१ पत्रुस 3:11 - घले नयाँ करार

¹¹ ङूदे अन्‍ज्‍य काम क्यापीस्‍य मेस्‍ये सोरो ज्‍य काम चीस्‍स्‍य, हम्‍बदे शान्ति प्रेब लम् मल्‍स्‍य मेस्‍ये हम्‍ब शान्तिजे लम्ने प्रस्‍य।

१ पत्रुस 3:11 ပူးပေါင်းရင်းမြစ်များ

मत्ती 5:45

मेस्‍ये स्वर्गने टूङब रङ्से पजे च-चीमीयू नमयू क्यूक्क्य। परमेश्‍वरदे ज्‍य प्रे अन्ज्‍य मीयूने मीया प्‍ल्‍यामीय, मेस्‍ये धर्मी होर्‌दे पाप चेब मी ङ्‍हीनेने झीरी रस्‍येपीन्क्‍य।

मत्ती 5:9

थून्ला चीम्‍मेब मीयूदे असी प्रेक्‍क्‍य, चेनेयलो थमयूने परेमेश्‍वरजे च-चीमीयू यीय।

मत्ती 6:13

ङीने अन्ज्य जाँचने पर्‌तीप्रसे अम्‍पीन्‍लाची, तर दुष्‍टजे लादे चूक्‍दीमी। [चेनेयलो राज्‍य, शक्ति मेस्‍ये महिमा येतार्‌ने नैजेने ख्‍यङ्। आमेन।’]

मर्कूस 14:7

दूख्‍प्रेब मीयू नमयूप्रे येतार्‌ने क्‍यूक्‍क्‍य। होरेक्‍यूत्‍देबे थमयूने नमयूदे सेम्पर्‌दीब कलङ्नेयली तोङ्मे खूइय। तर ङ नमयूप्रे येतार्‌ने अन्क्‍यूर्‌।

लूका 1:79

मेस्‍ये मून्‍दूङ्ने टूङबयू मेस्ये कालजे ङूर्‌ने पर्‌दीब मेल्‍नबयूदे ओथ्याङ् प्रेक्‍क्‍य, मेस्‍ये ङीनजे तोप् शान्तिजे लम्तेले स्‍योल्‍क्‍य।”

लूका 6:35

तर रङ्से शत्रुयूनेये प्रेम ची, मेस्‍ये थमयूने ज्‍य ची। फेरि प्रेब आशा अन्‍चील्‍लाबे छेर् पीन्, मेस्‍ये नमयूजे इनाम केन् क्यूक्क्य, होर्‌दे न पात्‍ता फ्‍याजे छगूम्-पूर्‌गूम् ठर्‌दीय, चेनेयलो येशूदे बैगुनी मेस्ये रङ्से मतलब्‍त्या पूरा चेब फ्‍यानेये कृपा चीक्‍क्‍य।

लूका 6:9

होर्‌दे येशूदे थमयूने यदे, “ङ नमयूने लोक्‍क्‍य, आराम टूङब दिनने मीने ज्‍य चे या ङूने अन्ज्‍य चे, प्राण बच्‍दीमे या नाश चे कम्ब ज्‍य ख्यङ्?”

यूहन्‍ना 17:15

थमयूने संसारदे योन्‍देबे कूब यदेबे ङ नने प्रार्थना अन्‍ची, तर दुष्‍टजे शक्तिदे चैये चे अङ्ख्‍व चीत्‍देबे जूक्‍तीमी यब प्रार्थना चीक्‍क्‍य।

रोमी 12:18

क्‍यूर खूलो खोत्‍ताप्रेने थून्‍देबे टूङ्।

रोमी 14:17

चेनेयलो परमेश्‍वरजे राज्‍य च-थूङने दी, तर अम्‍ब पवित्र आत्माने धार्मिकता, शान्ति मेस्‍ये आनन्‍द ख्यङ्।

रोमी 14:19

येरेक्‍यूत्‍देबे ङीन अम्‍ब पोयूजे के थाये, कम्‍ब पोदे शान्ति रेक्‍क्‍य, होरदे त्‍या-त्‍याजे आत्माने बोङ् पीनब काम चीक्‍क्‍य।

