येशू ख्रीष्‍टजे ङ्व बलि क्‍यूत्‍देबे ङीनने येतार्‌जे लागि पवित्र चीम्‍मीक ख्यङ्।

हिब्रू 9:14

ख्रीष्‍टजे कादे नमयूजे चैये काम अन्‍लादेब विवेकने अझ थेप् कूम शुद्ध चीम्‍मीय, मेस्‍ये नमयूदे सोम्‍बो परमेश्‍वरजे सेवा चे खूस्‍य। चेनेयलो येतार्‌ने क्यून्‍नब परमेश्‍वरजे आत्माप्रे क्यूत्देबे ख्रीष्‍टदे रङ्सेने चैये खोट् त्‍वब बलिजे रूप्‍ने परमेश्‍वरने चेर्‌तीपीदे।

हिब्रू 9:26

नत्रलो संसार सृष्‍टि चेमेस्‍येने ङूदे येतार्‌ने दु:ख चीन्‍न पर्‌ते ख्यङ्दे। तर अम्‍ब जूग् जेन्‍टब बीलने पाप हर्‌दीबेने येतार्‌जे लागि त्‍याफे रङ्से जीया बलि पीनने ङू ‍रदे।

हिब्रू 9:28

होरप्रने ख्रीष्‍ट कूम मीजे पाप प्‍लेकेजे लागि त्याफे बलि क्‍यूत्‍दे। ङू फेरि दोस्रो पोलोने रीय। हन्छ्वाबब पाप प्‍लेने दी, तर ङूजे लम् लेन्‍नब मीयूजे उद्धार चेने ‍रीय।

याकूब 5:6

नमयूजे विरुद्ध अन्‍चेब सोर्‌तो दोष त्‍वब मीयूने नमयूदे दोष लैदीदेबे च्‍योक्से ख्यङ्।

१ पत्रुस 3:19

ङू अम्‍ब आत्‍माने गीलीदेबे कैदने पर्‌दीनब आत्‍मायूनेये प्रचार चीत्‍दे।

१ पत्रुस 4:1

ख्रीष्‍टदे रङ्से ङ्वने केर्‌बे सकस् भोक्‍तीदे होरप्रने नमयूदेये दु:ख भोक्‍तेब सेम् ची, चेनेयलो सूदे रङ्से ङ्वने दु:ख भोक्‍तीक ख्यङ्, हम्‍बदे पापजे कामयू चेने क्‍याबेब क्‍यूक्‍क्‍य।

१ पत्रुस 4:6

येरेक्‍यूत्‍देबे मीयूदेप्र ङ्वने थमयूदे न्याय प्रेल्‍लीने आत्‍मानेब थमयू परमेश्‍वरप्रने जीया चस्‍य यदेबे सीयेबयूनेये सूगब खबर स्‍योत्‍दे।

१ यूहन्‍ना 1:9

कादेये ङीनदे परमेश्‍वरजे खूम्ने रङ्से पापजे पश्‍चाताप चीत्‍देबे परमेश्‍वरदेले ल्‍वारदेयलो, ङूदे ङीनजे पाप क्षमा चीम्‍मीय, मेस्‍ये अन्‍ज्‍य कामयू साप्‍ताने चीस्‍स्ये अम्‍पीन्‍लाबे शुद्ध चीम्‍मीय, चेनेयलो परमेश्‍वर भर् पर्‌दे ख्वब मेस्‍ये धर्मी ख्यङ्।