१ पत्रुस 3:14 - घले नयाँ करार

¹⁴ तर कादेये ज्‍य काम चेजे लागि दु:ख भोक्‍ते पर्‌तीलीने परमेश्‍वरदे नमयूने असी पीन्‍क्‍य। हम्‍बयूदे धम्‍की पीन्‍ब फ अम्‍पर्‌ती, मेस्‍ये सूर्‌त चीन्‍न अम्‍पर्‌ती।

१ पत्रुस 3:14 ပူးပေါင်းရင်းမြစ်များ

मत्ती 10:28

सूदे ङ्वने नाश चेखूइय तर आत्माने नाश चेअङ्‍खू येर मीयूप्रे अम्‍फलाची। बरू आत्मा मेस्ये ङ्व ङ्हीनेने नरकने नाश चेख्‍वब परमेश्‍वरप्रे फ-पर्‌दीय।

मत्ती 10:31

होरेक्‍यूत्‍देब नमयू अम्‍फलाची, कूम च्‍यूङ्नीयूयली नमयू थेप् लू पर्‌देब ख्‍यङ्।

मत्ती 10:39

सूदे रङ्से प्राण जूक्‍तेमेय, हम्‍ब मीदे ङूजे प्राण प्रेस्‍स्‍ये त्वो, मेस्‍ये ङैजे लागि रङ्से प्राण पीनब मीदे ङूजे रङ्से प्राण जूक्‍तीय।

मत्ती 16:25

चेनेयलो सूदे रङ्से प्राण जूक्‍ते मेब सेम् चीक्क्‍य, ङूदे हम्‍ब अम्‍प्रे क्‍यूक्क्‍य, तर ङैजे लागि सूदे रङ्से प्राण पीन्‍क्‍य, ङूदे हम्‍ब प्रेक्क्‍य।

मत्ती 19:29

ङैजे लागि सू-सूदे रङ्से कीम्, अत-च्‍योन या च-चीमी या प-म या स-क्‍यू पोङ्ये ख्यङ्, हम्‍बदे सैत्‍या गुणा थेप् प्रेक्‍क्‍य, मेस्‍ये कलङ्बेये अन्सीबब जीयाजे हक प्रेक्क्‍य।

मर्कूस 10:29

येशूदे यदे, “तम्दम्‍ने ङ नमयूने यीय, सू मीदे ङैजे लागि मेस्‍ये सूगब खबर स्‍य्‍वेने कीम् या अत-च्‍योन् या अजी-च्‍योन् या प-म या च-चीमी या स-क्‍यू पोङ्‌गीलो,

मर्कूस 8:35

चेनेयलो रङ्सेजे जीया जूक्‍तेमेब सेम् चेब मीदे जीया अम्‍प्रे, तर रङ्से प्राण ङैजे लागि मेस्‍ये सूगब खबरजे लागि पीनब मीदे जीया प्रेक्‍क्‍य।

यूहन्‍ना 14:1

नमयूजे सेम् अन्‍ठोस्‍य। परमेश्‍वर फ्‍याने विश्‍वास ची मेस्‍ये ङै फ्‍यानेये विश्‍वास ची।

यूहन्‍ना 14:27

ङ नमयूने शान्ति पोङ्‍गीय। ङ रङ्सेजे शान्ति नमयूने पीन्‍क्‍य। ङ नमयूने संसारदे पीनप्र अम्‍पीन्। नमयूजे सेम् अन्‍ठोस्‍य, मेस्‍ये अम्‍फस्‍य।

मूल स्यूस्स्यायूजे कामजे किताब 9:16

चेनेयलो ङैजे मीन्जे कारण ङूदे कोला सकस् भोक्‍ते पर्‌दीय, हम्‍ब ङ ङूने तम्‍मीय।”

२ कोरिन्थी 12:10

येरेक्‍यूत्‍देबे ख्रीष्‍टजे लागि बोङ् त्‍व क्‍यूप्‍प, मीयूदे न पूप्‍प, सकस्यू पर्‌तीब, सतनम्‌यूने पर्‌तीब, आपद्‍यूने पर्‌तीब ङ सूग्‍क्‍य। चेनेयलो कन्‍छ्वाब ङ बोङ् त्‍वब क्‍यूक्‍क्‍य, हन्‍छ्वाब ङ थेप् बोल्यो क्‍यूक्‍क्‍य।

फिलिप्पी 1:29

चेनेयलो ख्रीष्‍टने विश्‍वास चेब पोत्‍यामे पीने दी, तर ख्रीष्‍टजे लागि दु:ख भोक्‍ते पर्‌तीय यब पोये नमयूने पीने ख्यङ्,

याकूब 1:12

भबी-तबी पर्‌तीरब पात्‍ताङ्‍येसेमे सैदे ख्‍वब मीदे असी प्रेक्‍क्‍य, चेनेयलो येर जाँचयू सैदीकब मीदे जीयाजे मुकुट प्रेक्‍क्‍य, हम्‍ब मुकुट परमेश्‍वरने प्रेम चेब मीयूने पीन्‍क्‍य यदेबे परमेश्‍वरदे चेब कबुल ख्यङ्।

याकूब 5:11

ले, धेरेन् क्‍यून्‍नब मीयूने ङी असी प्रेबयू यीय। अय्‍यूबदे केरे धेरेन् टूङ खूदे यब पो नमयूदे त ख्यङ्, मेस्‍ये सोरो दया चेब होर्‌दे सोरो माया चेब प्रभू ख्यङ् यदेबे नमयूदे प्रभूजे इच्‍छाये तङ ख्यङ्।

१ पत्रुस 3:6

होरप्रने अब्राहामजे मज सारादेये चे ख्‍य। ङूदे अब्राहामने ङैजे नोबो यदेबे ङूजे आज्ञा मन्‍दे ख्‍य। कादेये नमयूदे चैपोनेये अम्‍फलाबे ज्‍य काम चीत्‍देयलो नमयू साराजे चीमीयू ठर्‌तीय।