रोमी 5:1

येरेक्‍यूत्‍देबे ङीन परमेश्‍वरने विश्‍वास चीत्‍देबे धर्मी ठर्‌दे ख्यङ्, होर्‌दे ङीन प्रभू येशू ख्रीष्‍टप्रे क्यूत्देबे परमेश्‍वरप्रे मिलाप क्‍यूर ख्यङ्।

रोमी 7:19

चेनेयलो ङैदे चेमेब ज्‍य काम, हम्‍ब ङ अन्‍ची, तर कम्‍ब दुष्‍ट काम चीत्‍तीङ् अन्‍ड, हम्‍बने ङैदे चीक्‍क्‍य।

रोमी 7:21

येरेक्‍यूत्‍देबे नियम त्यादे येरे काम चीन्‍नब प्रेक्‍क्‍य। कन्‍छ्वाब ङ ज्‍य काम चीत्‍तीङ्‍रीय, हन्‍छ्वाब दुष्‍ट ङैजे ट्‌यानेने ख्‍यब था प्रेक्‍क्‍य।

रोमी 8:6

चेनेयलो पापी स्वभाव अनुसार प्रब मीयूब सीब पर्‌दे ख्यङ्, तर पवित्र आत्‍मा अनुसार प्रब मीयूदेब मेस्‍ये शन्ति प्रेक्‍क्‍य।

गलाती 5:22

तर पवित्र आत्मादे पीनब फल अम्‍ब ख्यङ्- प्रेम, आनन्द, शान्‍ति, सैदीदेबे टूनख्‍वब, ङ्येमब सेम्, भलो चेब, भर् पर्‌ते ख्‍वब,

गलाती 6:10

येरेक्‍यूत्‍देबे मौका प्रेप्‍पने ङीनदे मी क्‍वाजेने भलो चीक्‍के परदीय, थेप्‍प्र येशूने विश्‍वास चेब ङीनजे म्‍हीत्‍तीयूने भलो चेपर्‌दीय।

कलस्सी 3:15

ख्रीष्‍टजे शान्तिदे नमयूजे सेम्ने राज्‍य चीस्‍स्‍य। अम्‍ब शान्तिजे लागि परमेश्‍वरदे नमयूने ङ्वत्‍याजे अङ्गयू क्‍यूरने क्‍व ख्यङ्, अम्‍बजे लागि नमयू येतार्‌ने धन्‍यवाद पीन्‍नू।

१ तिमोथी 6:18

थमयूदे ज्‍य काम चीस्‍स्‍य, मेस्‍ये ज्‍य कामयू चीत्‍देबे फ्‍योबो क्‍यूस्स्य, सेम् यङ्लाबे हर्‌जो क्यून्‍नबयूने पीनजे लागि येतार्‌ने तयार क्यूरो।

हिब्रू 12:14

मीयू क्‍वाप्रेने थून्‍देबे मेस्‍ये पवित्र क्‍यूत्‍देबे टूङने बोङ् ची, पवित्र अन्‍क्‍यूत्‍दासेमे सूमीदेये परमप्रभुने तङ् अङ्‍खू।

हिब्रू 13:16

भलो काम फरने, मेस्‍ये रङ्सेप्रे ख्‍यब सेयू सूजोयूप्रे क्‍वेने येल अन्‍क्‍यूर्‌, चेनेयलो परमेश्‍वरने सेम् पर्‌तेब बलि अम्बने ख्यङ्।

याकूब 4:17

येरेक्‍यूत्‍देबे सूदे भलो चेब स्‍येदेये अन्‍ची ङूदे पाप चीक्‍क्‍य।

१ पत्रुस 3:12

चेनेयलो परमप्रभुजे म्‍यादे धर्मी मीयूने लेन्‍नीय, मेस्‍ये थमयूजे प्रार्थना ङूदे ङ्यीन्‍नीय, तर परमप्रभुदे अन्‍ज्‍य काम फरब मीयूजे येतार्‌ने विरुद्ध चीन्‍नीय।”

३ यूहन्‍ना 1:11

छेब च्‍योन्, अन्ज्य पोजे के अन्‍थालाची, तर सोरो ज्य पोजे के था। सूदे ज्‍य चीक्‍क्‍य, हम्‍ब परमेश्‍वरजे ख्यङ्, सूदे अन्‍ज्‍य काम फर्‌क्‍य हम्‍बदे परमेश्‍वरने अन्‍तङ् ख्यङ्।