१ पत्रुस 3:1 - घले नयाँ करार

¹ मजयू, रङ्से प्‍ल्‍यङ्‍यूजे हक नङ्ने टूङ्, मेस्‍ये येरे थमयूदे परमेश्‍वरजे वचन अम्‍मन्‍दीलीने रङ्से मजजे ज्‍य आनिबानि क्‍यूत्‍देबे चै पोये यने अम्‍पर्‌तीलाबे थमयूदे विश्‍वास चे खूइय।

१ पत्रुस 3:1 ပူးပေါင်းရင်းမြစ်များ

मत्ती 18:15

“कादेये नैजे च्‍योन्दे नैजे विरुद्धने पाप चीत्‍देयलो, प्रदेबे नम ङ्हीत्‍या फूङ् क्‍यूरब बीलने ङूजे नोकोस् तम्‍मी। कादेये ङूदे नैजे पो ङ्यीन्‍देयलो, हम्‍ब फेरि नैजे रङ्से च्‍योन्‍ने क्‍यूक्क्‍य।

रोमी 10:16

तर थमयू क्‍वादेने सूगब खबरने अम्मन्दे ख्यङ्। चेनेयलो अगमवक्ता यशैयादे यीय, “प्रभू, ङीदे स्‍य्‍वेब पोने सूदे विश्‍वास चेख्यङ्?”

रोमी 6:17

खूम नमयू पापजे त्वो-त्वोम क्‍यूर ख्‍य, तर चूजो परमेश्‍वरदे लोम्‍मेब शिक्षाने नमयूदे सेम् नङ्देमेस्‍येने मन्‍दे ख्यङ्। अम्‍बजे लागि परमेश्‍वरने धन्‍यवाद ख्यङ्।

रोमी 7:2

नमूनाजे लागि, ङ्येन् क्‍यूरेब मदी सूने ख्यङ्लीने रङ्से प्ल्यङ सोम्‍बो ख्यङ्दासेमे मोशाजे नियम अनुसार ङूप्रेने ख्यायेब क्‍यूक्‍क्‍य, तर प्ल्यङ सीबदेयलो ङूदे हम्‍ब नियमदे ख्या‍देबे येन्स्ये त्वो।

१ कोरिन्थी 11:3

तर ख्रीष्‍ट मीयू क्‍वाजे ट ख्यङ्, मदीजे ट ङूजे पती ख्यङ्, होर्‌दे परमेश्‍वर ख्रीष्‍टजे ट ख्यङ् यब पो नमयूदे स्‍येस्‍य यदेबे ङ सेम् चीक्‍क्‍य।

१ कोरिन्थी 14:34

मदीयू मण्डलीने पारा अम्‍पूल्‍लाबे टूङ्स्‍य। थमयूने क्‍यमब हक त्‍वो, तर मोशाजे नियमदे यप्र थमयू नियम नङ्ने टूङ्स्‍य।

१ कोरिन्थी 7:16

मदी! कादेये येशूने विश्‍वास अन्‍चेब रङ्से पतीने विश्‍वासने रे खूइय यदेबे था त्‍वा? होरप्रने पती! कादेये येशूने विश्‍वास अन्‍चेब रङ्से मदीने विश्‍वासने रे खूइय यदेबे था त्‍वा?

एफिसी 5:33

चनेक्‍यूल्‍लीने नमयू खोत्‍तादेने रङ्से मजने रङ्सेने प्रने प्रेम ची, मेस्‍ये मजदेये रङ्से प्ल्यङने गेसेन् ची।

कलस्सी 3:18

मजयू, प्रभुने सेम् पर्‌देब क्‍यूत्‍देबे रङ्से रङ्सेजे प्ल्यङ्जे हक नङ्ने टूङ्।

कलस्सी 4:5

प्रेब मौकाजे फाइदा कीन्‍देबे ख्रीष्‍टने विश्‍वास अन्चेब मीयूप्रे व्यवहार चीप्‍प दीमाग लैदीदेबे ची।

२ थेसलोनिकी 1:8

परमेश्‍वरने अन्स्येबयूने मेस्‍ये ङीनजे प्रभु येशूजे सूगब खबर अम्‍मन्‍देबयूने ङूदे दण्ड पीन्क्‍य।

हिब्रू 11:8

अब्राहामदे विश्‍वास चीत्‍देबे परमेश्‍वरजे आज्ञा मन्‍दीदे, मेस्‍ये परमेश्‍वरदे प्र यब नेतेले गीलीदे, हम्‍ब नेजे हक परमेश्‍वरदे ङूने ङ्‍येदे पीन्‍स्‍ये ख्‍य, होरेक्‍यूल्‍ली ङू कर्‌तेयोर्‌ प्रेन ख्‍य यब पो ङूने था त्‍वो।

हिब्रू 5:9

मेस्‍ये परमेश्‍वरदे ङूने सिद्ध चीम्‍मे ङ्‍येदे ङूजे आज्ञा मन्‍देब मीयू क्‍वाजे लागि येतार्‌ने क्यून्‍नब मुक्तिजे मूल ङू क्‍यूत्‍दे।

१ पत्रुस 1:22

जेम्से नमयूदे परमेश्‍वरजे सत्य पो मन्‍दे ख्यङ् मेस्‍ये रङ्सेने शुद्ध चीत्‍देबे रङ्से अत-अची-च्योन्‌यूने चोखो माया ची, मेस्‍ये सेम्-नङ्देमेस्‍येने त्‍यादे-त्‍याने बेस्‍से कूम माया ची।

१ पत्रुस 3:2

चेनेयलो नमयूजे जीया कोला शुद्ध मेस्‍ये गेसेन् प्रेब लायकजे ख्यङ् यदेबे प्ल्यङ्‍यूदे तङ्क्‍य।

१ पत्रुस 3:7

प्ल्यङ्‍यूदे होरप्रने रङ्से मजयूजैये विचार ची, मेस्‍ये मदीयू कमजोर ख्यङ् यदेबे गेसेन् चीन्‍नू, चेनेयलो नमयूने परमेश्‍वरदे पीनब जीयाजे अनुग्रह प्रेब गोसारी ख्‍योन् थमयूये ख्यङ्, येरे नमयूदे चेब प्रार्थनाने बाधा अम्‍पर्‌तीस्‍य।

१ पत्रुस 4:17

चेनेयलो परमेश्‍वरजे रङ्से मीयूदेमेस्‍ये न्याय शुरु क्‍यूरब बील फ्‍योर ख्यङ्, कादेये अम्‍ब न्याय ङीनदेमेस्‍ये सुरु क्‍यूक्‍क्‍य यलो परमेश्‍वरजे सूगब खबरने विश्‍वास अन्‍चेबयूजे झन् कर न्याय क्‍यूक्‍क्‍य?